13/09/2026
نیشنل سٹوڈنٹ موومنٹ، ہزارہ یونیورسٹی
طلبہ کی سیاسی و جمہوری سرگرمیوں پر پابندی ناقابلِ قبول ہے!
نیشنل سٹوڈنٹ موومنٹ (NSM)، ہزارہ یونیورسٹی اس اعلامیے میں سیاسی جماعتوں سے وابستگی، طلبہ تنظیموں، احتجاج، ریلیوں، جلوسوں، بیجز، جھنڈوں اور وال چاکنگ پر مکمل پابندی عائد کرنے کے فیصلے کی شدید مذمت کرتی ہے۔
یونیورسٹی صرف کتابیں پڑھنے کی جگہ نہیں بلکہ نوجوانوں میں شعور، برداشت، مکالمے، جمہوری اقدار اور قیادت پیدا کرنے کا مرکز بھی ہے۔
طلبہ کی آواز کو دبانا مسائل کا حل نہیں۔
اختلافِ رائے جرم نہیں، طلبہ تنظیمیں دشمن نہیں اور پُرامن سیاسی و جمہوری سرگرمیاں تعلیم کا حصہ ہیں۔
ہم نظم و ضبط، تعلیمی ماحول اور طلبہ کے تحفظ کے حق میں ہیں، لیکن ان کے نام پر طلبہ کے بنیادی اظہارِ رائے اور اجتماعی سرگرمیوں پر غیر ضروری پابندیاں کسی صورت قابلِ قبول نہیں۔
ہم ہزارہ یونیورسٹی انتظامیہ سے مطالبہ کرتے ہیں کہ اس شق پر نظرِ ثانی کی جائے، طلبہ نمائندوں کو اعتماد میں لیا جائے اور باہمی مشاورت سے ایسا ضابطۂ اخلاق تشکیل دیا جائے جو نظم و ضبط کے ساتھ ساتھ طلبہ کے جمہوری اور اظہارِ رائے کے حقوق کا بھی تحفظ کرے۔
ہم خاموش نہیں رہیں گے، ہم پُرامن رہیں گے،
ہم تصادم نہیں، مکالمہ چاہتے ہیں،
ہم انتشار نہیں، جمہوری طلبہ سیاست چاہتے ہیں۔
نیشنل سٹوڈنٹ موومنٹ (NSM)
ہزارہ یونیورسٹی، مانسہرہ
Hazara University
NSM Hazara University Mansehra
