03/09/2026
عیسیٰ خیل کی بیٹی نے محنت اور عزم کی نئی مثال قائم کر دی
ایک محنت کش باپ کی بیٹی، محدود وسائل کے باوجود 555 میں سے 513 نمبر حاصل کر کے والدین اور پورے عیسیٰ خیل کا سر فخر سے بلند کر گئی۔ ❤️
گورنمنٹ گرلز ہائی اسکول عیسیٰ خیل، میانوالی کی ہونہار طالبہ زنیرہ فیاض نے نویں کلاس (Matric Part-I) کے امتحانات میں شاندار کارکردگی کا مظاہرہ کرتے ہوئے 555 میں سے 513 نمبر حاصل کیے۔
زنیرہ فیاض کے والد محترم محمد فیاض ایک محنت کش انسان ہیں، جو صبح سے شام تک کڑکتی دھوپ میں بکریاں چرا کر حلال رزق کماتے اور اپنے خاندان کی کفالت کرتے ہیں۔ والد کی محنت، قربانی اور حلال کمائی کے سائے میں پرورش پانے والی اس بیٹی نے اپنی محنت، لگن اور تعلیمی جذبے سے ثابت کر دیا کہ کامیابی کے لیے وسائل سے زیادہ حوصلہ، محنت اور عزم ضروری ہے۔
یہ کامیابی صرف زنیرہ فیاض کی کامیابی نہیں بلکہ ان کے والدین کی دعاؤں، قربانیوں اور محنت کا ثمر بھی ہے۔
اس شاندار کامیابی کے سفر میں محترم مصعب الرحمن شاہ صاحب، ٹیوشن ٹیچر کی خصوصی رہنمائی اور انتھک محنت بھی قابلِ تحسین ہے، جنہوں نے زنیرہ کی تعلیمی رہنمائی میں اہم کردار ادا کیا!
آج زنیرہ فیاض کامیابی نے یہ پیغام دیا ہے کہ اگر ارادے مضبوط ہوں تو حالات کی سختیاں منزل کا راستہ نہیں روک سکتیں
ہم زنیرہ فیاض، ان کے والدین، اساتذہ اور پورے خاندان کو اس قابلِ فخر کامیابی پر دل کی گہرائیوں سے مبارکباد پیش کرتے ہیں۔
دعا ہے کہ اللہ تعالیٰ ہماری اس ہونہار بیٹی کو علم و عمل میں مزید ترقی عطا فرمائے، اس کے روشن مستقبل کے دروازے کھولے، والدین کی آنکھوں کی ٹھنڈک بنائے اور اسے زندگی کے ہر میدان میں کامیابی عطا فرمائے۔ آمین یا رب العالمین۔
حوصلہ افزائی کیلئے پوسٹ کو شئیر ضرور کریں
