08/10/2026
مهم خبرونه
🚨 کوهاټ کې پر پولیس چیک پوسټ برید شوې چې پکښې څلور پولیس ټپیان شوې
د کوهاټ په شادی پور پولیس چیک پوسټ نامعلومو کسانو ډزې کړې دي چې له امله یې څلور پولیس سرتېري ټپیان شوي دي.
🚨 جمرود کې تر جوړېدو لاندې پولیس تاڼه په چاودنه کې ویجاړ شوی
د خیبر ضلعې د جمرود په ملاګوري سیمه کې تر جوړېدو لاندې پولیس تاڼه تېره شپه د چاودېدونکو توکو په وسیله ویجاړ شوی ده. د سرچینو په وینا، په پېښه کې مرګژوبله نه ده اوښتې او د چاودنې غږ تر لرې سیمو پورې اورېدل شوی دی.
🚨 پې ټې ایم کاناډا نړیوال کنفرانس ته بلنه ورکوې
پې ټې ایم کاناډا د تر عنوان لاندې د PTM نړیوال کنفرانس د جوړېدو اعلان کړی دی. کنفرانس به د اکتوبر پر ۱۱مه، د یکشنبې په ورځ، د کاناډا په ټورنټو ښار کې ترسره کېږي.
د تنظیم په وینا، په دې غونډه کې به د پښتنو غږ، عدالت، حساب ورکونې، سولې او بنسټیزو حقونو په اړه خبرې کېږي او د بشري حقونو فعالان، د نظر خاوندان او د ټولنې غړي به پکې ګډون کوي.
🚨 پې ټې ایم د ملګرو ملتونو تر دروازې د پښتنو غږ رسولو کمپاین پیل کړې
پې ټې ایم ویلي چې د ملګرو ملتونو د عمومي منشي انتونیو ګوتېرېش د پاکستان د سفر پر مهال یې په ټولنیزو رسنیو کې کمپاین پیل کړې، څو د پښتنو د حقونو او ستونزو په اړه د ملګرو ملتونو پام راواړوي.
پې ټې ایم ادعا کړې چې پښتانه له اوږدې مودې راهیسې د جبري بېدرکیو، وژنو، بېځایه کېدو او نورو ستونزو سره مخ دي او له ملګرو ملتونو یې غوښتي چې دغه مسئلې له پاکستاني چارواکو سره مطرح کړي.
هشتګ هم ترېنډ شوې.
🚨 ملاکنډ کې د ټیکسونو پر ضد احتجاجونه روان دي
د ملاکنډ ډېوېژن په بېلابېلو سیمو کې د ټیکسونو پر ضد احتجاجونه شوي دي. مظاهرهچیانو د سوات ایکسپریسوې د چکدرې ټول پلازه بنده کړې ده.
🚨 د برېښنا او ګاز بلونه نه ورکوو; سوات اولس
د سوات د احتجاج ګډونوالو ویلي چې د برېښنا او ګاز بلونه به نه جمع کوي. د احتجاج مشر عبدالرحیم ویلي چې د اکتوبر پر ۱۴مه به د قراقرم لویه لار هم وتړل شي. د راپور له مخې، د نن ورځې احتجاج پای ته رسېدلی او موټروې بېرته پرانیستل شوې ده.
🚨 پې ټې ایم شعارونه د پښتو شاعرۍ برخه شول
د پښتون ژغورنې غورځنګ شعارونه او نظریات د پښتو ادب او شاعرۍ تر نړۍ رسېدلي دي. پښتو شاعر منیر بونیري د «نامعلومه اوس معلوم دی» تر عنوان لاندې د PTM له شعارونو او پیغامونو څخه په الهام شعر وړاندې کړی دی.
د دې شعر له لارې د PTM د سیاسي پیغام ادبي انعکاس څرګند شوی او دا موضوع د سیاسي شعارونو د ادبي او ټولنیز اغېز له نظره د پام وړ بلل کېږي.
🚨 اقبال آریان خروټی ویلې دې چې جرم مو یوازې د امن غږ پورته کول دې
د ژوب اقبال آریان خروټي ویلي چې نن په یوه داسې مقدمه کې محکمې ته وړاندې شوی چې د ده په وینا نه یې له چا سره جګړه کړې، نه یې غلا کړې او نه یې څوک وژلي دي.
خروټي ویلي چې د ده او نورو ملګرو «یوازې د امن غږ پورته کړی او د خپل وطن د امن لپاره یې د منظور پښتین ملګرتیا کړې ده». نوموړي د خپل وکیل عبدالرحمان مننه هم کړې ده.
🚨 خواجه آصف ویلې دې چې د خیبر پښتونخوا د بېثباتۍ پر وړاندې به ټول قانوني اختیارونه کاروو
د پاکستان د دفاع وزیر خواجه آصف ویلي چې حکومت په خیبر پښتونخوا کې د روانې بېثباتۍ د مخنیوي لپاره ټول قانوني اختیارونه کاروي.
🚨 خیبر پښتونخوا کې د بېاسنادو افغان کډوالو پر ضد عملیات پیل کړې دې
د راپورونو له مخې، پولیسو په خیبر پښتونخوا کې د بېاسنادو افغان کډوالو د نیولو او ایستلو لپاره پراخ عملیات پیل کړي دي.
🚨 د کشمیر په بېلابېلو سیمو کې بندیزونه او نیونې
د پاکستان تر کنټرول لاندې کشمیر کې د اړیکو محدودیتونه او د انټرنېټ بندیز دوام لري. د راپورونو له مخې، پولیسو د JK-JAAC ګڼ شمېر پلویان هم نیولي دي.
🚨 د افغانستان د کرنې وزیر تاشکند ته تلې
د افغانستان د کرنې وزیر د یوه نړیوال فورم په موخه د ازبکستان پلازمېنې تاشکند ته سفر کړی دۍ.
🚨 متقي له چینايي ځانګړي استازي سره لیدلي دې
د افغانستان د بهرنیو چارو وزیر امیرخان متقي د مسکو فارمټ د اتمې ناستې په څنډه کې د افغانستان لپاره د چین له ځانګړي استازي یو شیاویونګ سره لیدلي دي.
دواړو لورو د افغانستان او چین ترمنځ د اړیکو او اړوندو موضوعاتو په اړه خبرې کړې دي.
🚨 غزه کې د اکتوبر پر ۷مه نوي بریدونه شوې دې
د فلسطیني چارواکو په وینا، اسرائیلو د اکتوبر پر ۷مه په غزه کې نوي بریدونه کړي چې لږ تر لږه دوه کسان پکې وژل شوي دي.
🚨 د غزې د جګړې د پای پلان له خنډونو سره مخ دی
د راپورونو له مخې، د امریکا د ولسمشر ډونلډ ټرمپ د غزې د جګړې د پای ته رسولو پلان له جدي خنډونو سره مخ شوی دی. د راپور له مخې، اسرائیلي بریدونه دوام لري او د غزې ډېره برخه د سختو بشري شرایطو سره مخ ده.
د ۲۰۲۵ کال د اکتوبر د ۱۰مې د اوربند په لومړني پړاو کې د یرغمل شویو کسانو او فلسطیني بندیانو د خوشې کېدو په ګډون ځینې پرمختګونه شوي وو، خو د حماس بېوسلې کول، د اسرائیلي ځواکونو وتل او د غزې بیا رغونه لا هم له مهمو ننګونو سره مخ دي.
🚨 ایران سره په جګړه کې د امریکا ۸۱ پوځي الوتکو ته زیان رسیدلې
د امریکا د کانګرس د څېړنیز خدمت (CRS) د یوه راپور له مخې، له ایران سره په روانه جګړه کې لږ تر لږه ۸۱ امریکايي پوځي الوتکې ویجاړې شوې یا سختې زیانمنې شوې دي.
د راپور له مخې، د دغو زیانونو اټکلي مالي لګښت شاوخوا ۳.۳ میلیارد ډالر ښودل شوی دی.
🚨 سعودي عربستان کې پر هوايي ډګرونو بریدونه؛ درې وژل شوي او ۳۶ ټپیان
د سعودي د ملکي هوايي چلند ادارې په وینا، د ابها نړیوال هوايي ډګر او د ریاض د ملک خالد نړیوال هوايي ډګر پر شاوخوا بریدونو کې د دوو ښځو په ګډون درې کسان وژل شوي او ۳۶ نور ټپیان شوي دي.
🚨 اوکراین کې د روسیې د توغندیزو او ډرون بریدونو راپور خپور شوې
اوکرایني چارواکو ویلي چې روسیې د بېپیلوټه الوتکو او توغندیو په وسیله پر اوکراین بریدونه کړي دي. د چارواکو په وینا، لږ تر لږه اته کسان وژل شوي او استوګنیزو ودانیو، صنعتي تاسیساتو او زیربناوو ته زیان رسېدلی دی.
🚨 د اندونیزیا د ځنګلي اورونو لوګي مالیزیا ته رسېدلي
د اندونیزیا د ځنګلونو د شدیدو اورونو لوګي مالیزیا ته رسېدلي او د کوالالمپور د هوا کیفیت یې خراب کړی دی. د IQAir د معلوماتو له مخې، کوالالمپور د نړۍ له تر ټولو ککړو لویو ښارونو څخه بلل شوی دی.
