Bikhro To Khusbhu Ki Tarah بکهروتوخوشبوکیطرح

31/07/2019

‎‫کیسی شدت سے تجھے ھم نے سراھا ، آھا.!!
تیری پرچھائیوں کو بھی ٹُوٹ کے چاھا ، "آھا"

آخری سانس کی لذّت کوئی اُس سے پوچھے.!!
مرتے مرتے بھی جو بیمار کراھا ، " آھا "..

شعر کہنا ھے تو یُوں کہہ کہ ترا دُشمن بھی.!!
دُشمنی بُھول کے چِلا اُٹھے ’’ آھا ، آھا ‘‘ ..

تیری آنکھوں میں کھٹکتا ھے مرے جیسا فقیر.!!
کیسا اعلٰی ترا معیار ھے " شاھا " ، " آھا "

کل مرے حق میں تھا اور آج مخالف ھُوا تُو.!!
کیسے بدلا ھے بیاں تُو نے ، " گواھا " ، " آھا"

آج بھی یاد اگر آئے تو جُھوم اُٹھتا ھوں.!!
ماہِ کامل تھی جبیں، نام تھا " ماھا " ، " آھا "

رحمان فارس

11/07/2019

‎
تجھ کو پانے کی یہ حسرت مجھے لے ڈوبے گی
لگ رہا ہے کہ محبت مجھے لے ڈوبے گی

حالت عشق میں ہوں اور یہ حالت ہے کہ اب
ایک لمحے کی بھی فرصت مجھے لے ڈوبے گی

اب میں سمجھا ہوں کہ یہ درد محبت کیا ہے
یہ ترے پیار کی شدت مجھے لے ڈوبے گی

میری بیتابی دل چین نہ لینے دے گی
تیری خاموش طبیعت مجھے لے ڈوبے گی

تیری آنکھوں کے سمندر میں خیالوں کی طرح
ڈوب جانے کی یہ عادت مجھے لے ڈوبے گی

ڈوبتی نبض کہیں کا نہیں چھوڑے گی مجھے
درد لے ڈوبے گا وحشت مجھے لے ڈوبے گی

تیری آنکھوں کا یہ جادو کہیں لے جائے گا
یہ تری سادہ سی صورت مجھے لے ڈوبے گی

تیرے اشکوں سے کلیجہ مرا کٹ جائے گا
میری حساس طبیعت مجھے لے ڈوبے گی

ہر قدم پر میں ترا بوجھ اٹھاؤں کیسے
زندگی تیری ضرورت مجھے لے ڈوبے گی

جاوید صبا

06/06/2019

وہ میری میت پہ آکھڑا ہے تو رو پڑا ہے
کفن ذرا رخ سے جو ہٹا ہے تو رو پڑا ہے

کہا تھا میں نے جدائیاں مجھ کو مار دینگی
اسے اب آ کے یقیں ہوا ہے تو رو پڑا ہے

مجھے خفا کرکے پھر منانے کو بھی نہ آتا
وہ اب منانے جو آگیا ہے تو رو پڑا ہے

وہ شخص کہتا کہ تیرے جانے کا غم نہ ہوگا
وہی جو مجھ سے جدا ہوا ہے تو رو پڑا ہے

کسی نے پوچھا مِرے حوالے سے جب بھی اس سے
کہاں گیا ہے وہ کیوں گیا ہے تو رو پڑا ہے

وہ تیرا عاشق,وہ تیرا مجنوں,رہا نہیں ہے
کسی نے جب اس سے یہ کہا ہے تو رو پڑا ہے

کہ یوں بھی تھا وہ اداس اور پھر کسی نے پوچھا
تمھاری آنکھوں کو کیا ہوا ہے تو رو پڑا ہے

ہمارے دل کو دکھانے والے کا آج اپنا
بس اک ذرا سا جو دل دُکھا ہے تو رو پڑا ہے

وہ نرم و نازک تو اس قدر ہے کہ جب ہوا نے
اسے ذرا زور سے چھُوا ہے تو رو پڑا ہے

میں سخت جاں ہوں جو اتنے صدموں کو جھیلتا ہوں
اسے تو کانٹا بھی اک چبھا ہے تو رو پڑا ہے

اگر وہ پوچھے اعجاز اب تم سے دل کی حالت
تو کہنا جب جب دھڑک اٹھا ہے تو رو پڑا ہے

شاعر:محمد اعجاز خان

01/08/2018

03/10/2017

19/05/2017

جب توقع ہی اٹھ گئی غالب

کیوں کسی کا گلہ کرے کوئ

13/01/2017

جان لینے کو یہ احساس کہِیں کُچھ کم ہے
پیار مجھ سے تمھیں پہلا سا نہیں، کُچھ کم ہے

شفیق خلؔش

28/12/2016

27/12/2016

#رر