ANP Islamabad West

07/09/2026

عوامی نیشنل پارٹی، ضلع غربی اسلام آباد

عوامی نیشنل پارٹی ضلع غربی اسلام آباد کی کابینہ میں توسیع اور نئی تقرریوں کا نوٹیفکیشن جاری کر دیا گیا ہے۔
ضلعی صدر صدام علی خان نے کابینہ کی مشاورت سے نئے عہدیداران کی تقرریاں کی ہیں، جس کے مطابق اکبر خان کو جوائنٹ سیکرٹری جبکہ ساجد نظیر کو سوشل میڈیا سیکریٹری مقرر کر لیا گیا ہے ۔
ان تقرریوں کا مقصد تنظیم کو مزید فعال، منظم اور مضبوط بنانا ہے۔

اس موقع پر تمام نو منتخب عہدیداران کو مبارکباد پیش کرتے ہیں اور امید کرتے ہیں کہ وہ پارٹی اور تنظیم کی بہتری کے لیے بھرپور کردار ادا کریں گے۔

صدام علی خان
صدر، عوامی نیشنل پارٹی ضلع غربی اسلام آباد

06/09/2026

پختون سٹوڈنٹس فیڈریشن (PSF) فیڈرل کیپٹل اسلام آباد کی تنظیم سازی —

درخواستیں طلب!!!

عوامی نیشنل پارٹی کے مرکزی صدر محترم جناب ایمل ولی خان کے ہدایات کی روشنی میں اے این پی فیڈرل کیپٹل اسلام آباد کے صوبائی صدر اور پی ایس ایف اسلام آباد کے ایڈوائزر، ایڈووکیٹ عبدالر حیم وزیر نے پی ایس ایف فیڈرل کیپٹل اسلام آباد کی تنظیم سازی کے سلسلے میں آرگنائزنگ کمیٹی کے لیے درخواستیں طلب کر لی ہیں۔

تمام خواہشمند طلباء و طالبات اپنی درخواستیں 8 ستمبر، بروز منگل، شام 5 بجے تک جمع کروا سکتے ہیں۔

عوامی نیشنل پارٹی فیڈرل کیپٹل اسلام آباد پی ایس ایف کو اپنا ہراول دستہ سمجھتی ہے اور طلباء سیاست میں جمہوریت، شفافیت، میرٹ اور نوجوانوں کی مؤثر نمائندگی کو یقینی بنانے کے لیے پُرعزم ہے۔

|
|

04/09/2026

عوامی نیشنل پارٹی ضلع غربی اسلام آباد کی ضلعی کابینہ کا اجلاس

عوامی نیشنل پارٹی ضلع غربی اسلام آباد کی ضلعی کابینہ کا اہم اجلاس ضلعی صدر صدام علی خان یوسفزئی کی زیرِ صدارت آج شام 5 بجے ڈھوک عباسی میں ساجد خان کی رہائش گاہ پر منعقد ہوا۔

اجلاس میں تنظیمی امور، پارٹی کو مزید فعال اور منظم بنانے، کارکنوں کو متحرک کرنے اور مختلف علاقوں میں پارٹی سرگرمیوں کو وسعت دینے کے حوالے سے سیر حاصل گفتگو اور اہم فیصلے کیے گئے۔

اجلاس میں سینئر نائب صدر نیاز علی خان، نائب صدر بلال بونیری، ایڈیشنل جنرل سیکریٹری آمین الرحمان، جوائنٹ سیکریٹری اکبر خان اور سوشل میڈیا سیکریٹری ساجد نظیر نے شرکت کی۔

اجلاس میں ضلعی کابینہ میں توسیع کرتے ہوئے ساجد نظیر کو سوشل میڈیا کا باقاعدہ چارج جبکہ اکبر خان کو جوائنٹ سیکریٹری مقرر کرنے کی منظوری دی گئی۔ کابینہ میں مزید توسیع اور بعض عہدیداران کی شہر سے نقل مکانی کے باعث تنظیمی سطح پر ضروری ردوبدل کے حوالے سے بھی غور کیا گیا۔

اجلاس میں برٹش ہوم اور شمس کالونی میں کارنر میٹنگز کے انعقاد پر بھی غور کیا گیا، جبکہ کابینہ اراکین کو اپنے اپنے علاقوں میں پارٹی تنظیم کو مضبوط بنانے، کارکنوں کو متحرک کرنے اور عوام سے رابطے مزید مؤثر بنانے کے لیے کام تیز کرنے کا لائحۂ عمل دیا گیا۔

اجلاس میں اس عزم کا اظہار کیا گیا کہ ضلع بھر میں ہر قوم اور طبقے سے تعلق رکھنے والے افراد تک عوامی نیشنل پارٹی کا نظریہ، منشور اور پیغامِ خدمت پہنچایا جائے گا۔ بالخصوص پختون قوم سے تعلق رکھنے والے افراد کے ساتھ مکمل یکجہتی کا اظہار کرتے ہوئے اس عزم کا اعادہ کیا گیا کہ ان کے مسائل کے حل کے لیے تھانے، اسپتال اور عدالت سمیت ہر فورم پر ان کے ساتھ کھڑا ہوا جائے گا۔

ضلعی کابینہ نے مرکزی صدر سینیٹر ایمل ولی خان کی قیادت اور مرکزی اجلاسوں میں کیے گئے فیصلوں کو سراہتے ہوئے پارٹی پالیسی اور تنظیمی فیصلوں پر مکمل اعتماد کا اظہار کیا۔

اجلاس میں اس بات پر بھی اتفاق کیا گیا کہ ضلعی کابینہ کا اجلاس ہر ماہ باقاعدگی سے منعقد کیا جائے گا تاکہ تنظیمی امور کا مسلسل جائزہ لیا جا سکے اور پارٹی سرگرمیوں کو مزید مؤثر بنایا جا سکے۔

جاری کردہ:
ساجد نظیر
ضلعی سوشل میڈیا سیکریٹری
عوامی نیشنل پارٹی، ضلع غربی اسلام آباد

01/09/2026

🟥 عوامی نیشنل پارٹی ضلع غربی اسلام آباد— اہم اجلاس

عوامی نیشنل پارٹی ضلع غربی کے صدر صدام علی خان نے ضلعی کابینہ کا اہم اجلاس 4 ستمبر 2026 بروز جمعہ کو اے این پی حجرہ، ڈھوک عباسی میں طلب کر لیا ہے۔

اجلاس میں تنظیمی امور، پارٹی کی موجودہ تنظیمی صورتحال، آئندہ کی حکمتِ عملی، تنظیمی سرگرمیوں اور دیگر اہم امور پر تفصیلی غور و خوض کیا جائے گا۔

ضلعی کابینہ کے تمام اراکین سے گزارش ہے کہ اجلاس میں بروقت اور بھرپور شرکت یقینی بنائیں۔

صدام علی خان
صدر، عوامی نیشنل پارٹی ضلع غربی اسلام آباد

27/08/2026

عوامی نیشنل پارٹی کی چار روزہ اجلاسوں کے بعد آج مارگلہ گرینڈ مارکی ای الیون اسلام آباد میں مرکزی صدر ایمل ولی خان کی ملک بھر سے آئے ہوئے عوامی نیشنل پارٹی کے رہنماؤں اور عہدیداران کے ہمراہ پریس کانفرنس ۔

26/08/2026

اسلام آباد:
عوامی نیشنل پارٹی کی مرکزی مجلس عاملہ کا اجلاس مرکزی صدر ایمل ولی خان کی صدارت میں منعقد ہوا جس میں ملک بھر سے آئے ہوئے مرکزی ورکنگ کمیٹی کے ارکان نے شرکت کی ۔
اسلام آباد تنظیم کو کامیابی کے ساتھ پروگراموں کے انعقاد پر مبارکباد ۔

26/08/2026

آج اسلام آباد میں عوامی نیشنل پارٹی کی مرکزی مجلس عاملہ کے اجلاس کے موقع پر پارٹی مشران اور دوستوں کی کچھ یادگار تصاویر۔

26/08/2026

26 اگست 2006 — بلوچستان کا یومِ سیاہ

کچھ شخصیات عہدوں سے بڑی ہوتی ہیں، اور شہید نواب اکبر خان بگٹی انہی شخصیات میں شمار ہوتے ہیں۔

قبائلی وقار، سیاسی بصیرت، خودداری، ننگ و ناموس اور اپنی قوم و سرزمین سے وابستگی ان کی شخصیت کے نمایاں پہلو تھے۔ انہوں نے مشکل ترین حالات میں بھی اپنے مؤقف اور اپنے لوگوں کے حقوق کے لیے آواز بلند کی۔

ان کا قد کسی عہدے نے نہیں بنایا، بلکہ ان کے کردار، اصول پسندی اور جدوجہد نے انہیں ایک بلند مقام عطا کیا۔

26 اگست 2006 بلوچستان کی تاریخ کا ایک سیاہ دن ہے۔ آج شہید نواب اکبر خان بگٹی کی برسی کے موقع پر عوامی نیشنل پارٹی انہیں، ان کے کردار، اصولوں اور اپنی قوم کے حقوق کے لیے ان کی جدوجہد کو خراجِ عقیدت پیش کرتی ہے۔

نواب اکبر خان بگٹی کی جدوجہد ہمیں یہ پیغام دیتی ہے کہ اپنے وطن، اپنی قوم اور اپنے اصولوں کے لیے ثابت قدم رہنے والے لوگ جسمانی طور پر رخصت ہو سکتے ہیں، مگر ان کا کردار اور جدوجہد تاریخ میں زندہ رہتے ہیں۔

عوامی نیشنل پارٹی شہید نواب اکبر خان بگٹی کی قومی، سیاسی اور جمہوری جدوجہد کو سلام پیش کرتی ہے۔

"کردار مضبوط ہو تو وقت بھی شکست کھا جاتا ہے،
انسان چلا جاتا ہے، نام باقی رہ جاتا ہے۔"

عوامی نیشنل پارٹی اسلام آباد ضلع غربی
26 اگست 2026

24/08/2026