17/11/2017
زه به نه لیوني کیږم
چي د داسي یو ملا نه د جهاد فضلت اورم
چي بچي یي په لندن کي د خپل خیال جنت کي پروت دي
زما دغه یو بچي وو لاړ شهید شو شین طوطي شو
مبارک شه مبارک شه جنتي شو جنتي شو
د شرابو ګوټ حرام دي خو د وینو ارزاني ده
د یو څو کسانو راج دي د یو څو کسو خاني ده
دا وخت د ژرندي پل دي او زما په مرۍ پروت دي
زه د خوار غنم دانه یم د اوبو په زور دل کیږم
نو زه به نه لیوني کیږم
زه که لر یمه او که بر یم د خپل ځان سره په شر یم
ځکه ټول پرهر پرهر یم در په در يم او نهر یم
د حساب نه مو وباسي د کتاب نه مو وباسي
ای قسم دي چي ورکۍ مو د نصاب نه مو وباسي
ته هم پوهه زه هم پوهه ته هم غلي زه هم غلي
دا ستا خپل څه مفادات دي زما خپل څه مفادات دي
او زما او ستا په شر کي د چا بل څه مفادات دي
ِاي دانشه ښه پوهیږم چي یو کیږم نه ورکیږم
ډیر په کم قیمت خرڅيږم
زه به نه لیوني کیږم
