15/08/2026
گورنمنٹ ووکیشنل ٹریننگ انسٹی ٹیوٹ فار ویمن، اولڈ ملتان میں 14 اگست یومِ آزادی کے سلسلے میں ایک شاندار اور پروقار تقریب کا انعقاد کیا گیا۔ تقریب کا آغاز صبح 8 بجے پرچم کشائی سے ہوا، جس کے بعد پُرجوش انداز میں ملی ترانہ پیش کیا گیا۔ بعد ازاں تلاوتِ کلامِ پاک سے باقاعدہ تقریب کا آغاز کیا گیا اور کیک بھی کاٹا گیا.
تقریب میں مہمانِ خصوصی محترمہ شاہینہ قاضی اسد صاحبہ نے شرکت کی۔ ادارے کی پرنسپل محترمہ نیلما انعام دورانی صاحبہ اور تمام اسٹاف نے مہمانِ خصوصی کو خوش آمدید کہا۔ اس موقع پر 14 اگست کی اہمیت اور پاکستان کی آزادی کے حوالے سے اظہارِ خیال کیا گیا.
تقریب کے دوران **اسکل بوٹ کیمپ کی طالبات میں سرٹیفکیٹس تقسیم کیے گئے**۔ اس کے علاوہ ادارہ ہٰذا کے **بہترین اسٹاف اور نمایاں کارکردگی کا مظاہرہ کرنے والی طالبات** کی خدمات اور کاوشوں کو سراہتے ہوئے انہیں **اعزازی سرٹیفکیٹس** سے نوازا گیا۔
آخر میں ادارے کے احاطے میں شجرکاری کی گئی۔ اس طرح قومی جذبے، خوشی اور جوش و خروش کے ساتھ 14 اگست یومِ آزادی کی تقریب اختتام پذیر ہوئی۔
