Higher Education Regulatory Authority Khyber Pakhtunkhwa

Higher Education Regulatory Authority Khyber Pakhtunkhwa Government body to regulate private sector higher educational institutions in Khyber Pakhtunkhwa

Higher Education Regulatory Authority is an independent and impartial regulatory authority for private sector universities / institutes and colleges in KP

جمعہ مبارک۔جمعہ کے بابرکت دن اللہ تعالیٰ ہمیں اپنی رحمتوں، برکتوں اور مغفرت سے نوازے۔اللہ پاک ہمارے دلوں کو ایمان کی روش...
28/08/2026

جمعہ مبارک۔

جمعہ کے بابرکت دن اللہ تعالیٰ ہمیں اپنی رحمتوں، برکتوں اور مغفرت سے نوازے۔
اللہ پاک ہمارے دلوں کو ایمان کی روشنی سے منور فرمائے، ہماری دعائیں قبول فرمائے اور ہمارے وطنِ عزیز پاکستان بالخصوص خیبر پختونخوا میں امن، خوشحالی اور ترقی عطا فرمائے۔ آمین۔

جمعہ مبارک!

ہائر ایجوکیشن ریگولیٹری اتھارٹی (ہیرا)، خیبر پختونخوا

ہائیر ایجوکیشن ریگولیٹری اتھارٹی خیبرپختونخوا کی جانب سے HERA-KDDP اسکالرشپ کورسز کے لئے آن لائن اسیسمنٹ ٹیسٹ کا شیڈول ج...
27/08/2026

ہائیر ایجوکیشن ریگولیٹری اتھارٹی خیبرپختونخوا کی جانب سے HERA-KDDP اسکالرشپ کورسز کے لئے آن لائن اسیسمنٹ ٹیسٹ کا شیڈول جاری کر دیا گیا ہے۔

ٹیسٹ کی تاریخیں اور شیڈول:
پیر، 31 اگست 2026ء
• صبح 10:00 بجے Cyber Security and Ethical Hacking
• دوپہر 12:00 بجے Artificial Intelligence
• دوپہر 2:00 بجے Installation, Operation and Maintenance of Solar Power Projects

منگل، 1 ستمبر 2026ء
• صبح 10:00 بجے Health and Safety (NEBOSH, IOSH, OSHA) Test 1
• دوپہر 12:00 بجے Health and Safety (NEBOSH, IOSH, OSHA) Test 2
• دوپہر 2:00 بجے Health and Safety (NEBOSH, IOSH, OSHA) Test 3
• شام 4:00 بجے Health and Safety (NEBOSH, IOSH, OSHA) Test 4

امیدواروں کے لیے اہم ہدایات:
• فعال اور مستحکم انٹرنیٹ کنکشن کی دستیابی یقینی بنائیں۔
• قابلِ اعتماد انٹرنیٹ کنکشن کے ساتھ مناسب کمپیوٹر/لیپ ٹاپ یا اسمارٹ فون کا انتظام کریں۔
• ایک پُرسکون اور موزوں جگہ کا انتخاب کریں جہاں آپ بغیر کسی رکاوٹ کے اپنا اسیسمنٹ مکمل کر سکیں۔
• جن امیدواروں کو قابلِ اعتماد انٹرنیٹ کنکشن تک رسائی حاصل نہیں، وہ اسیسمنٹ میں شرکت کے لیے نامزد ٹیسٹ مراکز کا دورہ کر سکتے ہیں۔

ٹیسٹ لنک، مکمل ٹیسٹ کی معلومات اور ٹیوٹوریل ویڈیو تمام شارٹ لسٹ کیے گئے امیدواروں کے ساتھ ہیرا آفیشل واٹس ایپ گروپس کے ذریعے شیئر کیے جائیں گے۔

براہِ کرم شیڈول میں اپنے مقررہ کورس، تاریخ اور ٹیسٹ کے وقت کو احتیاط سے چیک کریں اور مقررہ وقت سے قبل ٹیسٹ کے لیے تیار رہیں۔

تمام شارٹ لسٹ کیے گئے امیدواروں کے لیے نیک خواہشات!

Stay Tuned with Us.

عید میلاد النبی ﷺ کے بابرکت اور پُرنور موقع پر تمام اہلِ اسلام، بالخصوص خیبر پختونخوا کے عوام کو دل کی گہرائیوں سے مبارک...
26/08/2026

عید میلاد النبی ﷺ کے بابرکت اور پُرنور موقع پر تمام اہلِ اسلام، بالخصوص خیبر پختونخوا کے عوام کو دل کی گہرائیوں سے مبارکباد پیش کرتا ہوں۔

حضورِ اکرم ﷺ کی سیرتِ طیبہ ہمارے لیے محبت، امن، عدل، برداشت، اخوت اور انسانیت کی خدمت کا کامل نمونہ ہے۔ ہمیں چاہیے کہ آپ ﷺ کی تعلیمات کو اپنی زندگیوں کا حصہ بنائیں اور معاشرے میں بھائی چارے، رواداری، خیرخواہی اور باہمی احترام کو فروغ دیں۔

اللہ تعالیٰ ہمیں حضور نبی کریم ﷺ کی سچی محبت نصیب فرمائے، آپ ﷺ کی سیرتِ مبارکہ پر عمل کرنے کی توفیق عطا فرمائے، اور ہمارے وطنِ عزیز کو امن، خوشحالی، استحکام اور ترقی سے ہمکنار فرمائے۔

عید میلاد النبی ﷺ مبارک!

منجانب:
چیئرمین
ہائر ایجوکیشن ریگولیٹری اتھارٹی (ہیرا)
خیبر پختونخوا

12 ربیع الاول — عید میلاد النبی ﷺ بارہ ربیع الاول کے بابرکت موقع پر اعلیٰ تعلیمی ریگولیٹری اتھارٹی (ہیرا)، حکومتِ خیبر پ...
25/08/2026

12 ربیع الاول — عید میلاد النبی ﷺ

بارہ ربیع الاول کے بابرکت موقع پر اعلیٰ تعلیمی ریگولیٹری اتھارٹی (ہیرا)، حکومتِ خیبر پختونخوا کی جانب سے تمام اہلِ اسلام کو دلی مبارکباد۔

آئیے اس مبارک دن کے موقع پر نبی کریم حضرت محمد مصطفیٰ ﷺ کی سیرتِ طیبہ، محبت، رواداری اور حسنِ اخلاق کو اپنی زندگیوں کا حصہ بنانے کا عہد کریں۔

عید میلاد النبی ﷺ مبارک!

#عیدمیلادالنبیﷺ

آپ کی آواز، ہماری ترجیح!وزیر اعلیٰ خیبر پختونخوا جناب سہیل خان آفریدی کے ہدایت پر شفاف نظام تعلیم کے فروغ کیلئے ہائر ایج...
25/08/2026

آپ کی آواز، ہماری ترجیح!

وزیر اعلیٰ خیبر پختونخوا جناب سہیل خان آفریدی کے ہدایت پر شفاف نظام تعلیم کے فروغ کیلئے ہائر ایجوکیشن ریگولیٹری اتھارٹی خیبر پختونخوا (ہیرا) کا کمپلینٹ سیل قائم کردیا گیا ہے ۔
اب ھم آپ کی شکایات اور مسائل سننے، ریکارڈ کرنے اور بروقت حل کرنے کے لیے موجود ہے۔

اپنی شکایت یا مسئلہ ہم تک پہنچائیں اور بروقت کارروائی کے لیے ہیرا کمپلینٹ سیل
سے رابطہ کریں۔

Address: 46/A Sector B-2, Phase 5, Hayatabad, Peshawar
📞 Contact: 0919217676
🌐 Website: www.herakp.gov.pk
📧 Email: [email protected]

Your Voice Matters. Your Satisfaction Our Priority.

جمعۃ المبارک | سیرتِ النبی ﷺسیرتِ طیبہ ﷺ ہمارے لیے بہترین نمونہ اور مکمل رہنمائی ہے۔آئیے آج عہد کریں کہ آپ ﷺ کی تعلیمات ...
21/08/2026

جمعۃ المبارک | سیرتِ النبی ﷺ

سیرتِ طیبہ ﷺ ہمارے لیے بہترین نمونہ اور مکمل رہنمائی ہے۔
آئیے آج عہد کریں کہ آپ ﷺ کی تعلیمات کو اپنی زندگی کا حصہ بنائیں گے۔

🤲 اللہ تعالیٰ ہمیں سیرتِ نبوی ﷺ پر عمل کی توفیق عطا فرمائے۔ آمین۔

جمعۃ المبارک

اہم اپڈیٹ, (ترمیم شدہ)تمام طلباء وطالبات جنہوں نے کوہاٹ ڈویژن سے ہائیر ایجوکیشن ریگولیٹری اتھارٹی کے KDDP اسکالرشپ پروگر...
17/08/2026

اہم اپڈیٹ, (ترمیم شدہ)

تمام طلباء وطالبات جنہوں نے کوہاٹ ڈویژن سے ہائیر ایجوکیشن ریگولیٹری اتھارٹی کے KDDP اسکالرشپ پروگرام کے کورسز کے لئے آنلائن درخواست دی تھی اور پھر باقاعدہ مطلوبہ دستاویزات کی مصدقہ نقول متعلقہ دفتر میں جمع کروائے تھے۔ وہ تیار ہوجائیں کیونکہ ان کی دستاویزات کی جانچ پڑتال کے بعد شارٹ لسٹ ہونے والے طلباء وطالبات کو باقاعدہ آفیشل پیغامات موصول ہونا شروع ہوگئے ہیں۔

اس سلسلے میں شارٹ لسٹ طلباء وطالبات کو گروپوں میں شامل کیا گیا ہے۔ اہل امیدوار بیچ 7 کے مختلف امتحانی مراکز میں آنلائن اسیسمنٹ ٹیسٹ کی تاریخ، مقام اور دیگر اہم معلومات کے اعلان کے لیے ہمارے ساتھ جڑے رہیں۔

سیکھنے، مہارتوں کے فروغ اور نئے مواقع کی جانب آپ کا سفر جلد شروع ہونے والا ہے.

Education Archives & Libraries Department Khyber Pakhtunkhwa

14/08/2026

یومِ آزادی مبارک 🇵🇰

یومِ آزادی ہمیں اُس عظیم نعمت کی یاد دلاتا ہے جس کے لیے ہمارے بزرگوں نے بے مثال قربانیاں دیں۔ پاکستان اللہ تعالیٰ کی عطا کردہ نعمت ہے، اور اس نعمت کی قدر صرف جشن منانے سے نہیں بلکہ اسے مضبوط، پُرامن اور خوشحال بنانے کے لیے اپنی ذمہ داریاں دیانت، اخلاص اور احساسِ ذمہ داری کے ساتھ ادا کرنے سے ہوتی ہے۔

اسلام ہمیں عدل، امانت، علم، اتحاد، اخوت اور انسانیت کی خدمت کا درس دیتا ہے۔ یہی وہ اصول ہیں جنہیں اپنا کر ہم اپنے وطن کو حقیقی معنوں میں مضبوط بنا سکتے ہیں۔ قرآنِ کریم میں اللہ تعالیٰ فرماتا ہے: “وَتَعَاوَنُوا عَلَى الْبِرِّ وَالتَّقْوَىٰ” — نیکی اور تقویٰ کے کاموں میں ایک دوسرے کی مدد کرو۔

تعلیم بھی اسی راستے کا ایک روشن ذریعہ ہے۔ علم وہ روشنی ہے جو انسان کے کردار کو سنوارتی اور قوموں کے مستقبل کو روشن کرتی ہے۔ ہماری ذمہ داری ہے کہ ہم اپنی نوجوان نسل کو علم کے ساتھ ساتھ اخلاق، کردار، خدمت اور حب الوطنی کا شعور بھی دیں۔

آئیے اس یومِ آزادی پر ہم عہد کریں کہ ہم پاکستان کو اللہ تعالیٰ کی امانت سمجھ کر اس کی ترقی، امن اور خوشحالی کے لیے اپنے حصے کا کردار خلوصِ نیت سے ادا کریں گے۔

اللہ تعالیٰ ہمارے وطنِ عزیز کو امن، استحکام، اتحاد اور خوشحالی عطا فرمائے، اسے ہر آفت سے محفوظ رکھے اور ہمیں اس کی خدمت ایمانداری اور دیانت کے ساتھ کرنے کی توفیق عطا فرمائے۔ آمین۔

پاکستان زندہ باد! 🇵🇰

ساجد انعام
چیئرمین
ہائر ایجوکیشن ریگولیٹری اتھارٹی، خیبر پختونخو

طلبہ کے مائیگریشن سرٹیفکیٹس روکنے اور غیر مجاز فیس وصولی پر ہیرا کا سخت نوٹسپشاور: ہائر ایجوکیشن ریگولیٹری اتھارٹی (ہیرا...
10/08/2026

طلبہ کے مائیگریشن سرٹیفکیٹس روکنے اور غیر مجاز فیس وصولی پر ہیرا کا سخت نوٹس

پشاور: ہائر ایجوکیشن ریگولیٹری اتھارٹی (ہیرا) خیبر پختونخوا نے نجی کالجوں اور اعلیٰ تعلیمی اداروں کی جانب سے طلبہ کے مائیگریشن سرٹیفکیٹس روکنے اور سرٹیفکیٹ کے اجرا کو بقایا سمسٹروں کی مکمل فیس کی ادائیگی سے مشروط کرنے کی شکایات کا سخت نوٹس لے لیا ہے۔

ہیرا کی جانب سے صوبے بھر کے تمام رجسٹرڈ نجی کالجوں اور تعلیمی اداروں کو جاری کردہ مراسلے میں واضح ہدایات دی گئی ہیں کہ طلبہ کو مائیگریشن سرٹیفکیٹس جاری کرنے کے معاملے میں اپنی متعلقہ الحاقی جامعات کی پالیسیوں اور مقررہ قواعد و ضوابط پر سختی سے عمل درآمد یقینی بنایا جائے۔

مراسلے میں واضح کیا گیا ہے کہ کسی بھی طالب علم کا مائیگریشن سرٹیفکیٹ بلاجواز روکا نہیں جا سکتا۔ اسی طرح سرٹیفکیٹ کے اجرا کے لیے کسی بھی قسم کی غیر مجاز فیس وصول کرنے یا طلبہ سے بقایا سمسٹروں کی مکمل فیس کی ادائیگی کا غیر ضروری مطالبہ کرنے کی اجازت نہیں ہوگی۔

ہیرا نے تمام رجسٹرڈ نجی تعلیمی اداروں کو ہدایت کی ہے کہ وہ ان احکامات پر فوری اور مؤثر عمل درآمد یقینی بنائیں اور طلبہ کے تعلیمی حقوق کے تحفظ کو ترجیح دیں۔

اتھارٹی نے خبردار کیا ہے کہ ہدایات کی خلاف ورزی کی صورت میں متعلقہ ادارے کے خلاف مروجہ قوانین، قواعد و ضوابط کے تحت مناسب ریگولیٹری کارروائی عمل میں لائی جائے گی۔

ہیرا نے اس عزم کا اعادہ کیا ہے کہ طلبہ کے حقوق کا ہر ممکن تحفظ یقینی بنایا جائے گا اور کسی بھی نجی تعلیمی ادارے کو ایسے اقدامات کی اجازت نہیں دی جائے گی جو طلبہ کی تعلیمی پیش رفت میں رکاوٹ بنیں یا ان کے قانونی و تعلیمی حقوق متاثر ہوں۔

ہیرا نے رِفاع انٹرنیشنل یونیورسٹی ملاکنڈ سب کیمپس کی غیر مجاز منتقلی کا نوٹس لے لیا، کارروائی کے لیے ایچ ای سی کو مراسلہ...
07/08/2026

ہیرا نے رِفاع انٹرنیشنل یونیورسٹی ملاکنڈ سب کیمپس کی غیر مجاز منتقلی کا نوٹس لے لیا، کارروائی کے لیے ایچ ای سی کو مراسلہ ارسال

پشاور، 7 اگست: ہائر ایجوکیشن ریگولیٹری اتھارٹی (ہیرا) خیبر پختونخوا نے رِفاع انٹرنیشنل یونیورسٹی کے ملاکنڈ سب کیمپس کی مبینہ طور پر بغیر پیشگی منظوری اور لازمی این او سی کے منتقلی کا سخت نوٹس لیتے ہوئے معاملہ مزید قانونی و ضابطہ جاتی کارروائی کے لیے ہائر ایجوکیشن کمیشن (ایچ ای سی) کے سامنے اٹھا دیا ہے۔

ہیرا کی جانب سے ہائر ایجوکیشن کمیشن کو ارسال کیے گئے باضابطہ مراسلے میں مؤقف اختیار کیا گیا ہے کہ رِفاع انٹرنیشنل یونیورسٹی نے اپنے ملاکنڈ سب کیمپس کو چکدرہ، ضلع لوئر دیر سے سیکٹر ڈی، کانجو ٹاؤن شپ، ضلع سوات منتقل کر دیا ہے اور نئی جگہ پر تعلیمی و انتظامی سرگرمیاں بھی شروع کر دی گئی ہیں۔

اتھارٹی کے مطابق کیمپس کی منتقلی سے قبل ہیرا سے لازمی پیشگی منظوری یا این او سی حاصل نہیں کیا گیا، جو صوبے میں نجی جامعات اور ان کے ذیلی کیمپسز کے قیام، منتقلی، توسیع اور انتظام سے متعلق مروجہ قوانین، قواعد و ضوابط کی خلاف ورزی کے زمرے میں آتا ہے۔

ہیرا نے اپنے مراسلے میں ہائر ایجوکیشن کمیشن سے درخواست کی ہے کہ معاملے کا جائزہ لیتے ہوئے متعلقہ قوانین اور ضابطہ کار کے تحت مناسب قانونی و انتظامی کارروائی عمل میں لائی جائے۔ اتھارٹی نے واضح کیا ہے کہ کسی بھی نجی یونیورسٹی یا ذیلی کیمپس کو ایک مقام سے دوسرے مقام پر منتقل کرنے سے قبل متعلقہ ریگولیٹری اتھارٹی سے مقررہ طریقہ کار کے مطابق منظوری حاصل کرنا ضروری ہے۔

ہیرا کے مطابق تعلیمی اداروں کی غیر مجاز منتقلی نہ صرف ریگولیٹری نظام کے لیے ایک سنجیدہ معاملہ ہے بلکہ اس سے زیرِ تعلیم طلبہ کے تعلیمی مستقبل، ڈگریوں کی حیثیت، سہولیات اور دیگر متعلقہ امور بھی متاثر ہو سکتے ہیں۔ اسی تناظر میں اتھارٹی نے معاملے کو اعلیٰ سطح پر اٹھاتے ہوئے ایچ ای سی سے ضروری کارروائی کی درخواست کی ہے۔

اتھارٹی نے اس عزم کا اعادہ کیا ہے کہ خیبر پختونخوا میں اعلیٰ تعلیم کے معیار کو برقرار رکھنے، نجی جامعات اور ان کے ذیلی کیمپسز کو قانونی و ضابطہ جاتی دائرہ کار میں رکھنے اور طلبہ کے حقوق و مفادات کے تحفظ کے لیے تمام ضروری اقدامات کیے جائیں گے۔

ہیرا نے تمام نجی جامعات اور ان کے ذیلی کیمپسز کو بھی ہدایت کی ہے کہ وہ کسی بھی نئے کیمپس کے قیام، موجودہ کیمپس کی منتقلی، توسیع یا تعلیمی سرگرمیوں میں بنیادی نوعیت کی تبدیلی سے قبل متعلقہ قوانین اور مقررہ طریقہ کار کے تحت ہیرا سے پیشگی منظوری حاصل کریں۔

اتھارٹی کا کہنا ہے کہ اعلیٰ تعلیمی اداروں میں شفافیت، معیار اور قانونی تقاضوں کی پاسداری کو یقینی بنانا اس کی بنیادی ذمہ داری ہے اور اس سلسلے میں کسی بھی غیر مجاز اقدام کو نظر انداز نہیں کیا جائے گا۔

Address

46/A, Sector B-2, Phase 5, Hayatabad
Peshawar
25000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+92919217710

Website

Alerts

Be the first to know and let us send you an email when Higher Education Regulatory Authority Khyber Pakhtunkhwa posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Higher Education Regulatory Authority Khyber Pakhtunkhwa:

Shortcuts

Share

Category