Junejo Town Ki Awaaz

16/08/2026

جونیجو ٹاؤن یوسی 5، جامع مسجد رحیمیہ کے قریب کسی ضروری ترقیاتی کام کے سلسلے میں سرکاری اداروں کی جانب سے ایک خوبصورت اور بڑے نیم کے درخت کو اکھاڑ کر پھینکنے کے عمل پر ہم شدید احتجاج اور مذمت کرتے ہیں۔

درخت صرف چند دنوں یا چند مہینوں میں بڑے نہیں ہوتے۔ ایک پودا کئی سال کی محنت، دیکھ بھال اور قدرتی نشوونما کے بعد تناور درخت بنتا ہے۔ ایسے قیمتی درخت کو کسی بھی ترقیاتی کام کی وجہ سے بغیر مناسب متبادل انتظام کے ختم کر دینا قابلِ افسوس اور قابلِ مذمت عمل ہے۔

ہم مطالبہ کرتے ہیں کہ اگر کسی ترقیاتی کام کی مجبوری کے باعث اس درخت کو ہٹانا ناگزیر تھا تو متعلقہ سرکاری اداروں کی ذمہ داری ہے کہ اس کے بدلے فوری طور پر نئے پودے اور درخت لگائے جائیں اور علاقے میں شجرکاری کو یقینی بنایا جائے۔

جونیجو ٹاؤن کے رہائشی درختوں کی کٹائی اور انہیں بلاوجہ اکھاڑنے کے عمل کی شدید الفاظ میں مذمت کرتے ہیں اور متعلقہ حکام سے مطالبہ کرتے ہیں کہ ماحول دوست اقدامات کو ترجیح دی جائے اور اس درخت کے بدلے نئے درخت لگانے کی ذمہ داری پوری کی جائے۔

عوام کا مطالبہ — درخت بچائیں، ماحول بچائیں، کراچی بچائیں۔

#شجرکاری #کراچی

14/08/2026

گندگی کے ڈھیر سے سرسبز مستقبل تک 🌱👏

آج سے کچھ عرصہ قبل جونیجو ٹاؤن میں واقع ٹرسٹ اسکول اور جامع مسجد رحیمیہ کے برابر میں کچرے اور گندگی کے بڑے ڈھیر موجود تھے۔ ٹیم جونیجو ٹاؤن کی آواز نے اس مسئلے کو بارہا اپنے پیج کے ذریعے اجاگر کیا، لیکن افسوس کہ متعلقہ اداروں کی جانب سے کوئی مؤثر نوٹس نہیں لیا گیا۔

لیکن اہلِ محلہ نے اتحاد، یکجہتی اور اپنی مدد آپ کے جذبے کا مظاہرہ کرتے ہوئے نہ صرف اس گندگی اور کچرے کے ڈھیر کا خاتمہ کیا بلکہ اسی جگہ پر ننھے ننھے پودے بھی لگا دیے۔ 🌱

یہ پودے آج چھوٹے ہیں، لیکن ان شاء اللہ آنے والے وقت میں درخت بن کر ہماری اور ہماری آنے والی نسلوں کے لیے ایک خوبصورت اور قیمتی نعمت ثابت ہوں گے۔ 🌳

آپ ان دونوں تصاویر میں واضح فرق دیکھ سکتے ہیں:۔
ایک تصویر کچھ عرصے قبل کی ہے جس میں گندگی اور کچرا ہے جب کر دوسری تصویر آج کی ہے۔

ہم ٹیم جونیجو ٹاؤن کی آواز کی جانب سے اس شاندار کاوش پر تمام اہلِ محلہ کو دل کی گہرائیوں سے خراجِ تحسین پیش کرتے ہیں۔ ❤️

یہ صرف صفائی نہیں، بلکہ اپنے محلے کو بہتر بنانے اور آنے والی نسلوں کے لیے صاف، سرسبز اور خوبصورت ماحول چھوڑنے کی ایک بہترین کوشش ہے۔

اہلِ محلہ کو سلام! آپ سب کو ہمارا سیلوٹ! 👏🌱

ٌٌnejoTown

14/08/2026

🚨 منظور کالونی پمپنگ اسٹیشن کے باہر ہزاروں لیٹر صاف پانی سڑکوں پر ضائع!

یہ مناظر صرف ایک پانی کی لیکیج نہیں بلکہ شہری انتظامیہ اور واٹر بورڈ کی کارکردگی پر ایک بڑا سوالیہ نشان ہیں۔

منظور کالونی پمپنگ اسٹیشن کے باہر مین پانی کی لائن ایک جگہ سے پھٹی ہوئی ہے، جس کے باعث پینے کے قابل صاف پانی کی بڑی مقدار گزشتہ کئی دنوں سے مسلسل سڑکوں اور گٹروں میں بہہ رہی ہے۔

آپ ویڈیو میں خود دیکھ سکتے ہیں کہ روزانہ ہزاروں لیٹر پانی کس طرح ضائع ہو رہا ہے۔

ایک طرف کراچی کے کئی علاقوں میں عوام پانی کی ایک ایک بوند کے لیے پریشان ہیں، لوگ ٹینکروں سے مہنگا پانی خریدنے پر مجبور ہیں، جبکہ دوسری طرف قیمتی صاف پانی اس طرح سڑکوں پر بہہ رہا ہے۔ حالیہ عرصے میں کراچی کے مختلف علاقوں میں پانی کی قلت اور سپلائی میں رکاوٹیں بھی رپورٹ ہوتی رہی ہیں۔

ہم سندھ کے وزیر سعید غنی صاحب ، ٹاؤن چیئرمین فرحان غنی، کراچی واٹر اینڈ سیوریج کارپوریشن (KW&SC) کے اعلیٰ حکام اور متعلقہ افسران سے مطالبہ کرتے ہیں کہ اس معاملے کا فوری نوٹس لیا جائے، لائن کی ہنگامی بنیادوں پر مرمت کی جائے اور قیمتی صاف پانی کو ضائع ہونے سے بچایا جائے۔

یہ پانی کسی ایک افسر یا ادارے کا نہیں، کراچی کے عوام کا اثاثہ ہے۔
اسے گٹروں میں بہنے کے بجائے ان علاقوں کے عوام تک پہنچنا چاہیے جہاں لوگ آج بھی پانی کے لیے ترس رہے ہیں۔

#منظورکالونی #کراچی
#سیدغنی
#فرحانغنی
#چنسرٹاؤن


#منظورکالونی

20/03/2026

کل عید الفطر کا مبارک دن ہے، مگر افسوس کے ساتھ کہنا پڑ رہا ہے کہ جامع مسجد رحیمیہ اور ٹرسٹ اسکول روڈ کے اطراف گندگی اور غلاظت کے ڈھیر لگے ہوئے ہیں۔ ہر طرف بدبو، کچرا اور انتہائی خراب صورتحال دیکھنے میں آ رہی ہے، جو نہ صرف علاقے کے مکینوں بلکہ نمازیوں کے لیے بھی شدید تکلیف کا باعث ہے۔

یہ انتہائی افسوسناک اور قابلِ مذمت بات ہے کہ اتنے اہم موقع پر بھی متعلقہ ادارے اپنی ذمہ داریاں ادا کرنے میں ناکام نظر آ رہے ہیں۔ آخر اتنی بے حسی اور لاپرواہی کی کیا وجہ ہے؟ عوام کو صاف ستھرا ماحول فراہم کرنا اداروں کی بنیادی ذمہ داری ہے۔

ہم چیرمین چنیسرٹاؤن، یوسی فائیو کے چیرمین اور سندھ سولڈ ویسٹ مینجمنٹ بورڈ کے عہدیداروں سے پُرزور مطالبہ کرتے ہیں کہ فوری طور پر اس گندگی کو صاف کروایا جائے تاکہ عوام عید کے موقع پر ایک صاف اور خوشگوار ماحول میں عبادات اور خوشیاں منا سکیں۔

25/01/2026

بدقسمتی سے جونیجو ٹاؤن پچھلے کئی دنوں سے گندے جوہڑ اور تالاب کا منظر پیش کر رہا ہے۔
اس سنگین صورتحال کی بنیادی وجہ سوئی گیس کے محکمے کی جانب سے نئی گیس لائنیں ڈالنے کے لیے کی گئی بے ہنگم کھدائی ہے۔
اس کھدائی کے دوران پانی کی لائنوں کو شدید نقصان پہنچایا گیا جس کا تاحال کوئی ازالہ نہیں کیا گیا۔
اگرچہ گیس لائنوں کی تنصیب کا عمل مکمل ہو چکا ہے، مگر پانی کی ٹوٹی ہوئی لائنیں اب تک نظر انداز کی جا رہی ہیں۔
نتیجتاً جب بھی واٹر بورڈ کی جانب سے پانی کی فراہمی شروع کی جاتی ہے تو پورا علاقہ تالاب میں تبدیل ہو جاتا ہے۔
سوئی گیس اور واٹر بورڈ دونوں اداروں کی غفلت اور نااہلی نے عوام کو شدید اذیت میں مبتلا کر رکھا ہے۔
گلیاں، سڑکیں اور مین بازار پانی میں ڈوبے رہتے ہیں جس سے آمدورفت تقریباً ناممکن ہو چکی ہے۔
تاجر برادری شدید معاشی نقصان کا شکار ہے کیونکہ کھڑے پانی کی وجہ سے کاروبار بری طرح متاثر ہو رہا ہے۔
یہ صورتحال نہ صرف صحت کے سنگین مسائل کو جنم دے رہی ہے بلکہ سیوریج لائنوں کے مسائل کو بھی بڑھا رہی ہے۔
ہم چیئرمین چنسر ٹاؤن جناب فرحان غنی صاحب کو متنبہ کرتے ہیں کہ وہ فوری طور پر اس معاملے کا نوٹس لیں۔
اسی طرح یہاں سے منتخب ایم پی اے اور صوبائی وزیر جناب سید غنی صاحب سے بھی پرزور مطالبہ ہے کہ وہ مداخلت کریں۔
سوئی گیس کے محکمے کو چاہیے کہ وہ اپنی کھدائی سے ہونے والے نقصانات کی فوری مرمت کرے۔
واٹر بورڈ اپنی ذمہ داری کا احساس کرتے ہوئے پانی اور سیوریج لائنوں کی درستگی کو یقینی بنائے۔
عوام مزید وعدوں اور تاخیری حربوں کی متحمل نہیں ہو سکتی۔
مطالبہ ہے کہ فوری اقدامات کر کے جونیجو ٹاؤن کے مکینوں کو اس اذیت ناک صورتحال سے نجات دلائی جائے۔















ٰ_وہاب

20/01/2026

چنیسر ٹاؤن یونین کونسل5 ، ( جونیجو ٹاؤن,منظور کالونی، اور ڈیفنس ویو) سے پاکستان تحریکِ انصاف کے منتخب چیئرمین، وائس چیئرمین اور کونسلرز عوامی خدمت کے جذبے کے تحت مسلسل کام کرنا چاہتے ہیں، مگر افسوس کہ پیپلز پارٹی کی قیادت میں میئر کراچی اور ٹاؤن چیئرمین کی جانب سے انہیں دانستہ طور پر ترقیاتی فنڈز اور ضروری عملہ فراہم نہیں کیا جا رہا۔
گزشتہ طویل عرصے سے منظور کالونی اور جونیجوٹاؤن کی گلیوں میں سیوریج کا پانی کھڑا ہے، جس سے عوام شدید اذیت اور بیماریوں کے خطرے سے دوچار ہیں۔
میں متعدد بار واٹر بورڈ اور متعلقہ اداروں کو تحریری درخواستیں دے چکاہوں، جن کی نقول اس پریس ریلیز کے ساتھ منسلک کی جا رہی ہیں، مگر تاحال کوئی عملی اقدام نہیں کیا گیا۔
یہ رویہ واضح طور پر سیاسی انتقام اور امتیازی سلوک کی عکاسی کرتا ہے۔
ہم واضح کرنا چاہتے ہیں کہ اگر خدانخواستہ کسی بڑے حادثے یا جانی نقصان کا سامنا کرنا پڑا تو اس کی تمام تر ذمہ داری پیپلز پارٹی کی میئرشپ اور ٹاؤن انتظامیہ پر عائد ہوگی۔
پاکستان تحریکِ انصاف کے نمائندے عوام کی خدمت سے کبھی پیچھے نہیں ہٹے، مگر انہیں دانستہ طور پر کام سے روکا جا رہا ہے، جس کی ہم شدید الفاظ میں مذمت کرتے ہیں اور اعلیٰ حکام سے فوری نوٹس لینے کا مطالبہ کرتے ہیں۔
منجانب : محمد شاہد انصاری
چیئرمین یو سی 5چنیسر ٹاؤن

01/01/2026

جونیجو ٹاؤن، یو سی 5 چنیسر ٹاؤن کی حدود میں جامع مسجد رحیمیہ کے برابر میں یہ تصویر ایک افسوسناک حقیقت بیان کر رہی ہے، جہاں سڑک کے کنارے کچرے کا بڑا ڈھیر کئی دنوں سے موجود ہے۔
یہ کچرا روز بروز پھیلتا جا رہا ہے اور پورا روڈ اس کی لپیٹ میں آ چکا ہے، جس سے شہریوں کو شدید مشکلات اور بیماریوں کا خطرہ لاحق ہے۔
افسوس کے ساتھ کہنا پڑتا ہے کہ چنیسر ٹاؤن انتظامیہ، یوسی 5 سندھ سولڈ ویسٹ منیجمنٹ بورڈ کی غفلت معمول بن چکی ہے۔
سن سالڈ ویسٹ مینجمنٹ بورڈ کا عملہ انتہائی سست اور نااہل نظر آتا ہے جو کچرا صرف اسی وقت اٹھاتا ہے جب پورا علاقہ متاثر ہو چکا ہو۔
کیا صفائی کا نظام اسی بے حسی کا نام ہے؟
ہم متعلقہ حکام کو سخت تنبیہ کرتے ہیں کہ اس سنگین صورتحال کا فوری نوٹس لیا جائے۔
مطالبہ کیا جاتا ہے کہ اس کچرے کو فوراً یہاں سے اٹھایا جائے اور روزانہ کی بنیاد پر صفائی کو یقینی بنایا جائے۔
عوام کی صحت کے ساتھ مزید کھلواڑ برداشت نہیں کیا جائے گا۔

28/12/2025

منظور کالونی ختم نبوت چوک سے شروع ہونے والا روڈ جو کہ جامع مسجد خلفائے راشدین سے ہوتا ہوا اقراء یونیورسٹی تک جاتا ہے آج سے ایک سال قبل اس کا افتتاع چند سیاسی شعبدہ بازوں نے کیا تھا
آج پورا ایک سال گزرنے کے باوجود مکمل نہیں ہو سکا۔
ایک سال قبل ایک سیاسی پارٹی کے کارکنوں، شبدبازوں اور پیداگیروں نے سوشل میڈیا پر تصویریں لگا کر دعویٰ کیا تھا کہ یہ روڈ ایک مہینے کے اندر اندر مکمل ہو جائے گا۔
آج حقیقت یہ ہے کہ روڈ جگہ جگہ سے ٹوٹا ہوا ہےکھڈے اور جمب بنے ہوئے ہیں،گندگی کا ڈھیر لگا ہےاور یہ روڈ عوام کے لیے شدید اذیت کا سبب بن چکا ہے۔ ہم ان تمام سیاسی شبدبازوں اور پیداگیروں کو کھلی تنبیہ کرتے ہیں
کہ اب صرف تصویریں لگانا بند کریں اور واقعی اس روڈ کی تکمیل کے لیے عملی کردار ادا کریں۔
عوام اب نعروں اور دکھاوے کی سیاست سے تنگ آ چکی ہے،
ہمیں روڈ چاہیے، وعدے نہیں۔

27/12/2025

25/12/2025

آج نہ صرف پاکستان بلکہ پوری دنیا میں مسیحی برادری اپنا مقدس تہوار کرسمس منا رہی ہے۔ یہ دن خوشی، محبت، امن اور باہمی احترام کا پیغام لے کر آتا ہے۔ مگر افسوس کے ساتھ کہنا پڑتا ہے کہ ہمارے ملک میں، بالخصوص ہمارے علاقے جونیجو ٹائون اس موقع پر ریاستی اداروں اور متعلقہ محکموں نے وہ کردار ادا نہیں کیا جو انہیں کرنا چاہیے تھا۔
کرسمس جیسے اہم تہوار پر مسیحی برادری کے چرچوں کی صفائی، گلی محلوں کی صفائی ستھرائی، سجاوٹ اور بنیادی سہولیات کا مناسب انتظام نہیں کیا گیا۔ اس کے برعکس، گیس کے محکمے کی جانب سے پورے علاقے میں اچانک کھدائی کر کے لائنیں بچھانے کا عمل شروع کر دیا گیا، جس سے نہ صرف راستے ٹوٹ پھوٹ کا شکار ہوئے بلکہ مسیحی برادری کی خوشیوں پر بھی گہرا اثر پڑا۔ ان بے وقت اور غیر ضروری اقدامات نے کرسمس کے تہوار کی رونق کو ماند کر دیا۔
یہ بات انتہائی افسوسناک ہے کہ ہم ایک ایسے ملک میں رہتے ہیں جو آئین کے مطابق تمام شہریوں کو مذہبی آزادی اور مساوی حقوق کی ضمانت دیتا ہے، مگر عملی طور پر اقلیتی برادریوں کے جذبات اور تہواروں کا خیال نہیں رکھا جاتا۔
جونیجو ٹاؤن کی آواز آج اس دن خوشی کے نعروں کے بجائے ایک افسردہ آواز بن کر یہ اعتراف کرتی ہے کہ
ہم بحیثیت معاشرہ اور بحیثیت ریاست، اپنی مسیحی برادری کے وہ حقوق ادا نہیں کر پا رہے جو وہ حقیقتاً ڈیزرو کرتے ہیں۔
ہم *جونیجو ٹاؤن کی آواز* کی جانب سے اپنی مسیحی بہنوں اور بھائیوں سے دلی معذرت کرتے ہیں کہ ہم اس نظام کا حصہ ہوتے ہوئے بھی آپ کے تحفظ، عزت اور خوشیوں کو یقینی نہیں بنا سکے۔
ہم آپ کے ساتھ کھڑے ہیں، آپ کے دکھ کو محسوس کرتے ہیں، اور یہ مطالبہ کرتے ہیں کہ آئندہ ایسے مقدس مواقع پر ادارے اپنی ذمہ داریاں سنجیدگی سے ادا کریں۔
کرسمس صرف ایک دن نہیں، یہ ہمیں انسانیت، احترام اور برابری کا سبق دیتا ہے۔
جب تک ہم اپنے اقلیتی شہریوں کی خوشیوں کو اپنی خوشی نہیں سمجھیں گے، تب تک کوئی تہوار مکمل نہیں ہو سکتا۔