Deputy Commissioner Khushab

05/09/2026

🌿 ستھرا پنجاب، صاف خوشاب 🌿

ضلع خوشاب میں صفائی ستھرائی سے متعلق تازہ ترین معلومات، سرگرمیوں اور شکایات کے بروقت ازالے کے لیے ستھرا پنجاب خوشاب کے آفیشل فیس بک پیج کو فالو کریں اور پیج کا حصہ بنیں۔

📲 فالو کریں، اپڈیٹس حاصل کریں اور اپنی شکایات درج کروائیں۔

صاف خوشاب — ہماری مشترکہ ذمہ داری 🇵🇰

Government organization

03/09/2026

کمشنر سرگودھا ڈویژن حافظ شوکت علی نے ڈپٹی کمشنر خوشاب ڈاکٹر جہانزیب حسین لابر کے ہمراہ ٹی ایچ کیو ہسپتال نورپور کا دورہ کیا۔ اس موقع پر اسسٹنٹ کمشنر نورپور شازیہ رحمان، میڈیکل سپرنٹنڈنٹ ٹی ایچ کیو ہسپتال نورپور امیر عمر، ڈاکٹرز، نرسنگ سٹاف اور دیگر متعلقہ اہلکار بھی موجود تھے۔ کمشنر سرگودھا ڈویژن کو ہسپتال میں مریضوں کو فراہم کی جانے والی ادویات، طبی سہولیات اور دیگر علاج معالجے کی خدمات کے بارے میں تفصیلی بریفنگ دی گئی۔ کمشنر نے ہسپتال کے ایمرجنسی، میل و فی میل وارڈز، گائنی وارڈ، فارمیسی، ریسپشن کاؤنٹر، لیبارٹری سمیت مختلف شعبہ جات کا معائنہ کیا اور مریضوں کو فراہم کی جانے والی طبی سہولیات کا جائزہ لیا۔ کمشنر حافظ شوکت علی نے ہسپتال میں ڈاکٹرز اور نرسنگ سٹاف کی حاضری بھی چیک کی اور طبی عملے کو مریضوں کی دیکھ بھال میں مزید بہتری لانے کی ہدایت کی۔ اس موقع پر کمشنر سرگودھا ڈویژن حافظ شوکت علی نے کہا کہ وزیراعلیٰ پنجاب مریم نواز شریف کے فری میڈیسن ویژن کو ہر صورت عملی جامہ پہنایا جائے۔ ہسپتال آنے والے مریضوں کو معیاری، بروقت اور مؤثر طبی سہولیات کی فراہمی حکومت پنجاب کی اولین ترجیح ہے۔ کمشنر نے ٹی ایچ کیو ہسپتال نورپور میں صفائی کے انتظامات کا بھی جائزہ لیا اور ایم ایس کو ہدایت کی کہ ہسپتال میں صفائی کے انتظامات کو مزید بہتر بنانے کے لیے مؤثر اقدامات کیے جائیں۔ انہوں نے کہا کہ مریضوں کو علاج معالجے کی بہترین سہولیات کی فراہمی کے ساتھ ہسپتال کے انتظامی امور میں بھی مزید بہتری یقینی بنائی جائے۔ بعد ازاں کمشنر سرگودھا ڈویژن حافظ شوکت علی نے ڈپٹی کمشنر خوشاب ڈاکٹر جہانزیب حسین لابر کے ہمراہ اسسٹنٹ کمشنر آفس نورپور تھل کا بھی دورہ کیا۔ اس موقع پر اسسٹنٹ کمشنر نورپور شازیہ رحمان نے کمشنر سرگودھا ڈویژن کو تحصیل نورپور تھل کے انتظامی امور، جاری ترقیاتی و دیگر سرکاری سرگرمیوں کے بارے میں تفصیلی بریفنگ دی۔ کمشنر سرگودھا ڈویژن حافظ شوکت علی نے متعلقہ افسران کو ہدایت کی کہ عوام کو سرکاری خدمات کی فراہمی میں مزید بہتری لائی جائے اور حکومتی پالیسیوں و اقدامات پر مؤثر انداز میں عملدرآمد یقینی بنایا جائے۔

03/09/2026

ڈپٹی کمشنر خوشاب ڈاکٹر جہانزیب حسین لابر نے تحصیل نورپور تھل کا دورہ کیا اور مختلف جاری ترقیاتی سکیموں پر کام کی رفتار اور پیش رفت کا تفصیلی جائزہ لیا۔ اس موقع پر ڈپٹی ایکسیئن ہائی وے محمد ذیشان اور ڈپٹی ڈائریکٹر ڈویلپمنٹ سہیل سکندر رانجھا بھی ان کے ہمراہ تھے۔

ڈپٹی کمشنر کو ایکسیئن ہائی وے اور ڈپٹی ڈائریکٹر ڈویلپمنٹ نے تحصیل نورپور تھل میں جاری ترقیاتی منصوبوں، مکمل اور زیر تکمیل سکیموں پر ہونے والے کام کے حوالے سے تفصیلی بریفنگ دی۔ اس دوران مختلف منصوبوں کی پیش رفت، معیار اور تکمیل کے مراحل کا جائزہ لیا گیا۔

ڈپٹی کمشنر ڈاکٹر جہانزیب حسین لابر نے متعلقہ افسران کو ہدایت کی کہ وزیراعلیٰ پنجاب کی جانب سے ضلع خوشاب بالخصوص تحصیل نورپور تھل کے ترقیاتی منصوبوں کے لیے فراہم کردہ خطیر فنڈز کے استعمال میں مکمل شفافیت یقینی بنائی جائے اور ایک ایک پائی کا مؤثر چیک اینڈ بیلنس رکھا جائے۔

انہوں نے کہا کہ جاری ترقیاتی منصوبوں میں استعمال ہونے والے تعمیراتی میٹریل کے معیار اور کوالٹی پر کسی قسم کا سمجھوتہ نہیں کیا جائے گا۔ ترقیاتی کاموں کی مقررہ معیار اور سپیسیفکیشن کے مطابق تکمیل کو ہر صورت یقینی بنایا جائے، جبکہ ناقص میٹریل کے استعمال کی صورت میں ذمہ داران کے خلاف کارروائی عمل میں لائی جائے گی۔

ڈپٹی کمشنر نے مزید ہدایت کی کہ ترقیاتی منصوبوں کی مانیٹرنگ کا عمل مؤثر بنایا جائے اور تمام سکیموں پر کام کی رفتار کو مقررہ مدت کے اندر یقینی بنایا جائے تاکہ عوام کو ان منصوبوں کے ثمرات جلد از جلد حاصل ہو سکیں۔

بعد ازاں ڈپٹی کمشنر خوشاب ڈاکٹر جہانزیب حسین لابر نے رنگپور بائی پاس روڈ نورپور کا بھی دورہ کیا اور منصوبے پر جاری کام کا معائنہ کیا۔

02/09/2026

ٹریکٹر ٹرالی پر مقررہ حد سے زائد وزن لادنا سنگین جرم ہے!
اوور لوڈ مال بردار گاڑیاں حادثات اور قیمتی انسانی جانوں کے ضیاع کا باعث بنتی ہیں۔ چند روپے کا منافع، انسانی جان سے بڑھ کر نہیں۔ ذمہ دار شہری بنیں، اوور لوڈنگ سے گریز کریں!

02/09/2026

وزیر اعلی پنجاب مریم نواز شریف کی اوپن ڈور پالیسی کے تحت ڈپٹی کمشنر خوشاب ڈاکٹر جہانزیب حُسین لابر نے شہریوں کے مسائل سُنے اور شہریوں کے مسائل کے فوری حل کے لئے متعلقہ محکموں کو احکامات صادر کیے اس موقع پردرخواست گزار سائلین موجود تھے ڈپٹی کمشنر خوشاب ڈاکٹرجہانزیب حُسین لابر نے کہا کہ ڈی سی آفس کے دروازے ہر خاص و عام کے لیے ہمیشہ کھلے ہیں، شہری بلا جھجک اپنے مسائل بیان کریں اور سائلین کے مسائل ترجیحی بنیادوں پر حل کرنا ہماری اولین ذمہ داری ہے۔ ڈپٹی کمشنر خوشاب ڈاکٹر جہانزیب حُسین لابر نے اسسٹنٹ کمشنر خوشاب اور متعلقہ محکموں کے افسران کو ہدایت کی کہ شہریوں کے مسائل کے حل میں رکاوٹ کسی صورت برداشت نہیں کی جائے گی، ڈپٹی کمشنر آفس میں آنے والے سائلین کے مسائل ڈپٹی کمشنر خوشاب ڈاکٹر جہانزیب حُسین لابر نے خود سُنے، انہوں نے کہاکہ روزانہ کی بنیاد پر شہریوں کے مسائل سُنے جاتے ہیں ۔ انہوں نےمتعلقہ محکموں کے افسران کو ہدایت کہ سائلین کی طرف سے دی گئی درخواستوں پر عملدرآمد کی رپورٹ پیش کی جائے شہریوں کے مسائل کا حل اولین ترجیح ہے نیز محک موں میں غفلت ،سُستی و کوتاہی کسی صورت برداشت نہیں کی گئی تمام محکمے اپنی ڈیوٹی عوامی خدمت میں فرض سمجھ کر نبھائیں.

26/08/2026

جشنِ عید میلاد النبی ﷺ کے موقع پر ضلع خوشاب میں مذہبی جوش و جذبے سے جلوسوں اور محافلِ میلاد کا انعقاد
ڈپٹی کمشنر خوشاب ڈاکٹر جہانزیب حسین لابر اور ضلعی انتظامیہ خوشاب کے زیرِ انتظام جشنِ عید میلاد النبی ﷺ کے پُرمسرت اور بابرکت موقع پر ضلع بھر میں جلوسوں اور محافلِ میلاد النبی ﷺ کا اہتمام کیا گیا۔
اس موقع پر عاشقانِ رسول ﷺ نے نبی کریم حضرت محمد مصطفیٰ ﷺ سے اپنی والہانہ محبت و عقیدت کا اظہار کیا۔ ضلع بھر میں محافلِ میلاد، درود و سلام اور نعت خوانی کی روح پرور تقریبات کا انعقاد کیا گیا، جبکہ جلوسوں میں شہریوں کی بڑی تعداد نے شرکت کی۔
ضلعی انتظامیہ کی جانب سے جلوسوں اور محافل کے دوران سکیورٹی، صفائی ستھرائی، ٹریفک اور دیگر انتظامات کو یقینی بنانے کے لیے خصوصی اقدامات کیے گئے۔
آئیے! اس بابرکت موقع پر ہم سب سیرتِ طیبہ ﷺ سے رہنمائی حاصل کرتے ہوئے محبت، امن، بھائی چارے اور اخوت کے پیغام کو عام کرنے کا عہد کریں۔

26/08/2026

🌙 عید میلاد النبی ﷺ — جوہرآباد

ڈپٹی کمشنر خوشاب ڈاکٹر جہانزیب حسین لابر کی ہدایات پر میونسپل کمیٹی جوہرآباد کی جانب سے عید میلاد النبی ﷺ کے موقع پر مین بازار میں خصوصی چراغاں، نیون سائنز اور خوبصورت روشنیوں سے سجاوٹ کی گئی، جس سے بازار کو ایک دلکش اور پُرنور منظر دیا گیا۔

25/08/2026

جشنِ عید میلاد النبی ﷺ کے بابرکت موقع پر وزیراعلیٰ پنجاب محترمہ مریم نواز شریف کی خصوصی ہدایات کے مطابق، ڈپٹی کمشنر خوشاب ڈاکٹر جہانزیب حسین لابر کی زیرِ نگرانی ضلع بھر میں جشنِ عید میلاد النبی ﷺ کی مناسبت سے خصوصی انتظامات کیے گئے۔
اس سلسلے میں جوہرآباد اور خوشاب کے بازاروں، اہم شاہراہوں اور سرکاری عمارتوں کو نہایت خوبصورتی سے سجایا گیا ہے۔ شہر بھر میں چراغاں، آرائشی جھنڈیوں اور خوبصورت سجاوٹ کے ذریعے عشقِ رسول ﷺ اور خوشی و عقیدت کے جذبات کو اجاگر کیا جا رہا ہے۔
جشنِ عید میلاد النبی ﷺ کے اس بابرکت موقع پر ضلعی انتظامیہ خوشاب عوام کے لیے پُرامن، صاف ستھرا اور خوبصورت ماحول فراہم کرنے کے لیے بھرپور اقدامات کر رہی ہے۔
🌸 لبیک یا رسول اللہ ﷺ 🌸

22/08/2026

تعلیمی میدان میں شاندار کارکردگی پر طلبہ و اساتذہ کی بھرپور حوصلہ افزائی
ضلع خوشاب میں میٹرک کے امتحانات میں شاندار کامیابی حاصل کرنے والے ہونہار طلبہ و طالبات اور ان کی کامیابی میں اہم کردار ادا کرنے والے اساتذہ کی حوصلہ افزائی کے لیے ایک پروقار تقریب کا انعقاد کیا گیا۔
تقریب کے مہمانانِ خصوصی ڈپٹی کمشنر خوشاب ڈاکٹر جہانزیب حسین لابر اور رکن قومی اسمبلی ملک شاکر بشیر اعوان تھے۔ تقریب کے دوران نمایاں کارکردگی کا مظاہرہ کرنے والے طلبہ و طالبات اور اساتذہ میں انعامات، تعریفی اسناد اور دیگر اعزازات تقسیم کیے گئے۔
تقریب میں
CEO DEA، DEO (SE)، DEO (EE-W)، DEO (EE-M) سمیت محکمہ تعلیم کے دیگر افسران، سربراہانِ ادارہ جات اور اساتذہ کی بڑی تعداد نے شرکت کی۔
اس موقع پر مقررین نے طلبہ کی محنت، اساتذہ کی لگن اور تعلیمی اداروں کی کاوشوں کو سراہتے ہوئے کہا کہ تعلیم ہی روشن اور ترقی یافتہ معاشرے کی بنیاد ہے۔ نمایاں کارکردگی دکھانے والے طلبہ و اساتذہ کی حوصلہ افزائی نہ صرف ان کی صلاحیتوں کو اجاگر کرتی ہے بلکہ دیگر طلبہ کو بھی محنت، لگن اور بہترین کارکردگی کے لیے تحریک دیتی ہے۔
ضلع خوشاب کے ہونہار طلبہ و طالبات اور محنتی اساتذہ کو شاندار کامیابی پر دلی مبارکباد! 🌟📚🏆