18/07/2026
دخپلي خوښي شعر راته کمنټ کړي پکښې
ــــــــــــ—————————————
تېروتم د ښکلو په خندا باندې
ښه شوه چې د ښکلو د خندا شومه
(اجمل خټک)
نورو پسې تګ سړے خړ مخے کړي
ګرد د لارے ؤګوره د شپون په مخ
(صدیق پسرلے)
خلق وائي چې دوزخ شته پس له مرګه
په حیات صورت دوزخ نۀ دے فراق ستا ؟
(خوشحال خان خټک)
دا چې کانړي ټکوي په سره غرمه کښې
دا به وږے وي ماړۀ سوري ته ناست وي
(افګار بخاري)
زمونږ د شپې شوګیرې هسې عادت
ګنې زمونږه د راتلو څوک دي
(صاحب شاه صابر)
له وهلو به يې شرم څوک په څۀ کا
چې په غاړه شي د مینې ډول د چا
(عبدالحمید بابا)
بوراګان به چمن پرېږدي که خبر شول
چې له ګلو ښائسته مخونه هم شته
(طاهر کلاچوي)
ستا په هره اشاره باندې پوهېږي
ستا ساده "حمزه" د هر چا نه اوښیار دے
(حمزه بابا)
زۀ په ترخه خبره مرم "عمر دراز مروته"
زما د قتل ډېر سوچونه دې یاران نۀ کوي
(عمر دراز مروت)
"رحمان" خود پخپله ګرم یم چې مئین یم
ولې نور عالم مې بولي ګرم په څۀ ؟
(عبدالرحمان بابا)
افسوس چې ستا په خیال کښې څۀ ښکارمه
دغه ارمان به مې په زړۀ پاتې شي
(خاطر اپریدے)
لکه ګل د لاله داغ يې په زړۀ راکړو
د ځوانۍ دغه سپرلے دا يې احسان وو
(عبدالرحیم مجذوب)
داسې خاموشه سوزېدۀ هم مزه خپله لري
کوم کوم سړي ته به ته ماتو زړګو حال وایو
(ریاض تسنیم)
د هر پښتون بےننګي داسې "زیاره"
ما ځوروي لکه چې ما کړې وي
(ډاکټر خالق زیار)
ستا محبت داسې حالت ته رسولے یمه
خلق خو پرېږده اوس مې خپله ترس په ځان راشي
(تسکین مانیروال)
نوره ښه وي مجبوري "سرکۍ کماله"
خو حسین ته دې مجبور نۀ کړي خالق څوک
(سرکۍ کمال)
چې وخت راشي ښۀ زړۀ تش کړه "غني خانه"
څو د قهره به لړمون کښې پټ پټ سوځې
(غني خان بابا)
"سپرلي خېل" څۀ د سپلمکې لرګے نۀ یم
که ژوندون وۀ خامخا به دې په کار شم
(عصمت الله سپرلي خېل)
پرواه نه شته که دنیا راپورې خاندي
ماشوم نه یم چې نور ؤخاندي زۀ تنګ شم
(ملنګ جان)
ګلابي لیاړې توکمه ګوګل نیسم
پاس په زړۀ مې ستا د ظلم ازغے مات شو
(منتظر بیټنے)
بے له دې چې رنځورانو ته ښکنځل کړې
هر ستم مې نور منلے دے په سر ستا
(قلندر اپریدے)
قیمتي دُر ئې راله راکړو ما پرې اور پورې کړو .
ځواني ئې هغه وخت کې راکړه چې لا پوهه نه ووم!
( روغانے بابا )
ما په دار کړې چې منصور خلقو ته یاد شې
مودې وشوې څوک په دار نه دې ختلې
(سیف الرحمن سلیم)
د چا په زنه مې پخوا وه یو شېن خال لیدلې ۔
تر اوسه ګرانې دې په ما باندې مماڼې ډیرې۔
(استاد خېبر اپریدې)
