06/06/2026
جموں کشمیر جوائنٹ عوامی ایکشن کمیٹی پر آزاد کشمیر انسدادِ دھشت گردی ایکٹ کے تحت پابندی کیخلاف متاثرہ پارٹی 30 دن کے اندر حکومت آزاد کشمیر کے سامنے اپیل دائر کر سکتی ہے جس پر نوے دن میں فیصلہ لازمی ہے، ایسا نہ ہونے یا اپیل مسترد ہونے کےخلاف متعلقہ ہائی کورٹ میں اپیل دائر کی جا سکتی ہے۔ اب سوال یہ ھیکہ جوائنٹ ایکشن کمیٹی جیسی غیر رجسٹرڈ اور غیر رسمی تنظیم جسکا کوئی کوئی بنک اکاؤنٹ بھی نہیں اس پر یہ پابندی کیسے لاگو ہو گی۔ آزاد کشمیر پولیس کے سربراہ نے 14 ھزار پولیس اہلکاروں کی اضافی نفری بھی مانگ رکھی ہے۔ کل آزاد کشمیر سپریم کورٹ کالعدم ایکشن کمیٹی کے احتجاج متعلق صدارتی ریفرنس پر دو رکنی بنچ میں سماعت بھی کر رہا ہے۔ بظاہر اب یہ ریفرنس غیر موثر ہو گیا ہے یا اس میں کچھ اضافہ کیا جا سکتا ہے۔
مذکورہ پابندی کے لئیے قانون میں درج چار شرائط پر بظاہر ایکشن کمیٹی پورا نہیں اترتی، یعنی کہ (۱) متعلقہ تنظیم کا تعلق دھشت گردی کی کسی کاروائی سے ہو [ کیا ایکشن کمیٹی یا اسکے لیڈران کے خلاف کوئی ایسی ایف آئی آر درج کی گئی اور کب یا کتنی پرانی ؟] (۲) اقوام متحدہ کے سلامتی کونسل ایکٹ 1948 کے تحت بنی کالعدم تنظیموں کی فہرست میں شمولیت [ ایکشن کمیٹی کا نام اس میں نہیں] (۳) تنظیم کسی کالعدم فرد یا تنظیم کے کنٹرول یا زیر انتظام ہو [ ایکشن کمیٹی کے 30 مرکزی راہنماؤں میں سے کوئی بھی کسی پابندی کا شکار نہیں] (۴) کسی کالعدم شخص یا تنظیم سے ھدایات لینے والی تنظیم [اس حوالے سے کوئی بڑی اینٹیلیجنس رپورٹ ابھی تک آشکار نہیں ہوئی] بظاہر اب آج ہی اعلان کردہ 27 جولائی کو ہونے والے انتخابات مشکل نظر آ رہے ہیں۔
یہ تمام صورت حال بنیادی طور پر پورے پاکستان میں انٹخابی عمل پر اُٹھنے والے سوالات کے باعث پیدا ہوئی ہے، ایسے میں اسمبلی کی مہاجرین کی 12 سیٹوں پر پورے پاکستان میں ہونے والے انتخابی عمل سے کشمیر میں حکومت سازی کو کنٹرول کیے جانے کا مظبوط تاثر بلا جواز نہیں۔ پاکستان کی حکومت اور عوام جہاں کشمیر کے عوام کے حقِ استصواب رائے کے لئیے پوری دنیا میں بھرپور آواز اُٹھاتے ہیں وہاں مذکورہ اقدامات اور پاکستان کے اپنے انتخابات سے ہمارا کشمیر پر مقدمہ کمزور پڑ جاتا ہے۔
اگر مہاجرین کی 12 سیٹوں پر پورے پاکستان میں ہونے والے انتخابات کی کڑی نگرانی اور شفافیت یقینی ہوتی تو شاید ان سیٹوں پر کبھی اعتراض ہوتا ہی نہ۔ ابھی بھی وقت ہے کہ ہم کشمیر کو پاکستان بنائیں نہ کہ پاکستان کو کشمیر- Matee ullah Jaan.
Enjoy the videos and music you love, upload original content, and share it all with friends, family, and the world on YouTube.
