08/09/2025
“دا امن سفر” نستہ کی جانب سے ڈینگی آگاہی نشست
“دا امن سفر” نستہ تنظیم نے انتظامیہ کے تعاون سے ڈینگی سے بچاؤ کے حوالے سے ایک آگاہی نشست کا انعقاد کیا۔ اس میں شرکت کرنے والے اراکین کو ڈینگی وائرس، اس کی علامات اور بچاؤ کے طریقوں کے بارے میں تفصیل سے آگاہ کیا گیا۔
ڈینگی ایک خطرناک وائرس ہے جو ایڈیز ایجپٹائی نامی مچھر کے کاٹنے سے پھیلتا ہے۔ اس کی عام علامات میں اچانک تیز بخار، جوڑوں اور جسم میں درد، سر درد اور آنکھوں کے پیچھے درد شامل ہیں۔ ڈینگی سے بچاؤ کے لیے ضروری ہے کہ گھروں اور اطراف میں پانی جمع نہ ہونے دیا جائے، مچھر دانی اور اسپرے کا استعمال کیا جائے اور حفاظتی لباس پہنا جائے۔
اس موقع پر “دا امن سفر” کی ٹیم نے مل کر کمیونٹی کو احتیاطی تدابیر اپنانے اور ڈینگی کے خلاف اجتماعی طور پر اقدامات کرنے پر زور دیا۔
