20/11/2024
*رپورٹ برائے: مرکزی رکن ڈاکٹر نعیم قائمخانی بھائی کا میڈیکل ایڈ کمیٹی یونٹ ڈی،ایچ،او سنٹرل کا وزٹ*
مورخہ 19 نومبر 2024 بروز منگل کو مرکزی ایڈہاک میڈیکل ایڈ کمیٹی کے رکن ڈاکٹر نعیم قائمخانی بھائی نے یونٹ ڈی ایچ او (سنٹرل) کا وزٹ کیا اور یونٹ کمیٹی کے ذمہ داران و کارکنان سے میٹنگ کی۔
یونٹ کمیٹی کے ساتھیوں سے گفتگو کرتے ہوئے مرکزی میڈیکل ایڈ کمیٹی کے رکن ڈاکٹر نعیم قائمخانی بھائی نے ایم کیو ایم پاکستان کی کاوشوں سے جاری ترقیاتی کاموں، بلدیاتی ترمیم اور صحت کے حوالے سے بہترین خدمات پر تفصیل کے ساتھ بتایا اور ساتھیوں کو درپیش مسائل سننے۔
بعد ازاں یونٹ کمیٹی کے ذمہ داران و کارکنان کے ہمراہ ڈی،ایچ،او سنٹرل کے مختلف ڈیپارئمنٹ کے افسران سے ملاقاتیں کیں۔
ڈسٹرکٹ ہیلتھ آفیسر ڈاکٙٹر سہیل احمد میمن صاحب، ایڈیشنل ڈسٹرکٹ ہیلتھ آفیسر ڈاکٹر عمران شیخ صاحب، لیڈی ہیلتھ ورکرز کی انچارج ڈاکٹر سمرا سہیل خواجہ صاحبہ، ڈسٹرکٹ آفس سپریڈنٹ ارشاد صاحب سے الگ الگ ملاقاتیں کرتے ہوئے ڈسٹرکٹ سنٹرل میں ڈاکٹرز و پیرامیڈیکل اسٹاف کو درپیش مسائل مدر اینڈ چلڈرن سنٹر اور ڈسپنسریوں میں آنے والے مریضوں کے بہتر علاج و معالجے کے حوالے سے تفصیلی بات چیت کی۔
ڈسٹرکٹ ہیلتھ آفیسر ڈاکٹر سہیل احمد میمن صاحب نے تمام مسائل بغور سننے کے بعد ان کے حل کی مکمل یقین دہانی کراتے ہوئے ایم کیو ایم پاکستان کا شکریہ ادا کیا اور اپنے مکمل تعاون کی یقین دہانی کرائی۔
*یونٹ ڈسٹرکٹ سنٹرل*
*میڈیکل ایڈ کمیٹی*
*ایم کیو ایم پاکستان*
