مجلسِ ترقی ادب

24/01/2026

مجلس ترقی ادب پنجاب کے لاہور آفس میں احمد ندیم قاسمی موجود جہاں آج کل دور حاضر کے شاعر جناب عباس تابش صاحب تشریف فرما ہے

‏احمد ندیم قاسمی کی غزل

جب ترا حکم ملا ترک محبت کر دی
دل مگر اس پہ وہ دھڑکا کہ قیامت کر دی

تجھ سے کس طرح میں اظہار تمنا کرتا
لفظ سوجھا تو معانی نے بغاوت کر دی

میں تو سمجھا تھا کہ لوٹ آتے ہیں جانے والے
تو نے جا کر تو جدائی مری قسمت کر دی

تجھ کو پوجا ہے کہ اصنام پرستی کی ہے
میں نے وحدت کے مفاہیم کی کثرت کر دی

مجھ کو دشمن کے ارادوں پہ بھی پیار آتا ہے
تری الفت نے محبت مری عادت کر دی

پوچھ بیٹھا ہوں میں تجھ سے ترے کوچے کا پتہ
تیرے حالات نے کیسی تری صورت کر دی

کیا ترا جسم ترے حسن کی حدت میں جلا
راکھ کس نے تری سونے کی سی رنگت کر دی

08/06/2025

08/08/2024

آزادی مشاعرہ
13 اگست شام 7 بجے
مینارِ پاکستان گریٹر اقبال پارک لاہور.

26/07/2024

ہنگری سے تشریف لائے ہوئے نوجوان شاعر اور ادیب جناب حمزہ یعقوب نے مجلسِ ترقیِ ادب کا دورہ کیا اور ڈائریکٹر مجلسِ ترقیِ ادب جناب عباس تابش مدیر صحیفہ جناب ارشد نعیم مدیر کتب محترمہ صوفیہ بیدار سے ملاقات کی ڈائریکٹر ادارہ ہذا نے مہمان کو صحیفہ کا میر تقی میر نمبر پیش کیا اس موقع پر معروف شاعر ادریس بابر اور ڈاکٹر فاطمہ بھی موجود تھیں..

17/06/2024

مجلس ترقی ادب کی جانب سے تمام اہلِ اسلام کو عید الاضحٰی بہت مبارک ہو

07/06/2024

حکومتِ پنجاب کی جانب سے ایڈیشنل سیکریٹری کلچر طارق بسرا نے پنجابی کے معروف شاعر تجمل کلیم کی عیادت کی اور علاج کی بہترین سہولیات کی فراہمی کی یقین دہائی کرائی۔ حکومت کی طرف سے انہیں امدادی چیک بھی پیش کیا گیا۔ تجمل کلیم جناح ہسپتال میں زیرِ علاج ہیں۔ اس موقع پر عباس تابش ڈائریکٹر مجلس ترقی ادب اور خاقان حیدر غازی ڈائریکٹر پلاک بھی موجود ہیں۔