Public Library Kandiaro

25/09/2025

سڀني ساٿين کي Voice of America پاران جاري ڪيل ھي نَوَ منٽن جي لائبريرين بابت اھم رپورٽ لازمي ڏسڻ ۽ سمجھڻ گھرجي.

امريڪا ۽ لاھور جي لائبريرين بابت ھي رپورٽ ٻڌائندي صحافي عورت لاھور ۾ واقع ڊفينس لائبرري جي باري ۾ چوي ٿي تہ:
" ڈفینس پبلک لائبریری میں مجھے ایک اور اصول نے متوجہ کیا کہ یہاں لائبریری میں سیاسی، مذھبی بحث کرنا منع ہے،
اگر سوچا جائے تو ایسی تاکید لائبریری کے اسپرٹ آف
انکئاریز اور ڈبیٹ کے خلاف نہیں۔۔۔؟"

23/09/2025

ڪنڊيارو ۾ ساڃاھہ وندن ۽ شاگردن پاران پبلڪ لائبرريءَ کي سهولتون نہ ملڻ خلاف انوکو احتجاج ڪري ٽائون چيئرمين لاءِ "جهولي فنڊ" ريلي ڪڍي وئي.

ريليءَ دوران شهرين کان چندو وٺي ٽائون آفيس جي عملي حوالي ڪيو ويو، لائبرريءَ کي سهولتون ملڻ تائين ٽائون چيئرمين جي مڪمل سهائتا ڪرڻ جو اعلان.

ڪنڊيارو : ڪنڊيارو ۾ ساڃاهہ وندن ۽ شاگردن پاران پبلڪ لائبرريءَ جي نئين عمارت کي فعال بڻائي بنيادي سهولتون نہ ڏيڻ خلاف انوکو احتجاج ڪري ٽائون ڪاميٽي ڪنڊيارو کان ريلي ڪڍي شهرين کان ٽائون چيئرمين جي سهائتا لاءِ جهولي فنڊ ڪٺو ڪيو ويو. مظاهرين شهر جو گشت ڪري"ٽائون چيئرمين کي امداد ڏيو" ۽ "ٽائون چيئرمين جي سار لهو" جا نعرا هڻندي شهرين کان چندو گڏ ڪري ٽائون آفيس ڪنڊيارو پهتا ۽ جمع ٿيل فنڊ ٽائون عملي جي حوالي ڪري کين وڌيڪ مالي سهائتا جو يقين پڻ ڏياريو.

ان موقعي تي شاگرد اڳواڻن شمن علي لاکي، الاهي بخش ابڙي، صدام ملاح، وقار مڱريي، سنڌ ساگر پارٽيءَ جي اڳواڻن عبدالجبار مڱريي، جواد تنيي، پورهيت مزاحمت تحريڪ جي اڳواڻ سرمد آزاد، سنڌي ادبي سنگت ڪنڊيارو جي اڳواڻن غفار عباسي، رحمان مڱريي، سنڌين نيشنل ڪانگريس جي اڳواڻن عزير گهانگهري، عابد عطار، جيئي سنڌ قومي محاذ جي اڳواڻن عمر سنڌي، نعمان عباسي، مجيب اڄڻ، ساڃاھہ وندن عامر کوسي، ذڪريا ڏاهري، فياض گهانگهري ۽ ٻين مظاهرين جو چوڻ هو تہ:

لائبرريون سماجي تعمير ۽ ترقيءَ ۾ اڏڻهار وارو ڪردار ادا ڪنديون آهن، پر هتان جي بي شعور ڀوتارن جي تخريبي ذهنيت سبب پبلڪ لائبرري ڪنڊيارو پاڻ گذريل ڪيترن ئي سالن کان پنهنجي لاڀائتي وجود جي تعمير کان محروم بڻيل آهي. شهر جا ساڃاھ وند ۽ شاگرد پبلڪ لائبرريءَ ۾ بنيادي سهولتن جي کوٽ خلاف لڳاتار گرمي سرديءَ ۾ احتجاج ڪندا رهيا آهن، پر ٽائون انتظاميہ احتجاج جو نوٽيس وٺي مسئلا حل ڪرڻ بدران لڳاتار ڪن لاٽار ۽ نااهليءَ جو مظاهرو ڪري رهي آهي. ڇاڪاڻ تہ هتان جو نااهل ٽائون چيئرمين شهر جي ٻاونجاھہ ڪروڙ، سٺ لک، ست سئو ٻياسي رپين جي بجيٽ جو اڪثر حصو شهر جي تعمير ۽ ترقيءَ تي خرچ ڪرڻ بدران پنهنجي جيالن ۽ سياسي سهولتڪارن ۾ ورهائي رهيو آهي. اڄ اسان شهرين کان جهولي فنڊ ڪٺو ڪري ٽائون آفيس کڻي آيا آهيون، جيستائين پبلڪ لائبرري ڪنڊيارو جي نئين عمارت کي فعال بڻائي گهربل ڪتاب، مڪمل فرنيچر، سولر سسٽم، ايئرڪنڊيشنڊ، انٽرنيٽ، واش روم، واٽر فلٽر مشين ۽ سڪيورٽيءَ سوڌو سموريون گهربل سهولتون نٿيون ڏنيون وڃن، تيستائين اسان ٽائون چيئرمين جي مالي سهائتا جو سلسلو جاري رکنداسين.

23/09/2025

گھٽ ويھو ۽ متحرڪ رھو...
گھڻو ويھڻ صحت لاء نقصان ڪار آھي، ھيٺ ڏنل 8 طريقن سان اوھان ويھڻ جي عمل کان وقفو ڪري سگھو ٿا...
ھلڻ ئي زندگي آھي...!!
پوسٽ پسند اچي ته ٻين سان شيئر ضرور ڪريو.
#صحتمندزندگی #سنڌي

12/09/2025

محترم ڪريم داد خشڪ ڪراچيءَ مان پبلڪ لائبرري ڪنڊيارو لاءِ ڪتابن جو تحفو موڪليو آھي، اسين لائبريريءَ جا شاگردن فقير ڪريم داد جا نھايت ئي شڪر گذار آهيون.🙏🌻

04/09/2025

دوستو حق موجود

ڪنڊيارو ۾ نوجوانن جي وڌندڙ خودڪشين جي واقعن کي ڏسندي خودڪشين جي مسئلي کي سمجھڻ لاءِ
"Assist. Prof.
Dr. Ghulam Rasool Rind
Psychiatry Dept. GMMMC, Sukkur"
جو ليڪچر منعقد ڪيو آھي.

اوھان سڀني نوجوان ساٿين، شاگردن، استادن، والدين، اديبن، شاعرن، وڪيلن، سياسي سماجي ڪارڪنن ۽ صحافين کي شرڪت جي دعوت ڏجي ٿي.

وقت ۽ ھنڌ
ڇنڇر 6 سيپٽمبر شام جو 6 وڳي پبلڪ لائبرري پارڪ ڪنڊيارو

28/08/2025

"ٽائون چيئرمين ڳولي ڏيو"

ٽائون انتظاميہ پاران پبلڪ لائبرري ڪنڊيارو جي نئين عمارت کي ايئرڪنڊيشنڊ، سولر سسٽم، انٽرنيٽ، گهربل ڪتاب، مڪمل فرنيچر، واش روم، واٽر فلٽر مشين ۽ سي سي ٽي وي ڪئميرا جھڙيون ضروري سھولتون نہ ڏيڻ خلاف :

29 آگسٽ جمعي ڏينھن، منجھند جو 12:00 وڳي، ٽائون ڪاميٽيءَ کان ريلي ڪڍي، ڪنڊيارو ٽائون چيئرمين جي ڳولا لاءِ شهر جو گشت ڪري، اسٽار چوڪ تي علامتي لائبرري هلائي ويندي.

شھر جا ساڃاھہ وند سياسي، سماجي ڪارڪن ۽ شاگرد وقت جي پابنديءَ سان پهچن.

پاران: شاگرد جدوجھد ڪميٽي ڪنڊيارو

10/08/2025