14/02/2020
میری الفت مدینے سے یوں ہی نہیں
میرے آقا ﷺ کا روضہ مدینے میں ہے
میں مدینے کی جانب نہ کیسے کھنچوں
میرا دین اور دنیا مدینہ میں ہے
پھول کھلتے ہیں پڑھ پڑھ کہ صل علی
جھوم کر کہہ رہی ہے یہ باد صبا
ایسی خوشبو چمن کے گلوں میں کہاں
جیسی خوشبو نبی ﷺ کے پسینے میں ہے
میں یہاں ہوں،میرا دل مدینے میں ہے
اپنے روضے میں زندہ ہیں میرے نبی ﷺ
روضہ جنت ہے شک تو نہ کرنا کبھی
میں یہاں ہوں،میرا دل مدینہ میں ہے
اک ہے جنت تیری ،اک ہے حجرہ تیرا
میرے مولا ،بتا اب میں جاوں کہاں
بھیج دی رب نے جنت اسی حجرے میں
امی عائشہؑ کا حجرہ مدینے میں ہے
میری الفت مدینے سے یوں ہی نہیں
میرے آقا ﷺ کا روضہ مدینے میں ہے
صلی الله تعالٰی علیہ وآلہ واصحابہ وبارک وسلم ❤
