29/08/2026
فلک سیر چوٹی پر سید علی شاہ کی میت — مزید خاموشی ناقابلِ قبول!
تقریباً دو ماہ گزر چکے ہیں، مگر سید علی شاہ کی میت آج بھی 5,200 میٹر کی بلندی پر موجود ہے۔ مقامی نوجوانوں نے اپنی مدد آپ کے تحت فلک سیر چوٹی تک پہنچ کر ڈرون کے ذریعے میت کی موجودگی اور مقام کی واضح فوٹیجز، تصاویر اور ویڈیوز بھی حاصل کرلی ہیں۔ جب مقام کی نشاندہی ہوچکی ہے تو پھر ریسکیو آپریشن میں مزید تاخیر کیوں؟
حکومت اور متعلقہ اداروں سے مطالبہ ہے کہ فوری طور پر ہیلی کاپٹر ریسکیو آپریشن شروع کیا جائے اور سید علی شاہ کی میت کو باحفاظت نیچے منتقل کرکے ان کے خاندان کو اس کرب اور اذیت ناک انتظار سے نجات دلائی جائے۔
ایک انسان کی میت دو ماہ سے بلند و بالا پہاڑ پر پڑی ہے—اب مزید تاخیر نہیں، فوری اقدام چاہیے. یہ محض ایک خاندان کا مسئلہ نہیں۔ یہ انسانیت، ریاستی ذمہ داری اور قومی وقار کا سوال ہے۔
اللہ تعالیٰ مرحوم سید علی شاہ کی مغفرت فرمائے، ان کے درجات بلند فرمائے اور اہلِ خانہ کو صبرِ جمیل عطا فرمائے۔ آمین۔
ضیاءالحق ناصر
ترجمان عوامی نیشنل پارٹی ضلع سوات
