ایم ڈبلیو ایم ضلع کھرمنگ - آفیشل

26/05/2026

انا للہ وانا الیہ راجعون
قائد ملت جعفریہ علامہ سید ساجد علی نقوی حفظہ اللہ کی زوجہ محترمہ کے انتقال پر مجلس وحدت مسلمین ضلع کھرمنگ کی جانب سے تعزیت وتسلیت پیش کرتے ہیں
شریک غم :-شیخ جعفر علی دانش صدر مجلس وحدت مسلمین کھرمنگ

09/05/2026

*کھرمنگ کی غیرت کا سودا یا سیاسی غلامی؟*
کھرمنگ کی نشست کے حوالے سے گردش کرنے والی خبریں اور مخصوص حلقوں کے دعوے دراصل عوامی مینڈیٹ کی تذلیل ہیں۔ حیرت ہے ان لوگوں پر جو آج ووٹ مانگنے نکلے ہیں مگر ان کا دامن اس جماعت سے بندھا ہے جس نے انسانیت کے قاتل کو *امن کا سفیر* قرار دیا اور رہبر معظم کے *قاتل* کو سلام پیش کیا۔
تعجب تو اس بات پر ہے کہ ایک طرف پوری قوم کا یہ متفقہ مطالبہ ہے کہ اس *نام نہاد پیس بورڈ* سے فوری دستبرداری اختیار کی جائے جو قاتلوں کے ہاتھ مضبوط کرتا ہے مگر دوسری طرف یہ جماعت اب تک اس باطل بیانیے سے علیحدگی اختیار کرنے میں ناکام رہی ہے۔ جب آپ کا جھنڈا اور آپ کی جماعت ایسے داغدار فیصلوں پر قائم ہو تو اس ٹکٹ پر الیکشن لڑنے والا نمائندہ خود کو اس اخلاقی بوجھ سے کیسے الگ کر سکتا ہے؟
ہمارا مخلصانہ مشورہ ہے کہ آپ ہمارے اپنے بھائی ہیں لیکن چند سیاسی مفادات یا کرسی کی خاطر اپنا دامن کیوں داغدار کر رہے ہیں؟
جس جماعت کا نظریہ ہی عوامی امنگوں کے خلاف ہو اس کے سائے میں بیٹھ کر آپ کھرمنگ کے عوام کی حقیقی نمائندگی کا حق کبھی ادا نہیں کر سکتے۔
یاد رکھیں کرسی عارضی ہے مگر ضمیر کا داغ دائمی ہوتا ہے۔
میں کھرمنگ اور الدینگ کے غیرت مند عوام الناس سے سوال کرتا ہوں کیا ان تمام حقائق کے باوجود آپ ایسے نمائندوں کو جتا کر ان کے ہاتھ مضبوط کریں گے؟
کیا یہ اخلاقی طور پر درست ہے کہ ہم مظلومیت کا نام بھی لیں اور ان کا ساتھ بھی دیں جن کا جھنڈا داغدار ہے؟
کیا آپ کھرمنگ کی غیرت کو ایک داغدار بیانیے کے سپرد کریں گے یا حق کا علم بلند کریں گے؟
جس جماعت نے قاتلوں کو سلام کیا اور نام نہاد پیس بورڈ سے علیحدگی اختیار نہ کی وہ کھرمنگ کے ووٹ کی حقدار کیسے ہو سکتا ہے؟ لہذا کھرمنگ کا فیصلہ عوام کریں گے کوئی سیاسی جتھہ نہیں۔

09/05/2026

08/05/2026

حیدری ہاؤس پاری کھرمنگ
اراکین کابینہ مجلس وحدت مسلمین ضلع کھرمنگ کے پہلے باضابطہ اجلاس کے بعد گروپ فوٹو
7-5-2026

07/05/2026

کراچی

مجاہد ملت ، گلگت بلتستان عوام کی توانا آواز آغا سید علی رضوی کی تیمارداری کیلئے علامہ سید راحت حسین الحسینی، جناب علامہ شیخ مرزا یوسف حسین کے ہمراہ حاضر ہوئے۔ ملاقات میں گلگت بلتستان کے معروضی حالات اور باہمی دلچپسی کے امور پر گفتگو۔

شب جمعہ شب استجابت دعا، بتوسل غریب طوس مولا امام علی ابن موسیٰ الرضا علیہ السلام ، مجاہد ملت آغا علی رضوی کو شفائے عاجلہ و کاملہ عطا فرمائے آمین 🤲🏻۔

مجلس وحدت مسلمین کھرمنگ ۔

07/05/2026

کراچی پاکستان ۔۔۔

مجلس وحدت مسلمین ، آئی ایس او ، تحریک بیداری امت مصطفیٰ ، امامیہ آرگنائزیشن ، ہئیت آئمہ امامیہ کے مشترکہ پلیٹ فارم سے چہلم رہبر انقلاب کے سلسلے میں عظیم اجتماع۔

سینیئر علامہ راجہ ناصر عباس جعفری ، علامہ سید جواد نقوی ، علامہ راحت حسین الحسینی و دیگر علمائے کرام کا خطاب

رہبر انقلاب کی شہادت سے انکا مشن رکنے والا نہیں ، بلکہ مزید تابناکی کیساتھ عالمی منظرنامے میں روشناس ہوا۔ دنیا کے کونے کونے میں راہ حسینی کے پیروکاروں کی عظمت اور بزرگی کا چرچا ہوا ۔ شہید رہبر نے اپنے خون سے کربلا کے عظیم درس کو تابندہ کردیا۔ جرات و حریت کا عظیم درس جو سید شہداء علیہ السلام نے کربلا میں دیا تھا، وہ وقت کے یزید امریکا و اسرائیل کو رسوا کرنے کیلئے رہبر عظیم نے اجاگر کیا۔ تفرقہ ڈالنے والوں کو مایوس کرکے یکجہتی اتحاد کی جتنی ضرورت آج ہے اب سے پہلے کبھی نہیں تھی۔ آبنائے ہرمز میں امریکی تکبر اور غرور کو دفن کردیا گیا۔ مقررین

06/05/2026

طورغون کھرمنگ : مردم خیز سرزمین طورغون پائین کے نامورخاندان ترانگپہ پا کے بااثر شخصیات جناب حاجی فداحسین ولدحاجی مرزا اورحاجی فداحسین ولد حاجی غلام حیدر ترانگپہ پا نے اپنی فیملیز سمیت مجلس وحدت مسلمین میں شمولیت اختیار کرلئے۔ صوبائی نائب صدر و سابق پارلیمانی سکریٹری جناب شیخ اکبر علی رجائی کیساتھ ملاقات میں شمولیت کا اعلان۔ مجلس وحدت مسلمین نئے شامل ہونے والے معززین کا متحرک و عوامی امنگوں کی ہمہ وقت ترجمانی کرنے والی ملی و قومی جماعت میں خیر مقدم کرتی ہے۔

میڈیا ٹیم مجلس وحدت مسلمین ، ضلع کھرمنگ

06/05/2026

مجاہد ملت آغا علی رضوی کے معتمد خاص ،متفقہ امیدوار مجلس وحدت مسلمین کھرمنگ قبلہ شیخ اکبر علی رجائی کو اپنا قیمتی ووٹ دے کر اقدار اور خدمت کی سیاست کرنے کا موقع فراہم کریں۔۔
شیخ جعفر علی دانش صدرمجلس وحدت مسلمین ضلع کھرمنگ