26/04/2026
میری نظر میں سب سے بہترین وزیراعلی مریم نوازشریف ہیں جن کی کارکردگی اور اصلاحات ایک جدید روشن اور فلاحی پنجاب کی صورت میں یوں سامنے ہیں کہ کسی گواہی کی ضرورت ہی نہیں، باہر نکلو اور پنجاب کو اپنی آنکھوں سے دیکھ لو۔ میں نے ان کے پراجیکٹس کا ذکر شروع کیا تو کچھ اور لکھنے کی جگہ ہی نہیں رہے گی۔ انہوں نے والد اور چچا کی تعمیر و ترقی کی روایات کو آگے بڑھایا ہے۔
دوسرے نمبر پر سرفراز بگٹی ہیں جنہوں نے امن و امان اور ترقی کے لئے انگریز دور سے قائم بلوچستان کے بی ایریاز ختم کر دئیے اور دہشت گردی کے خاتمے کے حوالے سے اس وقت فوج سب سے زیادہ انہی کے اقدامات کی معترف ہے۔ انہوں نے ترقیاتی پروگراموں اور بجٹ کو ڈسٹرکٹ لیول پر کمیٹیوں تک لانے کا بڑا کارنامہ بھی سرانجام دیا ہے یعنی اختیارات کی نچلے لیول تک منتقلی۔
تیسرے اور چوتھے نمبر کے لئے مراد علی شاہ اور سہیل آفریدی میں مقابلہ ہے۔ مراد علی شاہ کے پاس سندھ ہے جس کی صحت کی سہولیات کو بلاول بھٹو زرداری فخر کے ساتھ پیش کرتے ہیں اور لگتا ہے کہ سہیل آفریدی نے بھی عشق عمران پر صوبے کی گورننس کو ترجیح دینے کا فیصلہ کیا ہے اگر وہ اپنے ہی ٹرولز کے ہاتھوں سے بچ گئے۔
آپکی رائے تعصب نہیں، دلیل کے ساتھ کیا ہے؟
