Deputy Commissioner Kohistan Lower

05/09/2026

گزشتہ شب دورانِ گشت ڈیوٹی جیجال، نزد شیطان پڑی، کوہستان لوئر میں روڈ ٹریفک حادثے کے نتیجے میں شہید ہونے والے حوالدار نور محمد کی نمازِ جنازہ آج گورنمنٹ گیریژن ہائی سکول پٹن گراؤنڈ میں ادا کر دی گئی۔

نمازِ جنازہ میں ڈپٹی کمشنر کوہستان لوئر جناب زوہیب حیات صاحب، ایس پی انوسٹی گیشن کوہستان لوئر زاہد خان، ایس پی انوسٹی گیشن کولی پالس کوہستان افتخار احمد، ڈی ایس پی کولی پالس کوہستان نور نبی شاہ، ڈی ایس پی ہیڈکوارٹر پٹن جوہرداد شاہ، ایس ڈی پی او سرکل بنکڈ رانولیاء گل خطاب عباسی، ضلعی انتظامیہ کے افسران، پولیس افسران و جوانوں، مختلف مکاتبِ فکر سے تعلق رکھنے والے افراد اور عوام کی کثیر تعداد نے شرکت کی۔

اس موقع پر پولیس کے چاق و چوبند دستے نے شہید حوالدار نور محمد کو سلامی پیش کی، جبکہ پولیس افسران نے شہید کے جسدِ خاکی پر پھول چڑھا کر ان کی خدمات اور قربانی کو خراجِ عقیدت پیش کیا۔

بعد ازاں شہید کی قبر پر بھی پولیس دستے نے سلامی پیش کی اور پھولوں کی چادر چڑھائی۔ اس موقع پر شہید کے درجاتِ بلندی، مغفرت اور اہلِ خانہ کے لیے صبرِ جمیل کی دعا کی گئی۔

اللہ تعالیٰ شہید حوالدار نور محمد کے درجات بلند فرمائے، مغفرت فرمائے اور اہلِ خانہ کو صبرِ جمیل عطا فرمائے۔ آمین۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

04/09/2026

ضلع لوئر کوہستان میں ٹیکنیکل کالج کے گودام سے ریلیف سامان کی مبینہ چوری کا نوٹس لیتے ہوئے ڈی سی کوہستان لوئر نے ایک انکوائری تشکیل دی تھی ابتدائی انکوائری کی تکمیل کے بعد محکمہ پولیس کو قانونی کاروائی کیلۓ کیس بھیجا گیا ۔نیز شفافیت کو ملحوظِ نظر رکھتے ہوئے انکوائری رپورٹ PDMA کے ساتھ بھی شئیر کر دی گئی ہے۔ ضلع کوہستان لوئر کی پولیس نے بھی اس ضمن میں ابتدائی طور پر تفتیش مکمل کر لی ہیں اور ملوث افراد کے خلاف مختلف دفعات کے تحت ایف آئی آر لانچ کر دی ہے۔ لہذا التماس ہیکہ قانونی کارروائی پوری ہونے تک قیاس آرائیوں سے اجتناب کیا جائے۔ ملوث افراد کے خلاف سخت فوجداری اور محکمانہ کارروائی عمل میں لائی جائے گی۔ کوئی بھی شخص قانون سے بالاتر نہیں۔ ملوث افراد اور اہلکاران کو نشان عبرت بنایا جائے گا۔

03/09/2026

ڈپٹی کمشنر لوئر کوہستان کی زیرِ صدارت حالیہ پولیو مہم کی کارکردگی اور نومبر میں متوقع سروائیکل کینسر سے بچاؤ کی ایچ پی وی (HPV) ویکسینیشن مہم کی تیاریوں سے متعلق ایک اہم جائزہ اجلاس منعقد ہوا۔
​اجلاس میں ڈسٹرکٹ ہیلتھ آفیسر (DHO) ڈاکٹر رحیم خان سواتی اور ای پی آئی (EPI) کوآرڈینیٹر ڈاکٹر شمس الحق نے حالیہ پولیو مہم کی مجموعی کارکردگی، ویکسینیشن کوریج اور فیلڈ ٹیموں کو درپیش چیلنجز پر تفصیلی بریفنگ دی۔
​اجلاس کے دوران آئندہ ماہ نومبر میں شروع ہونے والی سروائیکل کینسر سے بچاؤ کی قومی ایچ پی وی (HPV) ویکسینیشن مہم کے انتظامات، عوامی آگاہی، محکموں کے باہمی رابطے اور مربوط حکمتِ عملی کا جائزہ لیا گیا۔ اجلاس میں محکمہ صحت، پولیو پروگرام اور دیگر متعلقہ اداروں کے افسران و نمائندگان نے شرکت کی۔
​ڈپٹی کمشنر لوئر کوہستان نے متعلقہ حکام کو ہدایت کی کہ ایچ پی وی مہم کے لیے تمام ضروری اور جامع انتظامات بروقت مکمل کیے جائیں تاکہ ہدف شدہ تمام بچیوں کو موثر انداز میں قطرے اور خوراکیں فراہم کی جا سکیں۔ انہوں نے تمام اداروں کے باہمی تعاون، مسلسل نگرانی اور فیلڈ کی سطح پر بہترین کوآرڈینیشن کی اہمیت پر بھی زور دیا۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

03/09/2026

ضلعی انتظامیہ کوہستان لوئر کی زیرِ نگرانی اور ڈسٹرکٹ یوتھ آفس کوہستان لوئر کے زیرِ اہتمام 41 ویں قومی حفظ و قرأت مقابلہ 2026، عشرۂ رحمت للعالمین ﷺ کے سلسلے میں ضلعی سطح کا حفظ، نعت اور قرأت مقابلہ گورنمنٹ ہائی سکول پٹن میں منعقد کیا گیا تھا

ڈپٹی کمشنر کوہستان لوئر نے نمایاں کارکردگی کا مظاہرہ کرنے والے طلباء میں پہلی، دوسری اور تیسری پوزیشن حاصل کرنے والوں کو انعامات اور اعزازات سے نوازا۔

ڈپٹی کمشنر نے پوزیشن حاصل کرنے والے طلباء کو مبارکباد دیتے ہوئے ان کی حوصلہ افزائی کی اور کہا کہ نوجوانوں میں دینی، اخلاقی اور مثبت سرگرمیوں کا فروغ معاشرے کی تعمیر و ترقی کے لیے نہایت اہم ہے۔

ضلعی انتظامیہ کوہستان لوئر کی جانب سے تمام شرکاء، اساتذہ، منتظمین اور ڈسٹرکٹ یوتھ آفس کی کاوشوں کو سراہا گیا۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

03/09/2026

ڈپٹی کمشنر کوہستان لوئر جناب ذوہیب حیات صاحب، ایڈیشنل چیف سیکرٹری جنرل خیبرپختونخواہ کی زیرِ صدارت "Pre-DSDC Meeting" میں آن لائن شریک ہیں

02/09/2026

ڈپٹی کمشنر کوہستان لوئر جناب ذوہیب حیات کی ہدایات پر ایڈیشنل ڈپٹی کمشنر (جنرل) جناب عبدالولی خان کی زیرِ صدارت ڈسٹرکٹ پرائس ریویو کمیٹی کا اہم اجلاس منعقد ہوا۔

اجلاس میں اسسٹنٹ کمشنر (ہیڈ کوارٹر پٹن) جناب سعد منیر، ڈسٹرکٹ فوڈ کنٹرولر کوہستان لوئر، انجمنِ تاجران کے نمائندگان اور دیگر متعلقہ حکام نے شرکت کی۔

اجلاس کے دوران ضلع بھر میں اشیائے خوردونوش اور بنیادی ضروریات کی قیمتون کا مفصل جائزہ لیا گیا۔

عوامی ریلیف اور بازار میں قیمتوں کے اعتدال کو برقرار رکھنے کے لیے اشیائے خوردونوش کا نیا سرکاری نرخ نامہ متفقہ طور پر جاری کر دیا گیا۔

ایڈیشنل ڈپٹی کمشنر جنرل کوہستان لوئر نے ہدایت کی کہ تمام تاجر برادری اور دوکاندار سرکاری نرخ نامے کی مکمل پاسداری کو یقینی بنائیں۔

پرائس مجسٹریٹس کو ہدایت کی گئی کہ وہ بازاروں کا باقاعدگی سے معائنہ کریں اور مقررہ قیمتوں پر عملدرآمد یقینی بنائیں۔سرکاری نرخ نامے کی خلاف ورزی اور گرانفروشی کرنے والوں کے خلاف سخت قانونی کارروائی کی جائے گی۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

02/09/2026

02/09/2026

ڈپٹی کمشنر کوہستان لوئر کی ہدایت پر اور قابلِ وسعت اقدامات کے تحت"NextGen Smart Youth Hub" کے تحت، ڈسٹرکٹ یوتھ آفس کوہستان لوئر نے گورنمنٹ ہائر سیکنڈری سکول چکئی میں ایک ماہ کے ڈیجیٹل ہنر مندی کے تربیتی پروگرام کا باقاعدہ آغاز کر دیا ہے۔ اس جامع اور سخت تربیتی پروگرام کا مقصد مقامی نوجوانوں کو مارکیٹ کی طلب کے مطابق جدید اور اہم ہنر، بالخصوص ای کامرس، آرٹیفیشل انٹیلی جنس (AI)، گرافک ڈیزائننگ اور بنیادی آئی ٹی سکلز سکھا کر بااختیار بنانا ہے۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

01/09/2026

ڈپٹی کمشنر کوہستان لوئر جناب ذوہیب حیات کی زیرِ صدارت ضلع میں ڈینگی وائرس کی روک تھام، سرویلنس اور مؤثر تدارک کے حوالے سے ایک اہم جائزہ اجلاس منعقد ہوا۔ اجلاس میں ڈسٹرکٹ ہیلتھ آفیسر کوہستان لوئر، ڈسٹرکٹ کوآرڈینیٹر ڈینگی سرویلنس، ٹی ایم او پٹن اور دیگر متعلقہ محکموں کے افسران نے شرکت کی۔

اجلاس میں ضلع کوہستان لوئر میں ڈینگی کی موجودہ صورتحال، سرویلنس سرگرمیوں اور ممکنہ پھیلاؤ کی روک تھام کے لیے کیے جانے والے پیشگی اور حفاظتی اقدامات کا تفصیلی جائزہ لیا گیا۔

ٹی ایم او پٹن کو ہدایت کی گئی کہ بازاروں، رہائشی علاقوں اور بالخصوص ایسے مقامات جہاں پانی جمع ہونے کا امکان ہو، وہاں بلا تاخیر مؤثر مچھر مار اسپرے/ مکینیکل ڈسٹرکشن کو یقینی بنائی جائے۔

ڈسٹرکٹ کوآرڈینیٹر ڈینگی سرویلنس کو ہدایت کی گئی کہ فیلڈ سطح پر ڈینگی سرویلنس کو مزید مؤثر اور فعال بنایا جائے، ممکنہ افزائشِ مچھر کے مقامات کی بروقت نشاندہی کی جائے اور انسدادِ ڈینگی حفاظتی اقدامات پر مؤثر عمل درآمد یقینی بنایا جائے۔

عوام میں ڈینگی سے بچاؤ، صفائی، پانی جمع نہ ہونے دینے اور مچھر کی افزائش روکنے کے حوالے سے وسیع پیمانے پر آگہی مہم چلانے کی ہدایت بھی کی گئی۔

تمام متعلقہ محکموں کو ہدایت کی گئی کہ باہمی رابطے اور مؤثر کوآرڈینیشن کے ذریعے انسدادِ ڈینگی اقدامات کو ہنگامی بنیادوں پر آگے بڑھایا جائے۔

ڈپٹی کمشنر ذوہیب حیات نے واضح کیا کہ عوامی صحت اور سلامتی پر کوئی سمجھوتہ نہیں کیا جائے گا اور ڈینگی کی روک تھام کے لیے تمام دستیاب وسائل کو بھرپور طریقے سے بروئے کار لایا جائے گا۔

انہوں نے متعلقہ افسران کو ہدایت کی کہ فیلڈ سرگرمیوں کی باقاعدہ نگرانی کی جائے اور انسدادِ ڈینگی اقدامات کے مطلوبہ نتائج ہر صورت یقینی بنائے جائیں۔
Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP