03/06/2026
محکمہ اطلاعات نوشہرو فیروز
نوشہرو فیروز (ہینڈ آؤٹ) 03 جون 2026:۔ ڈپٹی کمشنر نوشہرو فیروز محمد ارسلان سلیم کی جانب سے محکمہ روینیومیں روزگار کی فراہمی اور میرٹ کو یقینی بنانے کے سلسلے میں ڈپٹی کمشنر آفس نوشہرو فیروز میں گریڈ 1 سے 4 تک کی مختلف خالی اسامیوں پر بھرتی کے لیے امیدواروں کے انٹرویوز آج تیسرے دن بھی جاری رہے۔
آج تحصیل مورو کے 332امیدواروں نے شرکت کی۔ ان اسامیوں میں نائب قاصد، چوکیدار، ، کوٹار، ڈرائیو اور گریڈ 1 سے 4 کی دیگر تکنیکی و غیر تکنیکی اسامیاں شامل ہیں۔
سلیکشن کمیٹی کے ارکان ایڈیشنل ڈپٹی کمشنر ون محمد مستقیم قریشی،ایس اینڈ جی ڈی کے سیکشن آفیسر حاکم علی انڑ،سید جیئل شاہ،صفیر الحسنین لاڑک اور دیگر کا کہنا تھا کہ صوبائی حکومت کی ہدایات کے مطابق تمام بھرتیاں خالصتاً میرٹ، شفافیت اور قابلیت کی بنیاد پر کی جا رہی ہیں۔ کسی بھی قسم کی سفارش یا دباؤ کو خاطر میں لائے بغیر حقدار اور اہل امیدواروں کو ان کا حق دیا جائے گا تاکہ سرکاری محکموں کی کارکردگی کو مزید بہتر بنایا جا سکے۔
