16/03/2026
رحیم یار خان (16 مارچ 2026): رحیم یارخان میں ریٹیلر شاپ کی چھت گرنے سے 8 خواتین جاں بحق، 75 زخمی ہو گئیں، خواتین بینظیر انکم سپورٹ پروگرام کی رقم لینے آئی تھیں، حادثے کے بعد شیخ زید اسپتال میں ایمرجنسی نافذ کی گئی ہے۔
چیئرپرسن بینظیر انکم سپورٹ پروگرام نے رحیم یار خان حادثے پر سخت ایکشن کا فیصلہ کیا ہے، اور جاں بحق خواتین کے لیے 10 لاکھ، جب کہ زخمی خواتین کے لیے 3 لاکھ امداد کا اعلان کر دیا ہے۔
رحیم یار خان میں منٹھار روڈ 125 پی میں دکان کی چھت گرنے سے یہ حادثہ پیش آیا ہے، واقعے میں جاں بحق خواتین کی تعداد 8 ہو گئی ہے جب کہ 75 افراد زخمی ہوئے ہیں، ریسکیو کے مطابق زخمیوں میں 1 مرد سمیت 74 خواتین شامل ہیں، واقعے میں دکان کی چھت گرنے سے متعدد افراد ملبے تلے دب گئے تھے ریسکیو حکام کے مطابق جاں بحق ہونے والی خواتین کی 6 ڈیڈ باڈیز شیخ زید اسپتال منتقل کی گئیں، جب کہ دو خواتین کی لاشیں اہل خانہ کے اصرار پر گھر منتقل کی گئیں۔
ترجمان بی آئی ایس پی نے ایک بیان میں کہا کہ جاں بحق خواتین کی اہل خانہ اور زخمیوں کو امدادی ادائیگیاں کل تک کر دی جائیں گی، جب کہ حادثے کی تحقیقات بھی کرائی جائیں گی۔ چیئرپرسن بی آئی ایس
