Balochistan Orphanage

12/05/2026

Listen to our story from Founder Balochistan Orphanage Respected Sir پروفیسر عبدالکریم خان .
Thank you Bayazid Khan for reporting.
chiria

07/05/2026

#اہم اورمفیدملاقات
آج ( ) کے صوبائی سربراہ جناب ولید مہدی صاحب سے ان کے دفتر، واقع چمن ہاؤسنگ اسکیم میں ایک اہم اور مفید ملاقات ہوئی۔
ملاقات کے دوران انہوں نے گفتگو کا آغاز انگریزی زبان میں کیا، جبکہ میں نے عربی زبان میں جواب دینا شروع کیا، جس پر انہوں نے خوشگوار حیرت کا اظہار کرتے ہوئے میری عربی گفتگو کو سراہا۔
اس موقع پر میں نے انہیں (EDWO) کے مقاصد، کارکردگی اور مختلف منصوبوں سے آگاہ کیا، جن کی تفصیل درج ذیل ہے:
1۔ ریذیڈنشل ایجوکیشنل کمپلیکس:
یہ ایک کثیر المقاصد تعلیمی ادارہ ہے جو گزشتہ 30 سالوں سے بلوچستان بھر خصوصاً کنوبی اغبرگ کے بے سہارا، غریب اور یتیم بچوں کو جدید سائنسی تعلیم (نرسری تا میٹرک)، فاروقی ریذیڈنشل ہائی اسکول (انگلش میڈیم)، دینی تعلیم اور جدید کمپیوٹر تعلیم فراہم کر رہا ہے۔
اس وقت اس ادارے میں تقریباً 460 # طلباء و طالبات زیر تعلیم ہیں۔
2۔ بلوچستان دارالایتام (یتیم بچوں کا اپنا گھر):
اس ادارے کا نصب العین بلوچستان بھر کے یتیم اور بے سہارا بچوں کو تباہی سے بچانا اور انہیں زیورِ تعلیم سے آراستہ کرنا ہے۔
یہاں 100 سے زائد یتیم اور انتہائی غریب بچوں کو جدید سائنسی تعلیم، دینی تعلیم، کمپیوٹر تعلیم، خوراک، رہائش، علاج، یونیفارم، کتابیں اور کھیل کی سہولیات مفت فراہم کی جاتی ہیں۔
3۔ جامعہ اسلامیہ فاروقیہ:
یہ ادارہ طلباء کو مکمل اسلامی تعلیم کے ساتھ ساتھ جدید عصری تعلیم بھی فراہم کر رہا ہے۔
4۔ قریش نیچرل میڈیسن کلینک:
یہ کلینک طلباء اور مقامی عوام کو مفت اور معیاری طبی سہولیات فراہم کر رہا ہے۔
5۔ لیلیٰ ترین ڈیجیٹل لائبریری:
اس لائبریری کے ذریعے طلباء کو جدید کمپیوٹر تعلیم، آئی ٹی اور مصنوعی ذہانت (AI) کی سہولیات فراہم کی جا رہی ہیں۔
6۔ زیتون ترقیاتی فارم (فروغِ زیتون پروگرام):
اس پروگرام کا مقصد بلوچستان میں زیتون کی کاشت کو فروغ دے کر غربت میں کمی لانا اور عوام کے معاشی حالات کو بہتر بنانا ہے۔
تنظیم نے 30 ایکڑ زمین پر تقریباً 3,500 درختوں پر مشتمل باغ زیتون قائم کیا ہے۔
7۔ زیتون کے پودوں کی تقسیم:
تنظیم نے مختلف اداروں خصوصاً کے تعاون سے بلوچستان بھر میں 26,000 زیتون کے پودے مستحق افراد میں مفت جبکہ اہلِ ثروت کو رعایتی نرخوں پر فراہم کیے۔
8۔ شجرکاری (فارسٹ پروگرام):
تنظیم نے محکمہ جنگلات بلوچستان کے تعاون سے باغ زیتون کے کناروں پر تقریباً 9,000 جنگلی درخت (جن میں پھلائی/پہلوسہ، توت، انار، شِنہ وغیرہ شامل ہیں) لگائے ہیں، جس کا مقصد ماحولیاتی بہتری اور سرسبزی کا فروغ ہے۔
آخر میں، جناب ولید مہدی صاحب نے گفتگو کو بغور سنا اور تنظیم کے تعلیمی، فلاحی، ترقیاتی اور ماحولیاتی منصوبوں کو سراہتے ہوئے خراجِ تحسین پیش کیا۔
انہوں نے وعدہ کیا کہ ان شاء اللہ وہ اپنی اولین فرصت میں تنظیم کے قائم کردہ اداروں اور منصوبوں کا خود دورہ کریں گے، اور کے پلیٹ فارم سے تعلیمی، زرعی، ماحولیاتی، لائیو اسٹاک، ایریگیشن اور خواتین کے معاشی حالات کی بہتری کے منصوبوں میں بھرپور تعاون فراہم کریں گے۔
ملاقات کے اختتام پر میں نے انہیں حرمین شریفین کا تحفہ (کھجور، جائے نماز، تسبیح) پیش کیا۔ بعد ازاں انہوں نے نہایت گرمجوشی کے ساتھ کے دفاتر کا دورہ کروایا اور پرتپاک انداز میں رخصت کیا۔
اس ملاقات میں میرے ساتھ جناب عطا ناصر بھی شریک تھے۔

07/05/2026

آج ایک نہایت خوشگوار اور یادگار ملاقات ہوئی۔ میرے دیرینہ دوست شہید نصر اللہ خان کاکڑ کے فرزندِ ارجمند، چیئرمین بلوچستان سرمایہ کاری بورڈ جناب بلال خان کاکڑ صاحب سے ان کے دفتر میں ملاقات کا شرف حاصل ہوا۔
اس موقع پر پرانی یادیں تازہ ہوئیں اور نہایت خوشگوار ماحول میں گفتگو ہوئی۔ میں نے انہیں اپنی تنظیم
ایجوکیشنل ڈویلپمنٹ اینڈ ویلفیئر آرگنائزیشن (EDWO)، یتیم بچاؤ تحریک، یتیم بچوں کا اپنا گھر، جامعہ اسلامیہ فاروقیہ، فاروقی ریزیڈنشل پبلک ہائی اسکول، قرشی نیچرل میڈیسن کلینک، EDWO زیتون گارڈن اور EDWO فارسٹ پروجیکٹ
کی تعلیمی، ترقیاتی، فلاحی اور ماحولیاتی سرگرمیوں اور کارکردگی سے آگاہ کیا۔
جناب بلال خان کاکڑ صاحب نے تنظیم کی خدمات کو سراہتے ہوئے ہر ممکن تعاون کی یقین دہانی کرائی۔ انہوں نے وعدہ کیا کہ ان شاء اللہ ادارے کے ترقیاتی منصوبوں کے حوالے سے وزیراعلیٰ بلوچستان جناب میر سرفراز بگٹی صاحب سے بھی بات کریں گے۔
آخر میں میں نے جناب بلال خان کاکڑ صاحب کو تحفۂ حرمین (کھجور، آبِ زم زم، جائے نماز اور تسبیح) پیش کیا۔
اس ملاقات میں میرے معاون عطا ناصر بھی ہمراہ تھے۔
اللہ تعالیٰ ہمیں اپنی خدمات کو مزید بہتر انداز میں جاری رکھنے کی توفیق عطا فرمائے۔ آمین۔

19/04/2026

18/04/2026

یتیم بچوں کو مفت مکمل تعلیمی سہولیات خوراک رہائش علاج اسٹیشنری یونیفارم کا مکمل انتظام یتیم بچوں کا اپنا گھر بلوچستان دارالایتام اس پوسٹ کو ثواب کی نیت سے زیادہ سے زیادہ شیئر کریں

18/04/2026

یتیم بچاؤ، تعلیم دلاو، ثواب کماو
پروفیسر عبدالکریم خان

16/04/2026

سنجاوی کھلی کچہری
ممبر NCT وزارت صحت اسلام آباد صدر PTC بلوچستان صدر EDWO, کوارڈینیٹر Q،F لاہور بانی بلوچستان دارالایتام مہتمم جامعہ اسلامیہ فاروقیہ کنوبی اغبرگ پروفیسر عبد الکریم نے ڈی ،سی D،C زیارت و دیگر افسران کو کنوبی کی عوامی مسائل سے آگاہ کرتے ہوئے درج ذیل مطالبات پیش کئے ہیں۔
1۔ ریزیڈنشل ایجوکیشنل کمپلیکس کنوبی میں تعمیر شدہ لیلی ترین ڈیجیٹل لائبریری کو B،S،D،I کی تحت سولر انرجی کے سہولت مہیا کیا جائے تا کہ ادارے کی طلباء اور علاقے کے نوجوانوں کو جدید تعلیمی سہولیات میسر ہو سکے۔
2 ۔ ایکسین B & R زیارت کو پابند کیا جائے کہ BHU , (کلی پروفیسر عبد الکریم خان ) کے تعمیراتی کام جلد از جلد مکمل کیا جائے B H U سے حفاظتی ٹیکہ جات کا مرکز کو کہیں اور منتقل کیا گیا ہے اس کو جلد از جلد واپس لایا جائے اور فعاث کیا جائے تاکہ کہ معصوم بچوں کی ویکسین کی سہولت مہیا ہو سکے B H U , کے غیر حاضر سٹاف کو ڈیوٹی کا پابند کیا جائے تاکہ کنوبی کی عوام کو صحت کے بنیادی سہولیات حاصل ہو سکے۔
3۔ وت روڈ کنوبی کی تعمیراتی کام ایک سال سے بند ہے اور معیاری تعمیراتی کام جلد از جلد شروع کیا جائے اور ناقص تعمیراتی کام کا نوٹس لیا جائے زمہ داروں کو سزا دی جائے تم تاکہ نقصان کا ازالہ ہوسکے ۔
4 ۔ کنوبی میں پانی کا سطح بہت نیچھے گر چکا ہے B S P I , پروگرام کے تحت چھوٹی چھوٹی چیک ڈیمیں بنائے جائے۔
5 ۔ کنوب میں مکمل شدہ سرکاری واٹر سپلائی سکیم جو بلکل بند ہے اس کو بحال اور فعال کیا جائے تاکہ عوام کو صاف پانی میسر ہو سکے ۔
6۔ کنوبی کا علاقہ لورالائی سے متصل ہے۔ کمشنر لورالائی کے آفس سے 3 کلو میٹر کے فاصلے پر ہے۔ امن امان بلکل خراب ہے علاقے میں چوروں ، ڈاکوں ، اغوا کاروں اور قاتلوں کا راج ہے۔ لہٰذا کنوبی میں غزگی کراس پر پولیس تھانہ قائم کیا جائے اور علاقے پولیس چوکیاں (اغبرگ/وت) میں قائم کیا جائے تاکہ سیکورٹی کے مسائل حل ہو سکے
7 ۔ گورنمنٹ مڈل سکول فاروقیہ کنوبی میں امتحانی ہال اور چار دیواری تعمیر کیا جائے۔
8 ۔ گرین ٹنل کے لیے محکمہ زراعت زیارت میں مبلغ 98000 روپے جمع شدہ ہے۔ لہذا گرین ٹنل پروفیسر عبد الکریم جلد از جلد تعمیر کیا جائے۔
10۔ تحصیل سنجاوی موسم کے لحاظ سے زیتون کیلئے بہت بہترین علاقہ ہے لہذا زیتون پروگرام میں سنجاوی کو شامل کیا جائے۔ تاکہ زمینداروں کو زیتون کے درخت ، ڈرپ ایریگیشن وغیرہ سہولیات میسر ہو سکے ۔
11۔ سنجاوی کے عوام خصوصاً خواتین کمپوٹراز لوکل بنانے کیلئے زیارت جاتے ہیں جو ایک عذاب ہے لہذا فوری طور پر عوام کو کمپیوٹرائز لوکل کے سہولت سنجاوی میں ہی مہیا کیا جائے تاکہ عوام کو اس عذاب سے نجات مل جائے۔
پروفیسر صاحب نے DC , صاحب اور دیگر افسران کو ریزیڈنشل ایجوکیشنل کمپلیکس کنوبی کی دورہ کرنے کی دعوت دی
DC, صاحب نے پروفیسر صاحب کے تمام مطالبات کو منظور کرنے اور ادارے کا وزٹ کرنے کا وعدہ کیا

09/03/2026

فاروقی ریزیڈنشل سکول کنوبی

18/01/2025

#سفرحرمین
آج محترم پیر طریقت جناب پیر ابراھیم آغا صاحب نے اپنے دعاؤں کے ساتھ کویٹہ ایئرپورٹ پر رخصت کیا اور الحمدللہ خیریت سے کراچی پہنچا۔
کل صبح دس بجے انشاء اللہ مدینہ منورہ کے لیے روانگی ہوگی اپنے تمام ساتھیوں ،دوستوں اور عزیز و اقارب سے نیک دعاؤں کی درخواست ہیں اللہ تعالیٰ اپنے فضل وکرم سے اس مقدر سفر کو خیریت اور عافیت کے ساتھ مکمل فرمائیں انشاء اللہ پھر عید الفطر کے بعد واپسی ہوگی اللہ تعالیٰ ہمیں ادب اور عبادت کرنے کی توفیق عطا فرمائے اور اللہ تعالیٰ تمام مسلمانوں کو دیدار حرمین شریفین بار بار نصیب فرمائے آمین ثم آمین ۔

17/01/2025

شعبہِ حفظ کیلئے قاری حافظ استاد کی ضرورت ہے پرکشش تنخواہ دی جائیگی رابطہ:3862656-0306

05/01/2025

فاروقی ریزیڈنشل ھائی سکول
20 years of the journey of educating the young minds.