Social Welfare Department Rawalpindi

02/09/2026

محکمہ سوشل ویلفیئر اینڈ بیت المال جہلم میں انتظامی سطح پر تبدیلی عمل میں آئی ہے۔ بطور ڈپٹی ڈائریکٹر سوشل ویلفیئر اینڈ بیت المال جہلم تقریباً دو سال خدمات انجام دینے والے خضر حیات خان کا تبادلہ بطور ڈپٹی ڈائریکٹر سوشل ویلفیئر اینڈ بیت المال راولپنڈی کر دیا گیا ہے۔
خضر حیات خان کے تبادلے کے بعد علیم یوسف کو بطور ڈپٹی ڈائریکٹر سوشل ویلفیئر اینڈ بیت المال جہلم تعینات کیا گیا ہے، جنہوں نے اپنے عہدے کا چارج سنبھال کر فرائض کی انجام دہی شروع کر دی ہے۔
خضر حیات خان کی جہلم میں تعیناتی کے دوران محکمہ سوشل ویلفیئر کی مختلف فلاحی سرگرمیوں اور عوامی خدمت سے متعلق امور میں ان کے کردار کے حوالے سے سماجی تنظیموں، فلاحی اداروں اور شہریوں کی جانب سے مثبت خیالات کا اظہار کیا گیا۔ مختلف سماجی حلقوں نے ان کی خدمات کو سراہتے ہوئے ان کے لیے نیک خواہشات کا اظہار کیا اور نئی ذمہ داریوں کے لیے کامیابی کی دعا کی۔
دوسری جانب علیم یوسف کی بطور ڈپٹی ڈائریکٹر سوشل ویلفیئر اینڈ بیت المال جہلم تعیناتی پر بھی مختلف حلقوں کی جانب سے نیک تمناؤں کا اظہار کیا گیا ہے۔ محکمہ سوشل ویلفیئر کی فلاحی سرگرمیاں اور عوامی خدمت سے متعلق امور نئے انتظامی سیٹ اَپ کے تحت بھی تسلسل کے ساتھ جاری رہیں گیں۔

01/09/2026

نور ویلفیئر سوسائٹی کی جانب سے آج ڈپٹی ڈائریکٹر سوشل ویلفیئر جہلم کے دفتر میں 20 سپیشل پرسنز میں فوڈ ہیمپرز تقسیم کیے گئے۔ فوڈ ہیمپرز ایڈیشنل اسسٹنٹ کمشنر جہلم محمد عبداللہ اور ڈپٹی ڈائریکٹر سوشل ویلفیئر جہلم خضر حیات خان نے تقسیم کیے۔ اس موقع پر جنرل سیکریٹری نور ویلفیئر سوسائٹی فرحت کمال ضیاء بھی موجود تھے۔
اس موقع پر ایڈیشنل اسسٹنٹ کمشنر جہلم محمد عبداللہ اور ڈپٹی ڈائریکٹر سوشل ویلفیئر جہلم خضر حیات خان نے نور ویلفیئر سوسائٹی کے اس فلاحی اقدام کو سراہتے ہوئے کہا کہ سپیشل پرسنز اور معاشرے کے مستحق افراد کی معاونت ایک قابلِ تحسین اور قابلِ قدر عمل ہے۔ انہوں نے نور ویلفیئر سوسائٹی کی انتظامیہ، بالخصوص جنرل سیکریٹری فرحت کمال ضیاء، کی خدمات کو سراہا۔
جنرل سیکریٹری نور ویلفیئر سوسائٹی فرحت کمال ضیاء نے کہا کہ سوسائٹی مستحق اور سپیشل پرسنز کی فلاح و بہبود کے لیے اپنی خدمات جاری رکھے گی اور آئندہ بھی ایسے فلاحی اقدامات میں اپنا کردار ادا کرتی رہے گی۔
ا

31/08/2026

ر
آج سوشل ویلفیئر ڈیپارٹمنٹ، جہلم کی جانب سے ضلع جہلم میں رجسٹرڈ این جی اوز کے لیے ای بز پورٹل کے حوالے سے آگاہی و تربیتی نشست کا اہتمام کیا گیا۔
اپنے افتتاحی کلمات میں ڈپٹی ڈائریکٹر سوشل ویلفیئر، جہلم نے ای بز پورٹل کی اہمیت کو اجاگر کرتے ہوئے شرکاء کو اس کی افادیت اور فوائد سے آگاہ کیا۔
اسسٹنٹ ڈائریکٹر سوشل ویلفیئر، سہیل ناصر نے این جی اوز کے نمائندگان کو ای بز پورٹل اور اس کے رجسٹریشن کے طریقہ کار کے بارے میں تفصیلی رہنمائی فراہم کی۔

31/08/2026

ڈسٹرکٹ جیل جہلم میں مقید ضرورت مند قیدیوں کے لیے نور ویلفئر سوسائٹی کی جانب سے 50 سوٹ اور 400 تسبیح (کاؤنٹرز) فراہم کیے گئے۔ ڈپٹی ڈائریکٹر سوشل ویلفئر اینڈ بیت المال جہلم خضر حیات خان نے یہ سامان سپرنٹنڈنٹ ڈسٹرکٹ جیل جہلم یاسر خان کے حوالے کیا۔
اس موقع پر فرحت کمال ضیاء، جنرل سیکریٹری نور ویلفئر سوسائٹی اور اسسٹنٹ ڈائریکٹر سوشل ویلفئر علیم یوسف بھی موجود تھے۔
ڈپٹی ڈائریکٹر سوشل ویلفئر خضر حیات خان نے نور ویلفئر سوسائٹی کے اس فلاحی اقدام کو سراہتے ہوئے کہا کہ ضرورت مند قیدیوں کی مدد اور فلاح و بہبود کے لیے ایسے اقدامات قابلِ تحسین ہیں۔ انہوں نے کہا کہ مخیر حضرات اور فلاحی اداروں کا معاشرے کے محروم طبقات کی مدد میں اہم کردار ہے۔
اس موقع پر سپرنٹنڈنٹ ڈسٹرکٹ جیل جہلم یاسر خان نے نور ویلفئر سوسائٹی کا شکریہ ادا کرتے ہوئے کہا کہ ضرورت مند قیدیوں کے لیے لباس اور تسبیح کی فراہمی ایک قابلِ قدر فلاحی اقدام ہے۔ انہوں نے کہا کہ جیل میں مقید افراد کی بنیادی ضروریات پوری کرنے اور ان کی اصلاح و بحالی کے لیے مخیر حضرات اور فلاحی اداروں کا تعاون انتہائی اہم ہے۔ انہوں نے نور ویلفئر سوسائٹی کی خدمات کو سراہتے ہوئے ایسے فلاحی اقدامات کو قابلِ تحسین قرار دیا۔

29/08/2026

27/08/2026

صفائ نصف ایمان ہے

27/08/2026

صنعت زار جہلم میں محفلِ میلادِ مصطفیٰ ﷺ کا انعقاد
محکمہ سوشل ویلفیئر و بیت المال کے ادارہ صنعت زار جہلم میں ربیع الاول کے بابرکت مہینے کی مناسبت سے محفلِ میلادِ مصطفیٰ ﷺ کا انعقاد کیا گیا، جس میں خواتین اور بچیوں نے شرکت کی۔
اس موقع پر نور ویلفیئر سوسائٹی کی جانب سے شرکاء میں تسبیح کاؤنٹرز اور لنچ باکسز تقسیم کیے گئے۔ ڈپٹی ڈائریکٹر سوشل ویلفیئر و بیت المال جہلم خضر حیات خان اور جنرل سیکریٹری نور ویلفیئر سوسائٹی فرحت کمال ضیاء نے محفل کے اختتام پر خصوصی دعا میں شرکت کی۔

25/08/2026

ایک معذور فرد کی درخواست پر نور ویلفیئر سوسائٹی جہلم کی جانب سے اس کے مستحق خاندان کو دکان کا سامان فراہم کرکے باعزت روزگار کا ذریعہ مہیا کیا گیا۔
اس موقع پر ڈپٹی ڈائریکٹر سوشل ویلفیئر اینڈ بیت المال جہلم، خضر حیات خان نے دکان کا افتتاح کیا اور مستحق خاندان کو دکان کا سامان حوالے کیا۔
اس نیک اقدام کا مقصد محض امداد فراہم کرنا نہیں بلکہ ایک ضرورت مند خاندان کو باعزت طریقے سے اپنے پاؤں پر کھڑا ہونے، روزگار کمانے اور اپنے بچوں کے بہتر مستقبل کی بنیاد رکھنے کا موقع فراہم کرنا ہے۔
یہ اقدام ایڈووکیٹ فرحت کمال ضیاء، جنرل سیکرٹری نور ویلفیئر سوسائٹی جہلم، اور ان کی فیملی کی جانب سے خدمتِ انسانیت کی ایک قابلِ تحسین مثال ہے۔
اللہ تعالیٰ اس نیکی کو شرفِ قبولیت عطا فرمائے، تمام معاونین کو بہترین اجر عطا کرے اور اس دکان میں رزق، برکت اور کامیابی عطا فرمائے۔ آمین یا رب العالمین۔