02/08/2025
بیجنگ میں وفاقی وزیر منصوبہ بندی، ترقی و خصوصی اقدامات پروفیسر احسن اقبال چوہدری نے چین کے نائب وزیر خارجہ سن ویڈونگ سے اہم ملاقات کی، جس میں سی پیک فیز II کو صنعتی، تکنیکی اور کاروباری تعاون کے نئے دور میں داخل کرنے کے عزم کا اعادہ کیا گیا۔
📌 وفاقی وزیر احسن اقبال نے وزیرِاعظم محمد شہباز شریف کا خیرسگالی پیغام چینی قیادت تک پہنچایا اور مشکل علاقائی حالات کے دوران چین کی مسلسل حمایت پر شکریہ ادا کیا۔
اجلاس میں ہونے والی پیش رفت:
▪️پاکستان کے ترقیاتی فریم ورک 5Es کے تحت عوامی مفاد پر مبنی اصلاحات پر زور، جو سی پیک فیز II کے اہداف سے مکمل ہم آہنگ ہیں۔
▪️ چین کے انقلابی ترقیاتی ماڈل سے متاثر ہوکر برآمدات پر مبنی اور ٹیکنالوجی سے چلنے والی معیشت کی تعمیر پر توجہ۔
▪️ شمولیتی ترقی، علاقائی امن اور خوشحالی کے لیے باہمی عزم کا اظہار۔
▪️ ہنر مند افرادی قوت کی تیاری، صنعتی تعاون اور جدت کے تبادلے کے ذریعے تعلقات کو مزید مضبوط بنانے کا عزم۔
وفاقی وزیر نے کہا کہ “جناب سن ویڈونگ کے سفارتی دور میں سی پیک کاغذ سے نکل کر اربوں ڈالر کی سرمایہ کاری میں ڈھل گیا۔”
نائب وزیر خارجہ سن ویڈونگ نے کہا: “چین پاکستان کے ساتھ شعبہ جاتی تعاون کو وسعت دینے کے لیے پُرعزم ہے۔ کہا سی پیک منصوبوں میں قائدانہ اور کلیدی کردار پر چین میں وفاقی وزیر احسن اقبال کا نہایت قدر کی نگاہ سے دیکھا جاتا ہے۔
ملاقات میں اس امر کا اعادہ کیا گیا کہ پاکستان اور چین کی دوستی وقت کے ساتھ مزید مضبوط اور ایک مشترکہ وژن پر قائم ہوتی جا رہی ہے۔
