04/10/2022
وڏا ھي پيٽ جن جا ھن
وڏا بنگلا وڏيون ماڙيو
وڏي پئي بک تن کي آ
غريبن کي وطن تاڙيون
ڪاٿي پيا پير سڏائن
ڪاٿي پيا مير سڏائن
ڪاٿي ڪرسيءَ کي چنبڙيل
وڏا وزير سڏائن
وٺڻ لاء ڏن ڏھاڙي ٿا
اچن لوڙھا سي لتاڙيون
انڌن جا پيا عشر کائن
يتيمن کان نظر کائن
اچي دعوت تي زوري
غريبن جا ٻڪر کائن
ڪري زوري زبر دستي
وڃن ڏنڊ ڏوھ ڀي چاڙ ھيون
گھٽيون کاڌائون گٽر کاڌائون
پڪا رستا پٿر کاڌائون
وين ٿيڻ ھاضمو ھر شئي
وڃي سئو سئو چڪر کاڌئون
اڃان ڀي بک وڏي تن کي
ويٺا ھن وات سي فاڙيون
کائي ويا ٻوڏ جون ٻيڙيون
جو مليو راشن ويا ميڙيون
ٻچا مسڪين مارن جا
رکي مانيءَ لاء ڏين ريڙھيون
تنبو کاڌئون تڏا کاڌئون
خيراتن تي وطن ڀاڙيون
وري سي ووٽ وٺڻ پھتا
ڏٽا ڏاڍا ڏيڻ پھتا
وڏا وائدا ڪري ٻيھر
وڏا ڀاڪر ڀرڻ پھتا
ڪرائي تي ڪاھي گاڏيون
وتن چمچا ٻٽي چاڙھيون
وڏو ويٺو وڏي کٽ تي
پيا ليٽئون اسان پٽ تي
وڏيرن جا اسان واٺا
وڏا سٽ تي اسان جھٽ تي
ڪاٿي ڪڪڙ ڪاٿي پھرو
ٿا واجھائيندا وتئون واڙيو
اسان کي نہ کپي دولت
اسان رئيسن جي ملڪيت
آھيون پيرين پوڻ وارا
اسان کي ڇا ڪندي عزت
اسان بھرام بيگر ۾
پيا وڄائيندا وتئون تاڙيون
--
