02/06/2026
حیدرآباد ( )
میئر حیدرآباد کاشف علی شورو کی معاون آلات تقسیم تقریب میں شرکت
میئر حیدرآباد کاشف علی شورو نے ایسوسی ایشن فار بیٹر کمیونٹی ڈیولپمنٹ (ABCD) اور ڈیپارٹمنٹ آف ایمپاورمنٹ آف پرسنز ود ڈس ایبلٹیز (DEPD) حکومتِ سندھ کے زیرِ اہتمام خصوصی افراد میں معاون آلات تقسیم کرنے کی تقریب میں شرکت کی۔ تقریب میں خصوصی افراد کے لیے وہیل چیئرزس اور دیگر معاون آلات تقسیم کیے گئے۔
اس موقع پر میئر حیدرآباد کاشف علی شورو نے خطاب کرتے ہوئے کہا کہ خصوصی افراد معاشرے کا اہم حصہ ہیں اور انہیں باعزت، بااختیار اور سہولیات سے آراستہ زندگی فراہم کرنا ہم سب کی مشترکہ ذمہ داری ہے۔ انہوں نے کہا کہ پاکستان پیپلز پارٹی ہمیشہ سے معاشرے کے کمزور اور محروم طبقات کی خدمت پر یقین رکھتی ہے اور چیئرمین بلاول بھٹو زرداری کے وژن اور حکومتِ سندھ کی کاوشوں کے تحت خصوصی افراد کی فلاح و بہبود کے لیے عملی اقدامات کیے جا رہے ہیں۔
تقریب کے موقع پر فردوس سانگی، ممبر حیدرآباد میونسپل کارپوریشن زیب النساء ملاح، شاھد لغاری، ریاض علی برڑو سمیت دیگر معزز شخصیات بھی موجود تھیں۔
