Umair Rescuer 1122 Sindh

20/03/2026

Sindh Emergency Service Rescue 1122
Eid Mubarak! 🌙
As we celebrate the blessings of Eid-ul-Fitr, Sindh Emergency Service Rescue 1122 appeals to all citizens to observe safety and responsibility in every aspect of the festivities. Your caution can prevent emergencies and protect precious lives.
• Observe traffic discipline and avoid reckless driving
• Ensure children and elderly are attended, especially in crowded areas
• Refrain from aerial firing and unsafe celebratory practices
• Use cooking and gas equipment with care
• Avoid overloading of vehicles and ensure use of safety measures
• In case of any untoward incident, contact Rescue 1122 without delay
Let us celebrate Eid with a spirit of care, compassion, and safety for all.
Your safety is our priority.

Rescue 1122 – Serving Humanity

16/03/2026

کراچی
16 مارچ 2026

ریسکیو 1122نے10 لاکھ سےزائد حادثات میں ہزاروں قیمتی جانیں بچائیں، مشیرِ وزیراعلیٰ سندھ برائے بحالی گیانچند ایسرانی کی زیر صدارت سندھ ایمرجنسی کونسل کے پانچویں اجلاس میں بریفنگ

دنیا بھر میں ادارے ڈیٹا پر فیصلے کرتے ہیں،جدید سافٹ ویئر، ٹیکنالوجی اور ڈیٹا اینالیسس کو اپنانا ہوگا تاکہ کمزوریوں کی نشاندہی ہوسکے،گیانچند ایسرانی

کراچی(16 مارچ) مشیرِ وزیراعلیٰ سندھ برائے محکمہ بحالی گیانچند ایسرانی کی زیر صدارت سندھ ایمرجنسی کونسل کا پانچواں اہم اجلاس پی ڈی ایم اے ہیڈکوارٹرز میں منعقد ہوا جس میں صوبے میں ایمرجنسی ریسپانس نظام کو مزید مؤثر، جدید اور مربوط بنانے کے حوالے سے اہم فیصلے کیے گئے۔ اجلاس میں گزشتہ اجلاس کے منٹس کی متفقہ طور پر توثیق کی گئی جبکہ ریسکیو 1122 سندھ کی کارکردگی، جاری اصلاحات، مالی منصوبہ بندی، انسانی وسائل اور جدید ایمرجنسی نظام کے قیام پر بھی تفصیلی غور کیا گیا۔اجلاس میں سیکریٹری محکمہ بحالی رفیق مصطفیٰ شیخ، ڈی جی پی ڈی ایم اے سلمان شاہ، ڈی جی ریسکیو 1122 واجد سبغت اللہ مہر، ڈائریکٹر آپریشنز عابد جلال، سی ای او سندھ انٹیگریٹڈ ایمرجنسی ہیلتھ سروسز طارق قادر لاکھیار، سمیت محکمہ صحت، پولیس، محکمہ بلدیات اور محکمہ فنانس کے عہدیداران نے شرکت کی۔ اجلاس میں بریفنگ دی گئی کہ 2022 سے اب تک ریسکیو 1122 نے دس لاکھ سے زائد طبی ایمرجنسیز، ہزاروں آگ لگنے، ڈوبنے اور عمارت گرنے کے واقعات میں بروقت کارروائی کرتے ہوئے ہزاروں قیمتی جانیں بچائیں جس پر مشیر وزیراعلیٰ گیانچند ایسرانی نے ادارے کی کارکردگی کو سراہتے ہوئے کہا کہ دنیا بھر میں ادارے ڈیٹا پر فیصلے کرتے ہیں۔ ہمیں بھی جدید سافٹ ویئر، ٹیکنالوجی اور ڈیٹا اینالیسس کو اپنانا ہوگا تاکہ کمزوریوں کی نشاندہی کر کے خدمات کو مزید بہتر بنایا جا سکے۔اجلاس میں ایمرجنسی رسپانس نظام میں موجود خامیوں کی نشاندہی کرتے ہوئے مشترکہ کمانڈ اسٹرکچر، یکساں ایس او پیز اور انفراسٹرکچر میں سرمایہ کاری بڑھانے پر زور دیا گیا جبکہ صوبے بھر کیلئے 100 فائر ٹینڈرز اور 35 واٹر باؤزرز کی فوری ضرورت پر اتفاق کیا گیا۔ اجلاس میں ریسکیو 1122 کے تحت بنائی جانے والی کوئیک ریسپانس فورس کا نام تبدیل کر کے “ایڈوانس ریسپانس ٹیم” رکھنے کی منظوری دی گئی جبکہ کراچی میں فوری رسپانس صلاحیت بڑھانے کیلئے خصوصی تربیت یافتہ ٹیموں کے قیام کو سراہا گیا۔ وزیراعلیٰ سندھ کی جانب سے آئندہ تین برس کیلئے ایمرجنسی سروسز کے بجٹ کی اصولی منظوری سے متعلق بھی اجلاس کو آگاہ کیا گیا۔ ریسکیو 1122 کے کنٹریکٹ ملازمین کی مدتِ ملازمت میں توسیع کا معاملہ کارکردگی جائزے تک مؤخر کرتے ہوئے اگلے اجلاس میں پیش کرنے کا فیصلہ کیا گیا۔ اجلاس میں ریسکیو اہلکاروں کیلئے تاریخی شہداء پیکیج کی منظوری دیتے ہوئے ڈیوٹی کے دوران شہادت کی صورت میں 10 ملین روپے مالی امداد، 5 ملین گروپ انشورنس، تدفین اخراجات اور اہل خانہ کیلئے ملازمت یا ریٹائرمنٹ عمر تک تنخواہ جاری رکھنے کی منظوری دی گئی جسے صوبائی کابینہ کو ارسال کرنے کا فیصلہ کیا گیا۔ اجلاس میں سندھ ریسکیو سروس فنڈ کے قیام اور 50 کروڑ روپے سیڈمنی مختص کرنے کی منظوری بھی دی گئی تاکہ ہنگامی ضروریات فوری پوری کی جا سکیں جبکہ مالی سال 2025-26 کے گرانٹس کی مد وار تقسیم کی بھی منظوری دی گئی۔ اجلاس میں ریسکیو 1122 میں افرادی قوت کی کمی دور کرنے کیلئے مزید بھرتیوں کی اصولی منظوری دیتے ہوئے شفاف ٹیسٹنگ کیلئے سکھر آئی بی اے یا تھرڈ پارٹی ٹیسٹنگ ایجنسی کی خدمات لینے کی ہدایت دی گئی جبکہ ادارے میں ڈیجیٹلائزیشن، ایچ آر اصلاحات اور قواعد و ضوابط کا جائزہ لینے کیلئے سب کمیٹی تشکیل دینے کا فیصلہ کیا گیا۔ سمندر میں ریسکیو آپریشن کے دوران شہید ہونے والے ڈرائیور باقر عبداللہ کے علاج پر آنے والے 14 لاکھ روپے اخراجات کی بعد از منظوری بھی دی گئی۔ اجلاس کے اختتام پر خطاب کرتے ہوئے مشیر وزیراعلیٰ سندھ گیانچند ایسرانی نے کہا کہ سندھ حکومت جدید، تیز رفتار اور عوام دوست ایمرجنسی نظام کے قیام کیلئے عملی اقدامات کر رہی ہے۔ ٹیکنالوجی، تربیت اور ادارہ جاتی ہم آہنگی کے ذریعے ریسکیو سروسز کو عالمی معیار پر لایا جائے گا تاکہ ہر شہری کو بروقت اور مؤثر امداد میسر آ سکے۔ گیانچند ایسرانی نے کہا کہ انسانی جانوں کا تحفظ حکومت کی اولین ترجیح ہے اور ریسکیو اہلکاروں کی قربانیوں کو ہمیشہ قدر کی نگاہ سے دیکھا جائے گا۔

08/03/2026

01/03/2026

عالم اسلام کا بہادر بیٹا' دشمن کی آنکھ میں آنکھ ڈال کر بات کرنے والا وقت کے فرعون کو للکار نے والا شیر اسلام رمضان المبارک کے مہینہ می شہید......
الللہ پاک شہادت قبول فرماے آمین

30/01/2026

صوبائی محتسب سندھ اور ٹرانسپیرنسی انٹرنیشنل کے اشتراک سے ایک روزہ ہائی لیول ورکشاپ کا انعقاد
ڈی جی سندھ ایمرجنسی ریسکیو 1122 بریگیڈیئر واجد صبغت اللہ، صوبائی محتسب سندھ محمد سہیل راجپوت اور چیئرمین ٹرانسپیرنسی انٹرنیشنل پاکستان جسٹس (ر) ضیاء پرویز کی خصوصی شرکت
چیئر ٹرانسپیرنسی انٹرنیشنل فرینکوئس ویلیرین، سرکاری محکموں کے سیکریٹریز اور دیگر اعلیٰ افسران بھی شریک
مقررین کی جانب سے انسدادِ بدعنوانی، گڈ گورننس اور عوامی شکایات کے حل سے متعلق طریقہ کار اور تجاویز پیش۔
ڈی جی سندھ ایمرجنسی ریسکیو 1122 بریگیڈیئر واجد صبغت اللہ کی خصوصی شرکت کے ساتھ صوبائی محتسب سندھ اور ٹرانسپیرنسی انٹرنیشنل کے اشتراک سے کراچی کے ایک نجی ہوٹل میں انسدادِ بدعنوانی، گڈ گورننس اور عوامی شکایات کے حل، طریقہ کار اور تجاویز سے متعلق ہائی لیول کیپیسٹی بلڈنگ ورکشاپ منعقد کی گئی۔
ورکشاپ میں صوبائی محتسب سندھ محمد سہیل راجپوت، چیئرمین ٹرانسپیرنسی انٹرنیشنل پاکستان جسٹس (ر) ضیاء پرویز، چیئر ٹرانسپیرنسی انٹرنیشنل فرینکوئس ویلیرین، مختلف سرکاری محکموں کے سربراہان محمد سلیم راجپوت، زاہد عباسی، ظریف کھیڑو، رشید احمد زرداری، ایم ڈی کراچی واٹر کارپوریشن احمد علی صدیقی، چیئرمین ہلالِ احمر سندھ محمد ریحان ہاشمی، ، ڈی جی محکمہ اطلاعات سندھ معیز الدین پیرزادہ، ڈی جی ایکسائز اینڈ ٹیکسیشن سندھ اورنگزیب پنہور، ڈی جی صوبائی محتسب سندھ نسیم الدین میرانی، ڈائریکٹر کوآرڈینیشن امداد حسین صدیقی و دیگر نے بڑی تعداد میں شرکت کی۔

28/01/2026

وزیر اعلیٰ سندھ سید مراد علی شاہ کی زیرصدارت صوبے بھر کے سرکاری ،غیر سرکاری اور کمرشل عمارتوں کے جامع فائر سیفٹی آڈٹ کے حوالے سے اہم اجلاس؛

اجلاس میں صوبائی وزراء شرجیل انعام میمن اور ناصر حسین شاہ، مشیر گیان چند اسرانی، میئر کراچی مرتضیٰ وہاب، چیف سیکریٹری آصف حیدر شاہ، وزیراعلیٰ سندھ کے پرنسپل سیکریٹری آغا واصف، کمشنر کراچی حسن نقوی، سیکریٹری بلدیات وسیم شمشاد، ایڈیشنل آئی جی ذوالفقارلاڑک، سیکریٹری بحالی نثار میمن،ڈی جی ایس بی سی اے مزمل ہالیپوٹو، ڈی جی پی اینڈ ڈی الطاف ساریو، ڈی جی پی ڈی ایم اے سلمان شاہ، چیف فائر آفیسر و دیگر اعلیٰ حکام شریک؛

اقدام کا مقصد حفاظتی پروٹوکول کو ادارہ جاتی بنانا اور عوامی جان و مال کے تحفظ کو یقینی بنانا ہے؛ وزیراعلیٰ سندھ

تمام اہم عمارتوں کا مکمل آڈٹ اب اختیاری نہیں ہوگا؛ وزیراعلیٰ سندھ

تمام تجارتی، نجی اور سرکاری عمارتوں کو آگ سے بچاؤ کے جدید نظام سے لیس ہونا چاہیے؛ وزیراعلیٰ سندھ

ایمرجنسی اخراج کی واضح علامتیں اور بغیر رکاوٹ کے داخلے اور خارجی راستے لازمی ہوں گے؛ وزیراعلیٰ سندھ

اس اقدام سے ضلع اور تعلقہ دونوں سطحوں پر ہنگامی تیاریاں مضبوط ہونی چاہیے؛ وزیراعلیٰ سندھ

تاکہ غیر متوقع واقعات کی صورت میں مؤثر انداز سے نمٹا جا سکے؛ وزیراعلیٰ سندھ

حکومت نے صوبے بھر میں ابتدائی آڈٹ مرحلے میں مجموعی طورپر 2,368 عمارتوں کی نشاندہی کی ہے؛ وزیراعلیٰ سندھ

جن میں سکھر کی 898 عمارتیں، کراچی کی 562، حیدرآباد کی 540، شہید بینظیر آباد کی 171، لاڑکانو کی 143 اور میرپورخاص کی 54 عمارتیں شامل ہیں؛ وزیراعلیٰ سندھ

وزیراعلیٰ نے تعمیل کے لیے مرحلہ وار ٹائم لائن کی منظوری دی؛ ترجمان

فائر الارم پینلز، پورٹیبل آلات اور ہنگامی اشاروں کا معائنہ کیا جائے گا؛ وزیراعلیٰ سندھ

ا سموک ڈیٹیکٹرز، سنٹرل الارم سسٹم اور ہائیڈرنٹس کی تنصیب اور آپریشنلائزیشن ضروری قرار؛ وزیراعلیٰ سندھ

بجلی کی وائرنگ کا موثر نظام اور خودکار فائر سپریشن سسٹم کی تنصیب لازمی ہوگی؛ وزیراعلیٰ سندھ

عملدرآمد کے حوالے سےایس بی سی اے اور پی ڈی ایم اے کی ٹیمیں اہم عمارتوں کی انتظامیہ سے ملاقات کریں؛ مراد علی شاہ کی چیف سیکرٹری کو ہدایت

فائر سیفٹی اقدامات پر عمل درآمد کے لیے انتظامیہ کو ٹائم فریم دیں؛ وزیراعلیٰ سندھ کی چیف سیکریٹری کو ہدایت

عدم تعمیل کی صورت میں فوری کارروائی عمل میں لائی جائے ؛ وزیراعلیٰ سندھ

عمارت میں بیسمنٹ اور میزانین کو صرف پارکنگ مقاصد کے لیے ہی استعمال کیا جائے گا؛ وزیراعلیٰ سندھ

دیگر مقاصد جیسے دکانوں یا گوداموں کی بالکل بھی اجازت نہیں ہوگی؛ وزیراعلیٰ سندھ

وزیراعلیٰ نے حفاظتی اقدامات کے حوالےسے کمرشل عمارتوں کے سالانہ معائنہ کو دوبارہ شروع کرنے کی منظوری دی؛

برقی اور دیگر انسپکشن جیسے ایمرجنسی ایگزٹ اور انٹری پوائنٹس ہر صورت یقینی بنایا جائے ؛ وزیراعلیٰ سندھ

عملدآمد نہ کرنے صورت میں عمارت انتظامیہ کو سخت نوٹس جاری کیاجائے ؛وزیراعلیٰ نے سندھ

حفاظتی معیارات پرکسی صورت کوئی سمجھوتہ نہیں کیاجائے گا ؛ وزیراعلیٰ سندھ