Assistant Commissioner Khaplu

08/09/2026

لوکل گورنمنٹ انتخابات: اسسٹنٹ کمشنر کی تربیتی عملہ سے ملاقات

اسسٹنٹ کمشنر خپلو ڈاکٹر وجاہت سلیم نے گلگت بلتستان الیکشن کمیشن کی جانب سے لوکل گورنمنٹ انتخابات کے حوالے سے تربیت کے لیے آئے ہوئے اسٹاف سے ملاقات کی۔ ملاقات میں انتخابات کے حوالے سے تربیتی امور، انتظامی معاملات اور انتخابی عمل کو شفاف و منظم انداز میں مکمل کرنے سے متعلق مختلف امور پر گفتگو کی گئی۔ اسسٹنٹ کمشنر نے تربیتی عملہ کو مکمل تعاون کی یقین دہانی کراتے ہوئے کہا کہ لوکل گورنمنٹ انتخابات کے عمل کو قانون و ضابطے کے مطابق یقینی بنایا جائے گا

08/09/2026

اسسٹنٹ کمشنر ہیڈ کواٹر ڈاکٹر وجاہت سلیم کی جانب سے ریونیو کیسز کی باقاعدگی کے ساتھ سماعت کا آغاز کر دیا گیا ہے۔ سماعت کے دوران فریقین کا مؤقف اور متعلقہ ریکارڈ کا جائزہ لیا جائے گا، جبکہ تمام کیسز کے فیصلے قانون اور انصاف کے تقاضوں کے مطابق کیے جائیں گے

07/09/2026

06/09/2026

6ستمبر: یومِ دفاع پاکستان کے موقع پر اسسٹنٹ کمشنر ڈاکٹر وجاہت سلیم نے وطن عزیز کے لیے اپنی جانوں کا نذرانہ پیش کرنے والے شہداء کے گھروں کا دورہ کیا۔ اس موقع پر انہوں نے شہداء کے اہل خانہ سے ملاقات کی اور ان کے ساتھ اظہارِ یکجہتی کیا۔

اسسٹنٹ کمشنر نے شہداء کی درجات کی بلندی کے لیے فاتحہ خوانی کی اور ملکی دفاع و سلامتی کے ان کی لازوال قربانیوں کو خراجِ عقیدت پیش کیا۔ انہوں نے کہا کہ شہداء قوم کا قیمتی اثاثہ ہیں، جن کی قربانیوں کی بدولت آج ہم آزاد اور محفوظ فضا میں زندگی بسر کر رہے ہیں۔

انہوں نے کہا کہ شہداء اور ان کے خاندانوں کی خدمات کو کبھی فراموش نہیں کیا جا سکتا۔ پوری قوم اپنے شہداء اور غازیوں کو سلام پیش کرتی ہے اور ان کی قربانیوں کو ہمیشہ یاد رکھا جائے گا۔

اس موقع پر اسسٹنٹ کمشنر نے شہداء کے اہل خانہ کے لیے نیک خواہشات کا اظہار کرتے ہوئے کہا کہ انتظامیہ شہداء کے خاندانوں کے ساتھ ہر ممکن تعاون جاری رکھے گی

04/09/2026

بازار میں ٹریفک ریگولیشن اور گاڑیوں کے کرایوں کے حوالے سے اہم اجلاس

گنگچھے (پ ر)اسسٹنٹ کمشنر خپلو ڈاکٹر وجاہت سلیم کی زیرِ صدارت بازار میں ٹریفک کے نظام کو بہتر بنانے، ٹریفک کی روانی یقینی بنانے اور گاڑیوں کے کرایوں کے حوالے سے ایک اہم اجلاس منعقد ہوا۔ اجلاس میں ایس ڈی پی او ہیڈکوارٹر، ٹریفک انچارج، انچارج ایکسائز، صدر بازار کمیٹی، ایس ایچ او سٹی اور چیف آفیسر میونسپل کمیٹی نے شرکت کی۔

اجلاس میں بازار میں ٹریفک کی روانی، غیر قانونی پارکنگ، تجاوزات، ٹریفک قوانین پر عملدرآمد اور شہریوں کو درپیش دیگر مسائل کا تفصیلی جائزہ لیا گیا۔ اس کے علاوہ پبلک ٹرانسپورٹ اور گاڑیوں کے کرایوں کے حوالے سے بھی تفصیلی غور و خوض کیا گیا تاکہ مسافروں سے مقررہ کرایوں کی وصولی یقینی بنائی جا سکے۔

اس موقع پر اسسٹنٹ کمشنر نے متعلقہ افسران کو ہدایت کی کہ بازار میں ٹریفک ریگولیشن کے لیے مؤثر اقدامات اٹھائے جائیں، غیر قانونی پارکنگ اور تجاوزات کے خاتمے کے لیے کارروائی عمل میں لائی جائے جبکہ پبلک ٹرانسپورٹ کے مقررہ کرایوں پر عملدرآمد کو بھی یقینی بنایا جائے۔

انہوں نے کہا کہ شہریوں کو ٹریفک کی بہتر سہولیات فراہم کرنے، ٹریفک کی روانی برقرار رکھنے اور مسافروں کو مقررہ کرایوں پر سفری سہولت کی فراہمی کے لیے تمام متعلقہ ادارے باہمی رابطے اور تعاون سے مؤثر اقدامات کریں۔

اجلاس میں فیصلہ کیا گیا کہ ٹریفک کے نظام کو بہتر بنانے، مقررہ کرایوں پر عملدرآمد اور شہریوں کو درپیش مشکلات کے فوری ازالے کے لیے متعلقہ اداروں کی جانب سے مؤثر نگرانی اور ضروری کارروائیاں جاری رکھی جائیں گی

04/09/2026

PRESS RELEASE

AC Khaplu Reviews Arrangements for Jashan-e-Ghanche 2026

Assistant Commissioner Khaplu Dr. Wajahat Saleem visited Shahi Polo Ground, Khaplu today to review the ongoing preparations and arrangements for Jashan-e-Ghanche 2026.

During the visit, he inspected the ground, cleanliness, stage, decoration and other necessary arrangements. He directed the concerned officials to ensure timely completion of all works and maintain high standards of organization.

The Assistant Commissioner expressed confidence that Jashan-e-Ghanche 2026 will be organized in a befitting and well-coordinated manner.

02/09/2026

اسسٹنٹ کمشنر خپلو ڈاکٹر وجاہت سلیم کی زیرِ صدارت ترقیاتی منصوبوں، عوامی مسائل اور گندم کی سپلائی کے حوالے سے اہم اجلاس منعقد ہوا۔ اجلاس میں ایس ڈی او کمیونیکیشن، ایس ڈی او واٹر مینجمنٹ، ایس ڈی او واٹر سپلائی، ایس ڈی او لوکل گورنمنٹ، ایس ڈی او پاور اور اسسٹنٹ ڈائریکٹر فوڈ نے شرکت کی۔

اجلاس میں مختلف جاری ترقیاتی منصوبوں، سڑکوں کی تعمیر و مرمت، واٹر مینجمنٹ، واٹر سپلائی، بجلی کی فراہمی اور لوکل گورنمنٹ سے متعلق امور کا تفصیلی جائزہ لیا گیا۔ متعلقہ افسران نے اپنے اپنے محکموں کے جاری منصوبوں اور درپیش مسائل کے حوالے سے اسسٹنٹ کمشنر کو بریفنگ دی۔

اسسٹنٹ کمشنر نے متعلقہ افسران کو ہدایت کی کہ ترقیاتی منصوبوں پر کام کی رفتار تیز کی جائے، منصوبوں کے معیار پر کوئی سمجھوتہ نہ کیا جائے اور عوام کو درپیش بجلی و پانی کے مسائل کے حل کے لیے فوری اور مؤثر اقدامات کیے جائیں۔

اجلاس میں گندم کی سپلائی اور دستیابی کا بھی جائزہ لیا گیا۔ اسسٹنٹ ڈائریکٹر فوڈ نے گندم کی موجودہ سپلائی کے حوالے سے بریفنگ دی۔ اسسٹنٹ کمشنر نے ہدایت کی کہ گندم کی بلاتعطل فراہمی یقینی بنائی جائے اور سپلائی کے نظام کی مؤثر نگرانی کی جائے تاکہ عوام کو کسی قسم کی مشکلات کا سامنا نہ کرنا پڑے۔

اسسٹنٹ کمشنر خپلو ڈاکٹر وجاہت سلیم نے کہا کہ عوام کو بنیادی سہولیات کی فراہمی، جاری ترقیاتی منصوبوں کی بروقت تکمیل اور عوامی مسائل کا فوری ازالہ انتظامیہ کی اولین ترجیحات میں شامل ہے۔ تمام متعلقہ محکمے باہمی رابطے اور تعاون کے ذریعے اپنے فرائض ذمہ داری سے انجام دیں

01/09/2026

اسسٹنٹ کمشنر خپلو ڈاکٹر وجاہت سلیم نے پولٹری شاپ مالکان کے ساتھ اہم اجلاس منعقد کیا، جس میں مرغی کے گوشت کی فروخت، صفائی ستھرائی اور حفظانِ صحت کے اصولوں پر عملدرآمد کے حوالے سے تفصیلی گفتگو کی گئی۔
اسسٹنٹ کمشنر نے پولٹری شاپ مالکان کو واضح ہدایت کی کہ دکانوں اور اردگرد کے ماحول میں صفائی کا خصوصی خیال رکھا جائے اور گوشت کی تیاری و فروخت کے دوران حفظانِ صحت کے اصولوں پر مکمل عملدرآمد یقینی بنایا جائے۔ انہوں نے کہا کہ شہریوں کو صاف ستھرا اور معیاری گوشت فراہم کرنا دکانداروں کی بنیادی ذمہ داری ہے۔
اجلاس میں پہلے سے ذبح شدہ مرغی کی فروخت پر پابندی کے حوالے سے بھی دکانداروں کو آگاہ کیا گیا۔ اسسٹنٹ کمشنر نے واضح کیا کہ مرغی کو مقررہ طریقہ کار کے مطابق تازہ ذبح کرکے ہی صارفین کو فراہم کیا جائے، جبکہ صفائی اور صحت کے اصولوں کی خلاف ورزی کسی صورت برداشت نہیں کی جائے گی۔

انہوں نے پولٹری شاپ مالکان کو ہدایت کی کہ مرغیوں کے فضلے اور دیگر آلائشوں کو مناسب طریقے سے ٹھکانے لگایا جائے، دکانوں میں صفائی برقرار رکھی جائے اور گوشت کو آلودگی سے محفوظ رکھا جائے۔
اسسٹنٹ کمشنر نے کہا کہ عوام کی صحت اور سہولت انتظامیہ کی اولین ترجیح ہے۔ پولٹری شاپس کی باقاعدہ چیکنگ کی جائے گی اور صفائی کے ناقص انتظامات یا ذبح شدہ مرغی کی فروخت سمیت کسی بھی خلاف ورزی کی صورت میں قانون کے مطابق کارروائی عمل میں لائی جائے گی۔

اجلاس کے اختتام پر پولٹری شاپ مالکان نے انتظامیہ کی ہدایات پر عملدرآمد اور صفائی کے معیار کو بہتر بنانے کی یقین دہانی کرائی

01/09/2026

اسسٹنٹ کمشنر خپلو ڈاکٹر وجاہت سلیم نے زیرِ تعمیر میونسپل بس اڈے کا دورہ کیا اور جاری تعمیراتی کام کا تفصیلی معائنہ کیا۔ اس موقع پر انہوں نے مختلف حصوں میں جاری کام، استعمال ہونے والے تعمیراتی میٹریل اور مجموعی معیار کا جائزہ لیا۔
اسسٹنٹ کمشنر ڈاکٹر وجاہت سلیم نے تعمیراتی کام کے معیار کو چیک کرتے ہوئے متعلقہ حکام اور ٹھیکیدار کو ہدایت کی کہ منصوبے میں معیار پر کسی قسم کا سمجھوتہ نہ کیا جائے اور تعمیراتی کام مقررہ معیار اور منظور شدہ نقشے کے مطابق مکمل کیا جائے۔
انہوں نے موقع پر موجود متعلقہ حکام سے منصوبے کی پیش رفت، تعمیراتی مراحل اور کام کی رفتار کے بارے میں بھی معلومات حاصل کیں۔ اسسٹنٹ کمشنر نے کہا کہ عوامی سہولت کے اس اہم منصوبے کو اعلیٰ معیار کے ساتھ مقررہ مدت میں مکمل کیا جائے تاکہ شہریوں کو بہتر سفری سہولیات میسر آ سکیں۔
انہوں نے متعلقہ افسران کو ہدایت کی کہ تعمیراتی کام کی باقاعدہ نگرانی اور کوالٹی کنٹرول کو یقینی بنایا جائے اور منصوبے میں استعمال ہونے والے میٹریل کے معیار پر خصوصی توجہ دی جائے۔

اسسٹنٹ کمشنر ڈاکٹر وجاہت سلیم نے کہا کہ ترقیاتی منصوبوں میں شفافیت اور معیار اولین ترجیح ہے، کسی بھی قسم کی غفلت یا ناقص تعمیراتی کام کو برداشت نہیں کیا جائے گا

01/09/2026

اسسٹنٹ کمشنر خپلو ڈاکٹر وجاہت سلیم نے تحصیلدار، خپلو چیف آفیسر اور فوڈ انسپکٹر بلدیہ کے ہمراہ مرکزی بازار کا اچانک دورہ کرتے ہوئے مختلف دکانوں کا تفصیلی معائنہ کیا۔ اس دوران گرانفروشی، مقررہ نرخوں کی خلاف ورزی، صفائی کے ناقص انتظامات اور اشیائے خوردونوش کے معیار کا جائزہ لیا گیا۔
معائنہ کے دوران مقررہ نرخوں کی خلاف ورزی اور دیگر بے ضابطگیوں کے مرتکب متعدد دکانداروں پر جرمانے عائد کیے گئے، جبکہ بعض دکانداروں کو آئندہ خلاف ورزی سے باز رہنے کی سخت وارننگ جاری کی گئی۔
اسسٹنٹ کمشنر نے دکانداروں کو واضح ہدایت کی کہ شہریوں کو اشیائے ضروریہ مقررہ نرخوں پر اور معیاری حالت میں فراہم کی جائیں۔ انہوں نے کہا کہ گرانفروشی، ذخیرہ اندوزی، ناقص اور مضرِ صحت اشیاء کی فروخت کے خلاف زیرو ٹالرنس پالیسی کے تحت کارروائی جاری رکھی جائے گی۔
اسسٹنٹ کمشنر ڈاکٹر وجاہت سلیم نے مختلف دکانوں پر موجود اشیائے خوردونوش کی کوالٹی اور میعاد چیک کی، اور صفائی ستھرائی کی صورتحال کا جائزہ لیا۔ اس موقع پر دکانداروں کو ہدایت کی کہ دکانوں کے اطراف صفائی کا خصوصی خیال رکھا جائے اور سرکاری نرخ نامے نمایاں مقامات پر آویزاں کیے جائیں۔
اسسٹنٹ کمشنر نے متعلقہ افسران کو ہدایت کی کہ بازاروں میں باقاعدگی سے چیکنگ کا سلسلہ جاری رکھا جائے اور عوام کو مقررہ نرخوں پر معیاری اشیائے ضروریہ کی فراہمی یقینی بنائی جائے۔ انہوں نے کہا کہ عوام کو ریلیف کی فراہمی انتظامیہ کی اولین ترجیح ہے