WAPDA / MEPCO Information واپڈا کوٹ ادو

28/08/2023

بطور ڈاکٹر واپڈا ملازمین کا دکھ۔۔۔

پاکستان میں صحت کے نظام کی خرابی کا زمہ دار مجھے(ڈاکٹر) کو مانا جاتا ھے حالانکہ میں اس سارے نظام کا مظلوم ترین طبقہ ھوں جس کو فرنٹ فٹ پر رکھا جاتا ھے

صحت کا کم بجٹ حکومت مختص کرتی ھے
پالیسی بیوروکریسی بناتی ھے
ہسپتالوں میں ادویات کی فراہمی حکومت کی زمہ داری ھے
انتظامی کوتاہیوں کا زمہ دار ایم ایس /پر نسپل صاحبان ہیں

عوام کو 24/7 کیونکہ ہسپتال میں میں میسر تو وہ وہیل چیئرز کی عدم دستیابی،پرچی کاؤنٹر پر لمبی لائن کا غصہ،ادویات اور لیبارٹری ٹیسٹ کی عدم دستیابی،وارڈ بوائے یا سٹاف یا نرسز کی طرف سے بحث ، سب کا قصور وار مجھے کہا جاتا ھے کیونکہ ان کے سامنے میسر ہیں حالانکہ میرا کام صرف مریض کا چیک اپ کرنا اس کی تشخیص کے مطابق ادویات لکھنا ھے
باقی سارے کام انتظامیہ کے وہیل چیئرز ،پرچی کاؤنٹر پر لمبی لائن کا زمہ دار ایم ایس ادویات مہیا کرنا ایم ایس اور ہسپتال فارماسسٹ کا کام ادویات مریضوں کو لگانا سٹاف نرسز کام اور ہسپتال عملہ کےلئے ان کا الگ سپروائزر ھوتے جس کا مجھ سے کچھ لینا دینا نہی اور نا میرا کوئی سروکار ان سب سے مگر مار مجھے پڑتی،گریبان میرا پکڑا جاتا،بدتمیزی مجھ سے کی جاتی کیونکہ میں فرنٹ فٹ پر آسان ٹارگٹ

اسی طرح واپڈا کے ملازمین کا واپڈا کی پالیسیوں سے کچھ بھی لینا دینا نہی
پالیسی بناتے سیکرٹری،منسٹری چئیرمین واپڈا،بجلی ساز کمپنیاں قیمت کا تعین بھی یہ سب کرتے اور مار کھا رہے فرنٹ فٹ پر موجود لائن مین جن کا اس سارے پراسیس میں کوئی بھی قصور نہی
کیا اس ساری مہنگائی،خراب معاشی صورتحال ملک میں بد امنی کے زمہ دار یہ واپڈا ملازمین ہیں جن پر عوام فرسٹریشن نکال رہی ھے۔۔۔

ہر ادارہ اپنے ملازمین کو کچھ نا کچھ سہولت دیتا ھے بجلی کے مفت یونیٹس صرف واپڈا ملازمین کو نہی ملتے بہت سی سفید ہاتھی واپڈا ملازمین کے علاوہ بجلی کے مفت یونٹس یا پھر اس کی مد میں پیسے وصول کررہے۔۔۔

خدارا اپنی فرسٹریشن اپنی ہی طرح کے مڈل کلاس سے تعلق رکھنے والے ملازمین پر نا نکالیں۔۔۔۔۔

ڈاکٹر عاقب جاوید ملغانی
سرکاری نوکر۔۔

27/08/2023

چند غلط فہمیاں
کیا واپڈا ایمپائز کو ملنے والے یونٹس واقعی قوم پہ بوجھ ہیں؟
دنیا بھر میں تمام بڑی عالمی کمپنیاں اپنے ملازمین کو ان اپنی مصنوعات مفت یا کم ریٹ پر فروخت کرتی ہیں۔
ایپل کے ملازمین اکثر ایپل کی مصنوعات پر رعایت حاصل کرتے ہیں، بشمول آئی فونز، میک بکس اور دیگر آلات۔ گوگل کے ملازمین کو گوگل ہارڈویئر پروڈکٹس جیسے پکسل فونز اور گوگل نیسٹ ڈیوائسز پر رعایت حاصل کرنے کے لیے جانا جاتا ہے۔ اسی طرح مائیکروسافٹ کے ملازمین کو ونڈوز اور آفس سافٹ ویئر، ایکس بکس کنسولز، اور مزید بہت سی مصنوعات پر رعایت ملتی ہے۔ اس کے علاوہ بھی اگر آپ نظر دوڈائیں ٹیسلا سٹاربکس نائیکی کے ملازمین کو نائیکی، کوکا کولا سامسنگ والمارٹ سمیت دنیا کی تمام اچھی کمپنیاں اپنے ملازمین کو اپنی پراڈکٹس مفت یا رعایتی قیمت پر فراہم کرتی ہیں۔ یہ چند ایک بین الاقوامی مثالیں تھیں اب آجائیں پاکستان کی طرف۔ ہمارے ہاں بھی اسی اصول کے تحت ہر سرکاری اور غیر سرکاری ادارہ اپنے ملازمین کو اپنی مصنوعات یا خدمات رعایتی قیمت پر فراہم کرتا ہے۔ زیادہ دور نہیں آپ اپنے علاقے کے کسی قریب ترین سٹور کا وزٹ کریں وہاں کے ملازمین کو ایک خاص شرح سے زاتی شاپنگ پہ ڈسکاؤنٹ دیا جاتا ہے۔ ایک گھی مل کے ملازم سے پتہ کریں اسے ماہانہ طور پہ گھی کا کین مفت ملتا ہوگا۔ ایسے ہی مثال صابن یا کپڑا بنانے والی فیکٹری کی ہے۔ ایک کرکٹر کو ہر میچ کے درجنوں فری پاس ملتے ہیں۔ ریلوے ملازمین کو ریلوے پاس، پی آئی اے ملازمین کو فری ائر ٹکٹس، بنک ملازمین کو آسان شرح سود پر گھر یا گاڑی کے لئے قرض کی سہولت ملتی ہے۔ یہاں تک کے ایک استاد کو گرمیوں اور سردیوں کی چھٹیوں کے نام پہ تو کبھی وبائی، یا لوکل ہالیڈیز کے نام سے کل ملا کر کئی ماہ کی چھٹیاں سال میں ملتی ہیں اور کچھ سکولوں میں ان کے بچوں کو فری تعلیم کی سہولت الگ سے ہے۔ یہ سب کچھ کیا ثابت کرتا ہے۔ ظاہر ہے اگر ایک ادارہ اپنی مصنوعات یا خدمات سے اگر اپنے ملازمین کو محروم رکھے گا تو اس سے اس کے ملازمین میں ادارے کی عزت میں کمی آئیگی اور دوسرا ناجائز طریقے سے ان چیزوں کو حاصل کرنے کے جذبات بھی بڑھتے ہیں۔ اسی چیز کو مدنظر رکھتے ہوئے ہر ادارہ اپنے ملازمین کو ان کا حوصلہ بلند کرنے کے لئے اس قسم کی نوازشات کرتا ہے۔ اب آجائیں واپڈا ملازمین کی طرف۔ گوکہ واپڈا بھی دیگر سرکاری اداروں کی طرف کرپشن سے پاک نہیں شائد رینک کیا جائے تو پہلے پانچ اداروں میں کرپشن میں ضرور شامل ہوگا۔ لیکن یہ کہنا کہ واپڈا ملازمین کے فری یونٹس (جو کہ حقیقت میں پیڈ یونٹس ہوتے ہیں) ختم کرنے سے عوام کو کوئی ریلیف مل جایئگا یہ سراسر غلط کانسیپٹ ہے۔ اول تو یہ یونٹس اوپربیان کئے گئے اصول کے مطابق دیئے جارہے ہیں۔ دوسرا یہ کہ واپڈا ملازمین کو دیگر اداروں کے ملازمین کی طرح یوٹیلیٹی الاونس نہیں ملتا جو کہ یونٹس بند کرنے کی صورت میں ادارے کو دینا پڑ جائے گا۔ اس صورت میں کرپشن الٹا زیادہ ہوجائیگی۔ ایک طرف ملازم کو یوٹیلیٹی الاونس مل رہا ہوگا دوسری طرف وہ بجلی میں کرپشن شروع کردیگا جو کہ اس کے لئے زیادہ مشکل نہیں ہوگا۔
مسئلے کا حل واپڈا ملازمین کے فری یونٹس نہیں بلکہ واپڈا میں ہونیوالی کرپشن ہے اور اس سے بھی بڑھ کر حکومت کی بجلی کے بلوں کے زریعے غیرضروری ٹیکسز لگا کر، آئی ایم ایف معاہدے کے نام پر بجلی کی قیمت بڑھا کر اپنا خزانہ بھرنے کی عادت ہے۔ کیونکہ حکومت کو اپنا خزانہ بھرنے کا سب سے آسان طریقہ یہی نظر آتا ہے۔ کسی بھی قسم کا ٹیکس کا بوجھ عوام پہ ڈالنا ہو تو حکومت کو اسے وصول کرنے کا سب سے آسان حل بجلی کے بل نظر آتے ہیں۔ ایکسٹرا ٹیکس، فرار ٹیکس، انکم ٹیکس، ریٹیلر ٹیکس، اور پی ٹی وی فی جیسی وصولیاں یقین جانیں ان کا بجلی کے بل سے دور دور تک واسطہ نہیں۔ یہاں تک کہ پی ٹی وی جس کی اپنی کوئی کمائی نہیں وہ تو چل ہی واپڈا کے بل پر رہا ہے۔ ان سب کو بجلی کے بلوں سے نکلوانا عوام کا حق بنتا ہے۔
مگرعوام کو بلاوجہ کے واپڈا ملازمین کے فری یونٹس بند کرنے جیسے ٹرینڈز بنا کر حکومت اپنی طرف سے توجہ ہٹوارہی ہے۔
ہونا یہ چاہیے کہ عوام حکومت کے ظالمانہ اقدامات کا بائیکاٹ کریں، بڑھتی پیٹرول اور بجلی کی قیمتوں میں اضافے کے خلاف متعلقہ احکامات صادرکرنیوالوں کا گھیراو کریں۔ لیکن واپڈا کے غریب ملازمین کے پیچھے لگا کر عوام کو بیوقوف بنایا گیاہے۔ اگر یہ اصول بنانا ہے تو ہر محکمے کے ملازمین کو اس محکمے سے ملنے والے فائدے کو ختم کرنا ہوگا۔ سب سے بڑھ کر ان لوگوں کے یونٹس اود دیگر مراعات کو ختم کرنا ہوگا جو ان اداروں میں کام بھی نہیں کرتے جیسے کہ ججز، بیوروکریٹس، ممبرپارلیمنٹس اور۔۔ جو سب سے نیک ہیں ان کے۔
زرا سوچئے گا ضرور

26/08/2023

26/08/2023

واپڈا کے بل کے ذریعے سے گورنمنٹ درج ذیل ٹیکس وصول کرتی ھے۔

26/08/2023

میٹر ریڈر کے ساتھ فیلڈ میں ڈیٹ کے ایشو پر لڑائی جھگڑا کرنے والے والوں پر ایف ائی ار درج کروا دی گئی کوئی بھی شخص جو کسی بھی واپڈا ملازم کے ساتھ فیلڈ میں غیر مناسب گفتگو ،تنگ یا لڑائی جھگڑا کرنے کی کوشش کرے گا اس کے خلاف محکمہ کار سرکار میں مداخلت کی ایف ائی ار درج کروائے گا سوشل میڈیا پر کچھ لوگ سوچی سمجھی سازش کے تحت لوگوں کو اشتعال دے رہے ہیں لہذا ان کی باتوں میں نہ آئیں ورنہ بعد میں جب آپ کے خلاف قانونی کارروائی ہونی ہے تو کسی نے بھی آپ کی مدد کو نہ آنا ہے لہذا کسی کو بھی بل کی ڈیٹ یا بل جمع نہ کروانے کا مسئلہ ہو تو وہ دفتر میں ا کر بات کرے کسی بھی ملازم کو فیلڈ میں تنگ کرنے کا کسی کو بھی حق حاصل نہ ہے اور جو ایسا کرے گا اس کے خلاف اسی طرح ایف ائی ار درج کروائی جائے گی شکریہ..

26/02/2023

برائے مہربانی اپنے بل بجلی وقت پر ادا کر دیں۔ شکریہ

23/01/2023

یاد رہے کوئلے اور نیوکلیر پاور پلانٹس کم ازکم دو سے تین دن بحال ہونے میں لگاتے ہیں۔ اسی دوران بجلی کے باقی پاور پلانٹس چلائے جا رہے ہیں جس میں فرنس آئل، گیس ، پانی سے چلنے والے پلانٹس سٹارٹ ہونا شروع ہو چکے ہیں۔ اگلے چند گھنٹوں میں انشاءاللہ مکمل سپلائی بحال ہو گی۔

29/03/2022

مورخہ 30/03 & 31/3 بروز بدھ اور جمعرات صبح 8 بجے سے شام 6 بجے تک کوٹ ادو، سنانواں اور چوک سرور شہید کی بجلی مکمل بند رہیگی

16/02/2022

فیلڈ وزٹ آف SE واپڈا

16/02/2022

کوٹ ادو اور گردو نواح کی بجلی 17/19/21 فروری کو 8:30 سے 2:30 بند رھیگی۔۔

16/02/2022

ملتان الیکٹرک پاور کمپنی(میپکو)
میپکوسرکل مظفرگڑھ
پریس ریلیز
نمبر394 بتاریخ:15-02-2022
مظفر گڑھ( )
میپکوترجمان سرکل مظفرگڑھ کے مطابق132کے وی گرڈاسٹیشن کوٹ ادو سے منسلک11کے وی فیڈرزٹیوب ویل نمبر01،ٹیوب ویل نمبر03،ٹیوب ویل نمبر04،ٹیوب ویل نمبر07،سنانواں،ڈی ڈی پناہ نمبر 01،کوٹ ادوسٹی،ٹی پی لنک8+9،ٹیوب ویل نمبر10،واپڈاکالونی پر17فروری کوباوقت صبح08.30سے دوپہر 02.30بجے تک اور11کے وی فیڈرزسٹی نمبر 01،سٹی نمبر02،کالج روڑپر19,17اور21فروری کوباوقت صبح10.00سے دوپہر02.00بجے تک اور132کے وی گرڈاسٹیشن جتوئی سے منسلک11کے وی فیڈرزرام پور،سیتھاری پر16فروری کوباوقت صبح 08.30سے دوپہر 02.30 بجے تک اور132کے وی گرڈاسٹیشن علی پورسے منسلک11کے وی فیڈرزسٹی نمبر02،فقیرشاہ،المنان گارڈن پر17فروری کو باوقت صبح08.30سے دوپہر02.30بجے تک اور132کے وی گرڈاسٹیشن خیرپورسادات سے منسلک 11کے وی فیڈرزخیرپورسادات،بستی بڈانی،سیت پورپر19فروری کو باوقت صبح08.30سے سہ پہر04.30بجے تک فیڈرز،گرڈاسٹیشنوں کی ضروری مرمت اور دیکھ بھال کے سلسلہ میں بجلی کی فراہمی بندرہے گی۔ان فیڈرزسے منسلک صارفین درج ذیل اوقات میں کوئی دوسرا مناسب انتظام کر لیں۔

شعبہ تعلقات عامہ میپکوسرکل مظفرگڑھ