10/09/2026
ڈپٹی کمشنر کیماڑی عبد الستار ہکڑو کی TMC بلدیہ ٹاؤن آمد
عوامی مسائل اور بلدیاتی سہولیات کی بہتری پر اہم تبادلۂ خیال
کراچی: ڈپٹی کمشنر کیماڑی جناب عبد الستار ہکڑو نے TMC بلدیہ ٹاؤن کا دورہ کیا، جہاں ٹاؤن چیئرمین عبد الکریم آسکانی، وائس چیئرمین عجب خان سواتی، میونسپل کمشنر سیدہ عائشہ نقوی، اراکین کونسل اور TMC افسران و اسٹاف نے ان کا پرتپاک استقبال کیا، پھولوں کے ہار پہنائے اور گلدستے پیش کیے۔
ملاقات کے دوران بلدیہ ٹاؤن ڈسٹرکٹ کیماڑی کے عوامی مسائل، صحت و تعلیم، صفائی ستھرائی، پینے کے پانی، نکاسیٔ آب، تجاوزات اور بنیادی شہری سہولیات سمیت علاقے کی تعمیر و ترقی کے حوالے سے تبادلۂ خیال کیا گیا۔ ٹاؤن چیئرمین عبد الکریم آسکانی نے عوامی مسائل سے آگاہ کیا، جبکہ ڈپٹی کمشنر نے ان کے حل کے لیے ہر ممکن تعاون کی یقین دہانی کرائی۔
ملاقات کے اختتام پر ٹاؤن چیئرمین عبد الکریم آسکانی کی جانب سے ڈپٹی کمشنر کیماڑی عبد الستار ہکڑو کو اعزازی شیلڈ، سندھی ٹوپی اور ثقافتی اجرک پیش کی گئی، جبکہ وائس چیئرمین عجب خان سواتی،سینیئر نائب صدر حاجی عبدالکریم بلوچ ،صدر واجہ جاوید بلوچ ،میونسپل کمشنر سیدہ عائشہ نقوی اور اراکین کونسل کی جانب سے بھی انہیں اجرک پہنائی گئی۔
اس موقع پر ایجوکیشن کمیٹی کے چیئرمین حنیف خان سواتی، وائس چیئرمین رحیم شاہ، شہزاد قادری، نور علی خان، یاسر خان تنولی، خوش بلی خان،سینیئر نائب صدر حاجی عبدالکریم بلوچ ،صدر واجہ جاوید بلوچ ، یوتھ کونسلر فرحاد خان سمیت دیگر TMC افسران موجود تھے۔
شرکاء نے اس عزم کا اظہار کیا کہ عوامی تعاون اور باہمی رابطے کے ذریعے بلدیہ ٹاؤن کے عوام کو درپیش مسائل کے حل اور انہیں بہتر بلدیاتی سہولیات کی فراہمی کے لیے مؤثر اقدامات کا سلسلہ جاری رکھا جائے گا۔
