26/06/2026
محکمہ زراعت کے زیرِ اہتمام ضلع لودھراں میں گندم کے پیداواری مقابلہ میں نمایاں کارکردگی دکھانے والے زمینداروں میں انعامی چیک تقسیم کرنے کی تقریب ڈپٹی کمشنر آفس لودھراں میں منعقد ہوئی۔
تقریب کے مہمانِ خصوصی ڈپٹی کمشنر لودھراں محمد اشرف صاحب تھے۔ اس موقع پر انہوں نے کامیاب کاشتکاروں کو مبارکباد دیتے ہوئے کہا کہ وزیراعلیٰ پنجاب Maryam Nawaz Sharif کاشتکاروں کی فلاح و بہبود اور زرعی ترقی کے لیے خصوصی اقدامات کر رہی ہیں۔ گندم کا پیداواری مقابلہ بھی وزیراعلیٰ پنجاب کا زمینداروں کے لیے ایک اہم اور خصوصی اقدام ہے جس کا مقصد جدید زرعی ٹیکنالوجی کے فروغ اور فی ایکڑ پیداوار میں اضافہ کرنا ہے۔
تقریب کے دوران پیداواری مقابلہ میں پہلی، دوسری اور تیسری پوزیشن حاصل کرنے والے کاشتکاروں میں انعامات تقسیم کیے گئے۔ پہلی پوزیشن حاصل کرنے والے زمیندار کو 10 لاکھ روپے، دوسری پوزیشن حاصل کرنے والے کو 8 لاکھ روپے جبکہ تیسری پوزیشن حاصل کرنے والے زمیندار کو 5 لاکھ روپے مالیت کا انعامی چیک دیا گیا۔
اس موقع پر ترقی پسند زمیندار اور ممبر ڈسٹرکٹ کمیٹی چوہدری کاشف اسلام بھی موجود تھے۔ انہوں نے بتایا کہ گندم کے پیداواری مقابلہ کے تمام مراحل مکمل شفافیت اور میرٹ کی بنیاد پر مکمل کیے گئے اور کامیاب کاشتکاروں کا انتخاب مقررہ قواعد و ضوابط کے مطابق کیا گیا۔
اس موقع پر محکمہ زراعت کے افسران اور کاشتکاروں کی بڑی تعداد بھی موجود تھی۔ شرکاء نے اس اقدام کو کاشتکاروں کی حوصلہ افزائی، زرعی ترقی اور جدید کاشتکاری کے فروغ کے لیے ایک اہم قدم قرار دیا۔
