25/08/2026
*ڈائریکٹر پولیس ٹریننگ سکول مانسہرہ تیمور خان PSP کے خصوصی احکامات کی روشنی میں چیف لاء انسٹکٹر انسپکٹر مقصود شاہ کاظمی کی زیر صدارت جملہ لاء سٹاف کا ایک اہم میٹنگ کا انعقاد کیا گیا میٹنگ کا مقصد زیر تربیت ٹرینیز (لوئر کورس) کی تعلیمی کارکردگی، کورس کی پیش رفت، تدریسی معیار، آئندہ ریکروٹس کی آمد کے انتظامات اور سکول میں صفائی و نظم و ضبط کے امور کا تفصیلی جائزہ لینا تھا۔*
*میٹنگ کے دوران چیف لاء انسٹکٹر نے لاء سٹاف سے زیر تربیت ٹرینیز کے جاری کورس کی پراگریس رپورٹ طلب کی۔ تمام لاء انسٹکٹرز نے اپنے اپنے مضامین کی تدریسی پیش رفت سے متعلق تفصیلی بریفنگ دی۔ رپورٹ کا بغور جائزہ لینے کے بعد چیف لاء انسٹکٹر نے تدریسی معیار اور کورس کی پیش رفت پر اطمینان اور اعتماد کا اظہار کرتے ہوئے تمام لاء سٹاف کی محنت، ذمہ داری اور پیشہ ورانہ صلاحیتوں کو سراہا۔*
*انہوں نے ہدایت کی کہ زیر تربیت ٹرینیز کو مزید محنت، لگن اور ذمہ داری کے ساتھ پڑھایا جائے تاکہ وہ تمام مضامین پر مکمل عبور حاصل کر سکیں۔ مزید برآں یہ بھی ہدایات جاری کی گئیں کہ کورس کی بروقت تکمیل کے بعد دوہرائی (Revision) کا عمل فوری طور پر شروع کیا جائے تاکہ ٹرینیز آئندہ امتحانات کے لیے بھرپور انداز میں تیار ہو سکیں اور بہترین نتائج حاصل کریں۔*
*اجلاس میں جلد متوقع نئے ریکروٹس کی آمد کے حوالے سے بھی تفصیلی تبادلہ خیال کیا گیا۔ چیف لاء انسٹکٹر نے تمام لاء سٹاف کو ہدایت دی کہ وہ اپنی تمام تر تیاریاں بروقت مکمل رکھیں تاکہ نئے آنے والے ریکروٹس کی تربیت کا آغاز منظم، مؤثر اور پیشہ ورانہ انداز میں کیا جا سکے۔*
*اس موقع پر پولیس ٹریننگ سکول کے تعلیمی ماحول کو مزید بہتر بنانے کے لیے سکول، کلاس رومز اور متعلقہ دفاتر میں صفائی ستھرائی برقرار رکھنے پر خصوصی زور دیا گیا۔ چیف لاء انسٹکٹر نے ہدایت کی کہ تمام کلاسز، تدریسی کمروں اور اطراف کے ماحول کو ہر وقت صاف ستھرا رکھا جائے تاکہ ٹرینیز کو بہترین تعلیمی ماحول فراہم کیا جا سکے۔*
*میٹنگ کے اختتام پر چیف لاء انسٹکٹر انسپکٹر مقصود شاہ کاظمی نے اس عزم کا اعادہ کیا کہ ڈائریکٹر پولیس ٹریننگ سکول مانسہرہ تیمور خان PSP کے وژن کے مطابق اعلیٰ معیار کی تربیت، نظم و ضبط، صفائی اور پیشہ ورانہ مہارت کو ہر صورت یقینی بنایا جائے گا تاکہ پولیس فورس کے لیے باصلاحیت، باکردار اور پیشہ ور اہلکار تیار کیے جا سکیں۔*
