27/08/2026
الحمدللہ!
نارتھ ناظم آباد ٹاؤن کی جانب سے بلاک بی کے سب سے بڑے برساتی نالے کی تفصیلی صفائی کا کام جاری ہے۔
یہ بات بھی قابلِ ذکر ہے کہ انڈس اسٹریٹ پر اس برساتی نالے کے ابتدائی حصے کو ازسرِنو تعمیر کیا گیا، جبکہ اس کے بعد والے حصے میں تفصیلی صفائی کا کام جاری ہے۔ مزید آگے جہاں یہ نالہ گجر نالے میں جا کر گرتا ہے، وہاں **48 انچ کے ڈسپوزل پائپ** بھی ڈالے گئے ہیں تاکہ برساتی پانی کی نکاسی مزید بہتر اور مؤثر انداز میں ہو سکے۔
بلاک بی میں برساتی پانی کا یہ ایک عرصہ دراز سے پرانا مسئلہ تھا۔ ماضی میں شدید بارشوں کے دوران انڈس اسٹریٹ پر کئی کئی فٹ پانی کھڑا ہو جاتا تھا، جس سے اہلِ علاقہ کو شدید مشکلات کا سامنا کرنا پڑتا تھا۔
ان شاء اللہ، نالے کی تعمیرِ نو، صفائی اور 48 انچ کے ڈسپوزل سسٹم کی تنصیب کے بعد آئندہ بارشوں میں برساتی پانی یہاں سے بہت آسانی کے ساتھ گجر نالے کی طرف منتقل ہو سکے گا۔
**عوامی مسائل کا مستقل اور عملی حل ہی حقیقی خدمت ہے۔**
