24/05/2026
گورنر ہاؤس پشاور میں ضم اضلاع کے زیر اہتمام ضلع خیبر اور ضلع کرم کے متاثرہ خاندانوں میں امدادی (چیکس) کی تقسیم کی تقریب منعقد ہوئی۔ تقریب میں گورنر خیبرپختونخوا فیصل کریم کنڈی نے (PRCS) کی جانب سے ضلع خیبر اور ضلع کرم کے متاثرہ خاندانوں میں امدادی چیکس تقسیم کیے۔اس موقع پر خطاب کرتے ہوئے گورنر نے کہا کہ PRCS ضلع خیبر اور ضلع کرم میں امدادی سرگرمیوں میں اہم کردار ادا کر رہا ہے۔ انہوں نے کہا کہ ضم شدہ اضلاع میں امن و امان کی خراب صورتحال کے باوجود ہماری ٹیمیں اپنی خدمات جاری رکھے ہوئے ہیں، اور سخت حالات کے باوجود PRCS کے رضاکار اور فیلڈ ٹیمیں بھرپور انداز میں امدادی سرگرمیوں میں مصروف ہیں۔
گورنر نے بتایا کہ ضلع خیبر کے 1700 سے زائد اور ضلع کرم کے 1000 سے زائد متاثرہ خاندانوں کو فی خاندان 38 ہزار روپے کی مالی امداد فراہم کی جا رہی ہے۔انہوں نے مزید کہا کہ محدود وسائل اور سہولیات کے باوجود ہر مستحق فرد کی مدد کے لیے اقدامات جاری ہیں، جبکہ متاثرین میں فوڈ آئٹمز سمیت دیگر ضروری اشیاء بھی تقسیم کی جا رہی ہیں۔
