23/04/2026
شہیدِ حق ڈاکٹر نذیر قریشی دی لازوال قربانی دی داستان
اج توں 41 ورھے پہلاں تھانہ جامشورو وچ غیر ملکی ایجنسیاں دے آلہ کاراں ولوں لیاقت میڈیکل کالج دے مہران ہاسٹل وچ نہتے پنجابی طلباء اتے قاتلانہ حملے تے ڈاکٹر نذیر قریشی نوں شہید کرن دا مقدمہ اج وی سماعت دا منتظر اے۔ ایہ ساڈے ملک دے نظامِ عدل اتے اک وڈا سوالیہ نشان اے کہ چار دہائیاں توں ودھ دا ویلا لنگھ چکیا اے پر اج تیکر ایس کیس دی شنوائی نہیں ہو سکی۔
ابتدائی جیون تے تعلیم: ڈاکٹر نذیر قریشی ضلع ٹنڈو محمد خان دے پنڈ "پٹار" وچ 13 ستمبر 1965 نوں پیدا ہوئے۔ اوہناں نے مڈھلی تعلیم گورنمنٹ پرائمری اسکول پٹار توں حاصل کیتی، جیدے توں بعد اوہناں نے جدید مڈل اسکول ٹنڈو محمد خان وچ داخلہ لیا۔ تعلیم نال بے حد لگاؤ پاروں اوہناں نے ہائر سیکنڈری لئی کیڈٹ کالج پٹارو دا انتخاب کیتا، جتھے اس ویلے داخلہ لینا کوئی سوکھا کم نہیں سی۔ ایسے دوران ڈاکٹر نذیر قریشی دی پاک فضائیہ وچ سلیکشن وی ہوئی، پر ایس درویش منش انسان نوں مسیحائی دے ذریعے انسانیت دی خدمت کرنا زیادہ پسند سی۔ ایس لئی اوہناں نے جنوری 1984 وچ لیاقت میڈیکل کالج وچ داخلہ لے لیا۔
سیاسی جدوجہد تے این ایس ایس او: اوہ اوہ ویلا سی جدوں سندھ دے کالجاں تے یونیورسٹیاں وچ پنجابی طلباء لئی بوہے بند کیتے جا رہے سن۔ جے کوئی پنجابی داخلہ لے وی لیندا تے اوہنوں بدترین تشدد دا نشانہ بنایا جاندا۔ اس کڑے وقت وچ پنجابی طلباء "نیو سندھی اسٹوڈنٹس آرگنائزیشن" (NSSO) دے پلیٹ فارم توں متحرک سن۔ ایہ تنظیم صرف پنجابی نہیں بلکہ دوجیاں قومیت دے طلباء نوں وی تحفظ دیندی سی۔ ڈاکٹر نذیر قریشی نے کالج آؤندیاں ای این ایس ایس او وچ شمولیت اختیار کیتی تے طلباء دے حقوق لئی سرگرم ہو گئے۔
شہادت دا واقعہ: 14 اگست 1984 نوں لیاقت میڈیکل کالج وچ پاکستانی جھنڈا لہران اتے ملک دشمن قوم پرست تنظیماں دے دہشت گرداں نوں سخت غصہ آیا تے ڈاکٹر نذیر قریشی اوہناں دی اکھاں وچ کھٹکن لگ گئے۔ بالآخر 20 تے 21 اپریل دی درمیانی رات، دہشت گرداں نے مہران ہاسٹل وچ داخل ہو کے پنجابی طلباء دے کمریاں نوں باہروں کنڈیاں لا دتیاں۔ اوہ کمرہ نمبر 8 ول ودھے جتھے ڈاکٹر نذیر قریشی مقیم سن۔
حملہ آوراں وچ ڈاکٹر قادر مگسی تے ہندو ڈاکٹر جیوت رام سرفہرست سن۔ اوہناں نے کھڑکی توں فائر کیتا جیہڑا ڈاکٹر نذیر دے موڈھے تے لگا۔ دہشت گرد کمرے دے اندر وڑن وچ کامیاب
*میاں امجد*
وائس چیئرمین
پنجاب لوک راج پارٹی
゚
