Deputy Commissioner Ghotki

Deputy Commissioner Ghotki Contact information, map and directions, contact form, opening hours, services, ratings, photos, videos and announcements from Deputy Commissioner Ghotki, Government Organization, National Highway Mirpur Mathelo, Mirpur Mathelo.
(1)

The Deputy Commissioner's page strives to ensure healthy relationships & to support the mission with the timely dissemination of Information through print, electronic & digital media.

ڊپٽي ڪمشنر گهوٽڪي منظور احمد ڪنراني جي هدايتن تي اسسٽنٽ ڪمشنر تعلقه اسپتالن ۾ پهتا، مٽي جي شديد طوفان دوران مختلف حادثن...
01/06/2026

ڊپٽي ڪمشنر گهوٽڪي منظور احمد ڪنراني جي هدايتن تي اسسٽنٽ ڪمشنر تعلقه اسپتالن ۾ پهتا، مٽي جي شديد طوفان دوران مختلف حادثن ۾ زخمي ٿيندڙ ماڻهن کي طبي امداد فراهم ڪئي وئي. خبر موجب ضلعي گهوٽڪي جي مختلف علائقن ۾ مٽي جي شديد طوفان دوران مختلف حادثن ۾ زخمي ٿيندڙن کي فوري طور تي طبي امداد فراهم ڪئي وئي آهي، ڊپٽي ڪمشنر گهوٽڪي جي هدايتن تي پنجن ئي تعلقن جي اسسٽنٽ ڪمشنرن لاڳاپيل تعلقه اسپتالن ۾ پهچي صورتحال جي نگراني ڪئي. ان سلسلي ۾ هن وقت تائين مليل ڄاڻ موجب تعلقي اوٻاوڙو جي مختلف علائقن ۾ 42 ماڻهو زخمي ٿيا آهن جن کي طبي امداد فراهم ڪرڻ لاءِ هنگامي بنيادن تي قدم کنيا پيا وڃن، اهڙي ريت تعلقي ڏهرڪي واسڻ زخمي مائي شهناز سولنگي کي رحميارخان منتقل ڪيو ويو آهي ۽ زخمي مائي لطيفان کي طبي امداد فراهم ڪئي وئي آهي جڏهن ته ميرپور ماٿيلو تعلقي جي رهواسين مائي ظهران، مسمات آسيه، مسمات حاڪمزادي، مائي فريده ۽ واجد علي کي ڊي ايڇ ڪيو ۾ داخل ڪيو ويو آهي ان سلسلي ۾ ڊپٽي ڪمشنر اسسٽنٽ ڪمشنرن کي هدايت ڪئي آهي ته طوفان دوران حادثن ۾ ٿيل نقصان بابت تفصيلي رپورٽ فراهم ڪئي وڃي ۽ زخمين کي علاج جون بهتر کان بهتر سهولتون فراهم ڪرڻ لاءِ سمورا وسيلا ڪتب آندا وڃن

01/06/2026

ڊپٽي ڪمشنر گهوٽڪي منظور احمد ڪنراني دسٽرڪٽ جيل گهوٽڪي جو تفصيلي دورو ڪيو ۽ جيل ۾ قيدين کي فراهم ڪيل سهولتن، صحت ۽ صفائي جي صورتحال سميت انتظامي معاملن جو جائزو ورتو. دوري دوران ڊپٽي ڪمشنر جيل اسپتال، ميڊيڪل اسٽور، باورچي خاني ۽ ٻين مختلف شعبن جو معائنو ڪيو. هن جيل اسپتال ۾ قيدين کي فراهم ڪيل طبي سهولتن بابت ڄاڻ ورتي ۽ لاڳاپيل عملي کي هدايت ڪئي ته قيدين کي بروقت ۽ معياري طبي سهولتن جي فراهمي کي يقيني بڻايو وڃي.

ڊپٽي ڪمشنر ميڊيڪل اسٽور ۾ موجود دوائن جو به جائزو ورتو ۽ انهن جي مدت چيڪ ڪئي. باورچي خاني جي معائني دوران منظور احمد ڪنراني کاڌي جي تياري، صفائي سٿرائي جي انتظامن ۽ خوراڪ جي شين جي معيار جو تفصيلي جائزو ورتو. هن قيدين کي فراهم ڪيل کاڌي جي معيار، مقدار ۽ غذائيت تي خاص ڌيان ڏيندي هدايت ڪئي ته خوراڪ جي معيار تي ڪنهن به قسم جو سمجهوتو نه ڪيو وڃي ۽ صحت ۽ صفائي جي اصولن تي مڪمل عملدرآمد کي يقيني بڻايو وڃي.

ان موقعي تي ڊپٽي ڪمشنر لاڳاپيل عملدارن کي جيل قاعدن ۽ قانون موجب قيدين جي مسئلن جي حل لاءِ ضروري قدم کڻڻ جون هدايتون پڻ جاري ڪيون. هن چيو ته جيلن ۾ قيدين کي قانون موجب بنيادي سهولتن جي فراهمي جيل انتظاميه جي ذميواري آهي، تنهن ڪري قيدين سان انساني همدردي ۽ قانوني تقاضائن موجب ورتاءُ ڪيو وڃي ۽ صحت، خوراڪ، صفائي سميت ٻين بنيادي سهولتن جي فراهمي ۾ ڪنهن به قسم جي ڪوتاهي نه ڪئي وڃي.

30/05/2026

ڊپٽي ڪمشنر گهوٽڪي منظور احمد ڪنراني ڊ ايڇ او ڊاڪٽر راؤ آفتاب کي ساڻ ڪري تعلقه اسپتال ڏهرڪي جو تفصيلي دورو ڪيو. ان موقعي تي ميڊيڪل سپرنٽنڊنٽ ڊاڪٽر شڪيلا ماجد پڻ موجود هئي. ڊپٽي ڪمشنر اسپتال جي مختلف شعبن، مريضن کي فراهم ڪيل طبي سهولتن، جاري ترقياتي ڪمن ۽ دوائن جي دستيابي جو جائزو ورتو. هن اسپتال ۾ هلندڙ ترقياتي منصوبن جي اڳڀرائي جو معائنو ڪندي لاڳاپيل انجنيئرن کي هدايت ڪئي ته سمورا ڪم مقرر معيار ۽ وقت اندر مڪمل ڪيا وڃن ته جيئن عوام کي وڌيڪ بهتر طبي سهولتون مهيا ٿي سگهن.

دوري دوران ڊپٽي ڪمشنر اي پي آءِ سينٽر جو پڻ معائنو ڪيو ۽ ٻارن کي حفاظتي ٽڪا لڳائڻ واري عمل ۽ رڪارڊ جو جائزو ورتو. هن لاڳاپيل عملي کي هدايت ڪئي ته حفاظتي ٽڪن واري پروگرام کي وڌيڪ اثرائتو بڻايو وڃي ۽ ضلعي جو ڪو به ٻار حفاظتي ٽڪن کان محروم نه رهي. ڊپٽي ڪمشنر منظور احمد ڪنراني اسپتال انتظاميه کي هدايت ڪئي ته مريضن جي علاج معالجي، صفائي سٿرائي، دوائن جي فراهمي ۽ عملي جي حاضري کي يقيني بڻايو وڃي ته جيئن ماڻهن کي پيش ايندڙ مشڪلاتن ۾ گهٽتائي آڻي سگهجي.

عيد الاضحيٰ جي پُرمسرت موقعي تي خصوصي طور ضلعي گهوٽڪي واسين کي دل جي گهراين سان عيد مبارڪ پيش ڪجي ٿي.هي عيد اسان کي صبر ...
27/05/2026

عيد الاضحيٰ جي پُرمسرت موقعي تي خصوصي طور ضلعي گهوٽڪي واسين کي دل جي گهراين سان عيد مبارڪ پيش ڪجي ٿي.

هي عيد اسان کي صبر ۽ الله تعاليٰ جي حڪم آڏو مڪمل اطاعت جو درس ڏئي ٿي۔ اچو ته هن موقعي تي اسين قرباني جي اصل روح کي سمجهندي پنهنجي اندر صبر، برداشت، امن، ڀائيچاري ۽ رواداري کي فروغ ڏيون۔ اسان سڀ گڏجي هڪ پرامن، هم آهنگ ۽ خوشحال سماج جي تعمير لاءِ پنهنجو ڪردار ادا ڪريون -

الله تعاليٰ کان دعا آهي ته هو اسان جون قربانيون قبول فرمائي ۽ اسان جي ملڪ ۾ امن، خوشحالي ۽ استحڪام عطا ڪري۔

ڊپٽي ڪمشنر گهوٽڪي منظور احمد ڪنراني ڊي ايڇ ڪيو اسپتال ميرپور ماٿيلو ۽ تعلقه اسپتال ڏهرڪي جو دورو ڪري جائزو ورتو. ڊپٽي ڪ...
26/05/2026

ڊپٽي ڪمشنر گهوٽڪي منظور احمد ڪنراني ڊي ايڇ ڪيو اسپتال ميرپور ماٿيلو ۽ تعلقه اسپتال ڏهرڪي جو دورو ڪري جائزو ورتو. ڊپٽي ڪمشنر ڊي ايڇ ڪيو اسپتال جي ٽراما سينٽر ۽ سول اسپتال ڏهرڪي جي ايمرجنسي سينٽر جو معائنو ڪري مريضن کان مسئلا معلوم ڪيا. ان موقعي تي هن ڊيوٽي تي موجود ڊاڪٽرن ۽ عملي کي هدايت ڪئي ته ايمرجنسي دوران ايندڙ مريضن کي فوري طور طبي سهولتون فراهم ڪيون وڃن، خاص طور تي عيد جي موڪلن دوران وقت جي پابندي سان فرض ادا ڪيا وڃن ته جيئن اسپتال ايندڙ مريضن کي ڪنهن به قسم جي تڪليف پيش نه اچي.

26/05/2026

وزيراعلي سنڌ سيد مراد علي شاه رهڙڪي درٻار پهتو، گادي نشين سائين ساڌ رام جي ديهانت تي سندس وارثن ۽ هندو برادري سان افسوس ۽ تعزيت جو اظهار ڪيو. خبر موجب وزيراعلي سنڌ سيد مراد علي شاه رهڙڪي درٻار پهچي، هندو برادري جي روحاني پيشوا ۽ رهڙڪي درٻار جي گادي نشين سائين ساڌ رام جي ديهانت تي سندس وارثن سان ڏک ۽ همدردي جو اظهار ڪيو ان موقعي تي ميڊيا سان ڳالهائيندي وڏي وزير چيو ته سائين ساڌ رام هڪ پيارو ماڻهو هو ساڻس ڪيئي ملاقاتون هيون هميشه مسڪرائيندڙ ۽ سڀني جو خيال رکندڙ هو سندس وڇوڙي سان خال پيدا ٿيو آهي ، اميد ته سندس پوئلڳ به سائين ساڌ رام جي امن ۽ محبت واري پيغام تي عمل ڪندا رهندا، ميڊيا سان ڳالهه ٻولهه دوران هڪ سوال جي جواب ۾ وڏي وزير چيو ته رائونتي ڪچي ۾ وڏو مسئلو هو سنڌ حڪومت ڪم ڪيو آهي پهرين واري صورتحال کان ڪافي بهتري آئي آهي، ڪچي ۾ آپريشن جاري رهندو ۽ ترقياتي ڪم به ڪرائينداسون ته جيئن اتان جي رهواسين کي سهولتون ملي سگهن ان موقعي تي وڏي وزير سان صوبائي وزير بلديات سيد ناصر حسين شاه، صوبائي وزير ايڪسائيز مڪيش ڪمار چاولا، صوبائي صلاحڪار بحالي گيانچند ايسيراڻي، ايم پي اي امداد علي پتافي، چيئرمين ضلعي ڪائونسل گهوٽڪي بنگل خان مهر، ڊپٽي ڪمشنر گهوٽڪي منظور احمد ڪنراني ۽ ايس ايس پي انور کيتران موجود هئا.

21/05/2026

ڊپٽي ڪمشنر ڪمپليڪس ميرپور ماٿيلو ۾ پاڪ-چين دوستي جي 75هين سالگرهه جي سلسلي ۾ هڪ پروقار تقريب منعقد ڪئي وئي، جنهن ۾ پاڪ-چين دوستي جي فروغ ۽ ٻنهي ملڪن وچ ۾ مضبوط لاڳاپن کي ڀيٽا پيش ڪئي وئي. تقريب ۾ ڊپٽي ڪمشنر گھوٽڪي منظور احمد ڪنراني، چيئرمين ضلعي ڪائونسل گھوٽڪي بنگل خان مهر، اي ڊي سي ون بشارت حسين ۽ اطلاعات کاتي جي آفيسرن سميت مختلف کاتن جي عملدارن شرڪت ڪئي.

ان موقعي تي ڊپٽي ڪمشنر گھوٽڪي منظور احمد ڪنراني ۽ چيئرمين ضلعي ڪائونسل گھوٽڪي بنگل خان مهر پاڪ-چين دوستي جي 75هين سالگرهه جي حوالي سان جهنڊو ڦڙڪايو، جڏهن ته ملڪي سلامتي، ترقي ۽ پاڪ-چين دوستي جي استحڪام لاءِ خاص دعا پڻ گهري وئي. تقريب دوران پاڪ-چين لازوال دوستي جي علامت طور وڻ پڻ لڳايا ويا.

چيئرمين ضلعي ڪائونسل گھوٽڪي بنگل خان مهر پنهنجي خيالن جو اظهار ڪندي چيو ته پاڪستان ۽ چين جي دوستي لازوال آهي ۽ ٻئي ملڪ هر مشڪل وقت ۾ هڪ ٻئي سان گڏ بيٺا آهن. هن چيو ته اسان کي پاڪ-چين دوستي جو پيغام وڌيڪ اجاگر ڪري نئين نسل تائين پهچائڻ گهرجي ته جيئن مستقبل ۾ هي تعلق وڌيڪ مضبوط ٿئي.

ان موقعي تي ڊپٽي ڪمشنر گھوٽڪي منظور احمد ڪنراڻي ڳالهائيندي چيو ته پاڪستان ۽ چين جي دوستي هر دور جي آزمائش تي پوري لٿي آهي ۽ ٻنهي ملڪن جا لاڳاپا ٻه طرفه اعتماد، سهڪار ۽ ڀائپي جي روشن مثال آهن. هن چيو ته سالگرهه ملهائڻ جو مقصد نئين نسل کي اهو پيغام ڏيڻ آهي ته پاڪ-چين دوستي نه رڳو ٻنهي ملڪن پر سڄي خطي جي امن ۽ استحڪام لاءِ انتهائي اهميت رکي ٿي.

20/05/2026

ڊپٽي ڪمشنر گهوٽڪي منظور احمد ڪنراني رهڙڪي درٻار پهچي هندو برادري جي روحاني پيشوا ۽ رهڙڪي درٻار جي گادي نشين سائين ساڌ رام جي وڇوڙي تي سندس وارثن ۽ سموري هندو برادري سان دلي ڏک ۽ افسوس جو اظهار ڪيو۔

ان موقعي تي ڊپٽي ڪمشنر چيو ته سائين ساڌ رام هڪ انسان دوست روحاني اڳواڻ، انسانيت، محبت، امن ۽ ڀائيچاري جو علمبردار هو، جنهن پنهنجي سڄي زندگي ماڻهن ۾ هم آهنگي، رواداري ۽ انسان دوستي جا قدر وڌائڻ لاءِ وقف ڪري ڇڏي هئي۔ هن چيو ته سائين ساڌ رام جي وڇوڙي سان نه رڳو هندو برادري پر پورو علائقو هڪ مڻيادار شخصيت کان محروم ٿي ويو آهي، جنهن جو خال ڊگهي عرصي تائين محسوس ڪيو ويندو۔

هن اميد ظاهر ڪئي ته سندس وارث ۽ چاهيندڙ سندس ڇڏيل راه تي هلندي محبت، امن ۽ ڀائيچاري جي پيغام کي عام ڪرڻ ۾ ڪردار ادا ڪندا رهندا

روزاني عوامي آواز - 20 مئي 2026محنت ڪجي يا نه ڪجي؟
20/05/2026

روزاني عوامي آواز - 20 مئي 2026
محنت ڪجي يا نه ڪجي؟

ڊپٽي ڪمشنر گھوٽڪي منظور احمد ڪنراني پاران هندو برادري جي روحاني پيشوا ۽ رهڙڪي صاحب جي گادي نشين سائين ساڌ رام جي ديهانت ...
19/05/2026

ڊپٽي ڪمشنر گھوٽڪي منظور احمد ڪنراني پاران هندو برادري جي روحاني پيشوا ۽ رهڙڪي صاحب جي گادي نشين سائين ساڌ رام جي ديهانت تي گهري ڏک ۽ افسوس جو اظهار ڪيو ويو آهي۔

پنهنجي تعزيتي پيغام ۾ ڊپٽي ڪمشنر چيو آهي ته سائين ساڌ رام هڪ باوقار روحاني شخصيت هئا، جن پنهنجي سڄي زندگي انسانيت، امن، محبت ۽ ڀائيچاري جي فروغ لاءِ وقف ڪئي۔ سندس خدمتن کي هميشه ياد رکيو ويندو.

هن هندو برادري سان دلي همدردي ۽ تعزيت جو اظهار ڪندي سرڳواسي جي خاندان ۽ هندو برادري لاءِ نيڪ خواهشن جو اظهار ڪيو آهي.۔

Address

National Highway Mirpur Mathelo
Mirpur Mathelo
65040

Telephone

+92723661675

Website

Alerts

Be the first to know and let us send you an email when Deputy Commissioner Ghotki posts news and promotions. Your email address will not be used for any other purpose, and you can unsubscribe at any time.

Shortcuts

Share

Category