16/03/2026
ڈپٹی سیکرٹری ایڈمن، محکمہ قانون و پارلیمانی امور اعتزاز اسلم مارتھ نے ضلع اٹک میں زیرِ تعمیر لیڈیز بار کا دورہ کیا۔ دورے کے دوران انہوں نے عمارت کے مختلف حصوں کا معائنہ کیا اور جاری تعمیراتی کام کا تفصیلی جائزہ لیا۔
اس موقع پر ڈپٹی ڈائریکٹر ڈویلپمنٹ اٹک، ضمیر جنجوعہ نے عمارت کی تعمیر اور تکمیل سے متعلق پیش رفت کے بارے میں بریفنگ دی۔
ڈپٹی سیکرٹری ایڈمن اعتزاز اسلم مارتھ نے متعلقہ حکام کو ہدایت کی کہ تعمیراتی کام کو ترجیحی بنیادوں پر جلد از جلد مکمل کیا جائے تاکہ یہ سہولت خواتین وکلاء کو بروقت فراہم کی جا سکے۔
