23/08/2026
آج ٹاؤن کے لیے بہت اہم دن ہے۔ اس ٹاؤن کی تعمیر و ترقی میں یہاں کے بزرگوں کا کردار ہمیشہ سے انتہائی اہم رہا ہے۔ ہر منصوبے میں ٹاؤن کے سینئر افراد نے ہمیشہ نمایاں کردار ادا کیا ہے۔ اسی روایت کو برقرار رکھتے ہوئے، آج ایک بار پھر ٹاؤن کی تاریخ کا سب سے بڑا منصوبہ شروع ہونے جا رہا ہے، جس کا فائدہ ہر مقامی رہائشی کو انفرادی طور پر حاصل ہوگا۔ یہ ایک ایسا عظیم منصوبہ ہے جسے عام طور پر صرف اربوں روپے کے بجٹ والی بڑی سوسائٹیاں ہی مکمل کر سکتی ہیں، لیکن اسلام آباد میں غوری ٹاؤن فیز 1 کے بزرگوں اور پرخلوص رہائشیوں نے ایک بار پھر اس تاریخی منصوبے کی بنیاد رکھ کر یہ ثابت کر دیا ہے کہ اگر ارادے پختہ اور نیتیں صاف ہوں تو کچھ بھی ناممکن نہیں ہوتا۔
تمام رہائشیوں سے پرزور گزارش ہے کہ اس عظیم اور مفادِ عامہ کے منصوبے کی کامیابی کے لیے ایک پرچم تلے متحد ہو جائیں اور اتفاق و اتحاد کی ایسی بے مثال مثال قائم کریں کہ ماضی کے منصوبوں کی طرح اس بار بھی فیز 1 تمام دیگر فیزز کے لیے مشعلِ راہ بن جائے۔ مجھے کامل امید ہے کہ آج کی اس پروقار افتتاحی تقریب میں ٹاؤن کا درد اور جذبہ رکھنے والا ہر رہائشی بھرپور شرکت کرے گا اور اس سنگِ میل کا حصہ بنے گا۔
شکریہ،
عمیر عباسی
