MWM Women Wing Official

18/08/2026

اسلام آباد
مجلس وحدت مسلمین شعبہ خواتین اسلام آباد کے زیر اہتمام رہبر شہید آیت اللہ سید علی خامنہ ای اعلی اللہ مقامہ کے بلندی درجات کے لیے مجلس عزا کا انعقاد الصادق امامبارگاہ جی نائن ٹو اسلام آباد میں کیا گیا۔ جس میں دیگر خواتین ضلع اسلام آباد و راولپنڈی کی یونٹس کابینہ مسئولین نے خصوصی شرکت کی ۔
مجلس عزا کے آغاز میں آقا مہدی کاظمی صاحب نے غیبت امام زمان عج میں وظائف منتظرین کے موضوع پر خطاب کیا ۔
مجلس عزا سے خصوصی خطاب محترمہ معصومہ نقوی مرکزی صدر ایم ڈبلیو ایم وومن ونگ نے کیا جس میں انہوں نے سورہ اعراف آیت نمبر 157 کی روشنی میں نبی مکرم حضرت محمد مصطفی صل اللہ علیہ وآلہ وسلم کی دس خصوصیات اور امت کی چار ذمہ داریوں پر تفصیلی گفتگو کی بعد ازاں رہبر معظم سید علی خامنہ ای کی خدمات پر انہیں خراج تحسین پیش کیا۔
مجلس کے اختتام پر اسلام آباد اور راولپنڈی کی ضلعی کابینہ اور یونٹس صدور سے تفصیلی ملاقات کی جس میں تنظیمی امور میں مسائل کے حل پر مشاورت کی گئ۔ نشست کے اختتام پر تمام خواہران کو مجلہ حریم ولایت کا نیا ایڈیشن ہدیہ کیا۔

03/08/2026

اربعین حسینی ایک نہضت ، ایک تحریک اور ایک حماسہ کا نام ہے جو مسلسل استکباری و استعماری قوتوں کو للکار رہا ہے یہ اربعین کی زیارت سنت شریکۃ الحسین جناب زینب عالیہ سلام اللہ علیھا ہے جنہوں نے یزید اور یزیدیت کو روند ڈالا اور پوری دنیا کی توجہ امام مظلوم کربلا کی طرف مبذول کروائ ، پیغام کربلا کو ہر گلی کوچے میں پھیلا دیا۔ سیدہ معصومہ نقوی

ایم ڈبلیو ایم وومن ونگ کی مرکزی صدر سیدہ معصومہ نقوی نے اربعین شہدائے کربلا کے موقع پر کہا کہ دنیا کے سب سے بڑے اس اجتماع میں نہ صرف شیعہ سنی مسلمان بلکہ سکھ ، ہندو ،عیسائ اور دیگر مزاہب کے لوگ بھی عقیدت و احترام کے ساتھ شرکت کرتے ہیں کیونکہ امام حسین علیہ سلام کی شخصیت آفاقی ہے اور تمام مسالک و مذاہب اپنے اپنے انداز میں سید الاحرار ابا عبداللہ الحسین ع کو خراج تحسین پیش کرتے ہیں۔
انہوں نے کہااربعین کے دن کو زندہ رکھنا، اسے منانا امام حسین علیہ السلام کے عظیم مقصد سے وابستگی کی علامت ہے ۔امام حسین علیہ السلام سے وابستگی آزادی و حریت کا درس دیتی ہے ۔امام حسین علیہ السلام سے وابستگی انسانی اقدار اور اعلی مقاصد کیلئے قربانی کے جذبے کو بیدار رکھتی ہے ،امام حسین علیہ السلام سے وابستگی ظالموں کا خوف دلوں سے ختم کردیتی ہے ۔
ان کا مزید کہنا تھا کہ اربعین حسینی فقط سرزمین عراق تک محدود نہیں رہا بلکہ ایک عالمی نہضت و تحریک کی صورت اختیار کر گیا ہے اور پوری دنیا کے حسینی اربعین کے موقع پر ایک لشکر کی شکل میں گھروں سے باہر نکلتے ہیں اور یہ پیغام دیتے ہیں کہ ہم منتظر و آمادہ ہیں اس الہی رہبر و منجی عالم بشریت کے لیے جو اس پوری دنیا میں ظلم و جور کا خاتمہ کریں گے اور نظام عدل قائم کریں گے ۔

27/07/2026

منہاج القرآن وومن لیگ کی جانب سے منعقدہ سالانہ کانفرنس بعنوان سیدہ زینب سلام اللہ علیہا میں ایم ڈبلیو ایم وومن ونگ کی سربراہ محترمہ سیدہ معصومہ نقوی نے بطور مہمان خصوصی شرکت کی اور خطبہ زینبیہ کو موضوع سخن قرار دیتے ہوئے خطاب کیا۔ کانفرنس کے اختتام پر ضلعی انچارج منہاج القرآن محترمہ عائشہ صاحبہ نے ڈاکٹر طاہر القادری صاحب کی تالیفات ہدیہ کیں۔

08/07/2026

بالآخر شہید رہبر کربلا کے مسافر ہوگئے … 💔🏴

07/07/2026

05/07/2026

تہران
مجلس وحدت مسلمین شعبہ خواتین کی مرکزی صدر محترمہ معصومہ نقوی اور مرکزی سیکرٹری روابط محترمہ زینب بنت الہدی تہران میں عالم اسلام کے عظیم الشان لیڈر رہبر عزیز سید علی حسینی خامنہ ای رح کے با عظمت اور پُر شکوہ نماز جنازہ میں شریک ہوئیں۔

02/07/2026

عالم اسلام کی عظیم ترین شخصیت شہید سید علی خامنہ ای کے جسدِ مبارک کے تہران میں واقع امام خمینی حسینیہ کے قریب الوداعی تقریب میں پہنچنے کا منظر جہاں جنگی شہداء کے اہلِ خانہ شریک تھے۔ انہوں نے اپنی پوری زندگی اسی مقام پر شہداء کے اہل خانہ سے ملاقاتیں کی مگر اس بار وہ خود ایک شہید تھے

18/06/2026

ماہِ محرم الحرام کا چاند کربلا کے ان عظیم شہدا کی یاد لے کر طلوع ہوا ہے جنہوں نے دینِ اسلام کی بقا، عدل و انصاف کے قیام اور ظلم و بربریت کے خلاف اپنے خون کا نذرانہ پیش کیا۔ کربلا صرف ایک تاریخی واقعہ نہیں، بلکہ رہتی دنیا تک مظلوموں کے لیے جرات اور ظالموں کے خلاف احتجاج کا ابدی مکتب ہے۔ سیدہ معصومہ نقوی
خواتینِ ملت کے نام اپنے خصوصی پیغام میں صدر ایم ڈبلیو ایم وومن ونگ محترمہ معصومہ نقوی کا کہنا تھا کہ
معرکۂ کربلا میں جہاں مردوں نے بے مثل قربانیاں دیں، وہی مخدراتِ عصمت و طہارت، بالخصوص سیدہ زینبِ کبریٰ سلام اللہ علیہا اور سیدہ امِ کلثوم سلام اللہ علیہا نے اپنے خطبات اور لازوال استقامت سے یزیدی ملوکیت کے محلوں کو ہلا کر رکھ دیا۔ آج کی دورِ حاضر کی خواتین کے لیے اسوۂ زینبیؑ مشعلِ راہ ہے۔ ہمیں اپنے گھروں، تربیتِ اولاد اور معاشرے میں اسی حسینی و زینبی کردار کو زندہ کرنا ہے تاکہ ہم وقت کے باطل اور یزید کے سامنے سیسہ پلائی ہوئی دیوار بن سکیں۔
محرم الحرام کے ان ایام میں ہمیں بین المسالک ہم آہنگی، رواداری اور باہمی احترام کو فروغ دے کر دشمن کی ہر سازش کو ناکام بنانا ہے۔
عزاداریِ سید الشہداؑ ہماری شہ رگ ہے۔ خواتین مجالس اور جلوسوں کے دوران مکمل حجاب، وقار اور نظم و ضبط کے ساتھ شرکت کر کے مکتبِ کربلا کے حقیقی پیغام کو عام کریں۔
انہوں نے کہا کہ آج جب ہم کربلا کے پیاسے بچوں اور مظلوموں کو یاد کرتے ہیں، تو ہمیں غزہ، فلسطین ، لبنان اور ایران سمیت دنیا بھر کے دیگر مظلوموں کو نہیں بھولنا چاہیے۔ حسینی ہونے کا تقاضا ہے کہ ہم ہر دور کے مظلوم کی آواز بنیں۔ اپنی مجالس میں فکر حسینی کے پاسبان اور راہِ کربلا پر چلتے ہوئے اپنی جانوں کا نذرانہ پیش کرنے والے شہداء اور رہبر عزیز کی شہادت کو نہ بھولیے گا کہ یہی حسینی کردار ہمارے لیے مشعل راہ ہیں ۔ اللہ تعالی ہم سب کو قیام امام حسینؑ ،مقصد امام حسینؑ سمجھنے اور راہ امام حسینؑ پر چلنے کی توفیق عطا فرمائے۔ آمین

10/06/2026

مینار پاکستان کی تازہ ترین صورتحال اور مومنین کو اہم پیغام!!
علامہ سید احمد اقبال رضوی کا پیغام