جے یو پی نورانی حیدرآباد

08/03/2026

غزہ بدر اسلامی تاریخ کا وہ عظیم معرکہ ہے جس نے حق و باطل کے درمیان فیصلہ کن لکیر کھینچ دی ڈاکٹر صاحبزادہ ابوالخیرمحمد زبیر
ایران نے بدر کے سبق پر عمل کرتے ہوئے امریکہ اور اسرائیل کی عسکری طاقت اور قوت کا مقابلہ کر کے پوری دنیا کو حیرت میں ڈالدیا ہے
جمعیت علماء پاکستان و ملی یکجہتی کونسل پاکستان کے سربراہ ڈاکٹر ابوالخیر محمد زبیر نے یومِ بدر اور ولادت علامہ شاہ احمد نورانی ؒکے سلسلے میں منعقدہ افطار ڈنر کی تقریب سے خطاب کرتے ہوئے کہا کہ غزہ بدر اسلامی تاریخ کا وہ عظیم معرکہ ہے جس نے حق و باطل کے درمیان فیصلہ کن لکیر کھینچ دی۔بے سرورسامان مسلمان جب اپنے نبی کے حکم پر جہاد کیلئے نکلے تو اللہ تعالیٰ نے پانچ ہزار فرشتے بھیج کر ان کی مدد فرمائی اور ان کو فتح و نصرت سے سرفراز فرمایا آج بھی بدر کی فتح مسلمانوں کو یہ سبق دے رہی ہے کہ دشمنان اسلام کی کثرت اور اس کی عسکری طاقت سے مرعوب ہونے کی ضرورت نہیں اللہ کے حکم پر دین کی سربلندی کیلئے میدان عمل میں آؤ اللہ تعالیٰ غیب سے تمہاری مدد کرے گا اور فتح وکامرانی تمہارے قدم چوم لے گی علامہ شاہ احمد نورانی ؒ بدر کے اسی سبق پر عمل کرتے ہوئے 2002؁ء میں عصبیتوں کے نام پر مسلمانوں کا خون بہانے والوں کے خلاف میدان عمل میں آئے تو اللہ تعالیٰ نے ان کو یہ عظیم کامیابی عطاء فرمائی کہ ستر کے قریب ایم ایم اے کے نمائندے منتخب ہو کر پارلیمنٹ میں پہنچے انہوں نے ایرانی قوم اور ان کے قائد آیت اللہ علی خامنہ ای کو خراج تحسین پیش کرتے ہوئے کہا کہ انہوں نے بھی بدر کے سبق پر عمل کرتے ہوئے امریکہ اور اسرائیل کی عسکری طاقت اور قوت سے مرعوب ہوئے بغیر ان کا بھرپور مقابلہ کر کے پوری دنیا کو حیرت میں ڈالدیا ہے اور جرأت غیرت اور شجاعت کی ایک تاریخ رقم کردی ہے تمام اسلامی حکومتوں کا فرض بنتا ہے کہ وہ اس اسرائیل ایران جنگ میں ایران کی بھرپور عملی مدد کر کے گریٹ اسرائیل کے منصوبہ سے اپنے آپ کو بچائیں بالخصوص پاکستان ایران کی عملی مدد کرکے پاکستان کے ایٹمی طاقت کو محفوظ بنائے ورنہ ایران کے بعد پاکستان کا نمبر ہے تقریب سے جے یو پی کے مرکزی نائب صدر ناظم علی آرائیں،قاری نیاز احمد نقشبندی،ڈاکٹر یونس دانش، حافظ اشفاق حسین قادری،عبدالروف الوانی،قاری غلام سرورامینی،محمد رضوان شیخ،حافظ ارشاد نقشبندی،ڈاکٹر عارف اللہ شاہ نے بھی خطاب کیاافطار ڈنر میں جماعت اسلامی حیدرآباد کے امیر حافظ طاہرمجید راجپوت،شیعہ علما ء کونسل کے سیدمعظم شاہ نقوی،جے یو پی کے حسین بخش حسینی،پاکستان پیپلز پارٹی کے عبدالقدیر ناغڑایڈووکیٹ،احمد ناغڑ ایڈووکیٹ،جمعیت علماء اسلام (ف) کے حافظ خالد دھامرہ،مولانا احمد خان سیالوی، جماعت اسلامی کے عبدالباسط،انجمن تاجران حیدرآباد کے تقی شیخ،حافظ محمد اکبراختر القادری سمیت مختلف دینی و سیاسی شخصیات، علماء اور کارکنان کی بڑی تعداد نے شرکت کی۔
جاری کردہ میڈیا سیل جمعیت علماء پاکستان

19/09/2025

💫 *الحمدلله کانفرنس کی تیاریاں زور شور سے شروع*🤍

19/09/2025

19/09/2025

آیت اللہ خامنہ ای سے صاحبزادہ ابوالخیرمحمد زبیر کی ملاقات
آیت اللہ خامنہ ای کو ان کی استقامت پر مبارکباد پیش کی
ایران کے شہر تہران میں نبی کریم ﷺ کے1500سالہ جشن ولادت کے موقعہ پر انتالیسوں انٹرنیشنل وحدت امت کانفرنس میں شرکت کے بعد پاکستان پہنچنے پر جمعیت علماء پاکستان و ملی یکجہتی کونسل کے سربراہ ڈاکٹر صاحبزادہ ابوالخیرمحمد زبیر نے کہا ہے کہ بین الاقوامی صورتحال کی روشنی میں یہ کانفرنس انتہائی اہمیت کی حامل تھی یہ کانفرنس امت مسلمہ کے اتحاد کا پیش خیمہ ثابت ہوگی اور اس وقت غزہ فلسطین،کشمیر سمیت عالم اسلام کے خلاف جس بدترین جارحیت کا مظاہرہ کیا جارہا ہے اس کے سدباب کا بھی انشاء اللہ یہ ذریعہ بنے گی انہوں نے کہا کہ یہ کانفرنس ایران اور پاکستان کے درمیان محبتوں اور قربتوں میں مزید اضافہ کا باعث بھی بنے گی انہوں نے کہا کہ حالیہ ایران اسرائیل اور امریکی جنگ میں پاکستان کے عوام اور حکومت کی طرف سے جس طرح ایران کی حمایت کی گئی ہے اور پاکستان میں مختلف مذہبی جماعتوں کے ایک بڑے اتحاد ملی یکجہتی کونسل کی طرف سے ملک میں فرقہ وارانہ ہم آہنگی قائم رکھنے کی جو کوششیں کی گئی ہیں ان کو ایران میں بڑی وقعت اور ستائیش کی نظر سے دیکھا جارہا ہے بلکہ کانفرنس میں کئی بار اس کا اظہار بھی کیا گیا کانفرنس کے سب سے پہلے ابتدائی اہم اجلاس میں جس کے مہمان خصوصی ایرانی صدر جناب مسعود پزشکیان تھے اور مجمع العالمی بین التقریب بین المذہب کے سکریٹری جنرل جناب آقائے حمید شہریاری تھے اور جس اجلاس میں تقریبا 82ملکوں کے اہم ترین لیڈر موجود تھے اس میں اسٹیج پر ایرانی صدر محترم کے ہمراہ ملی یکجہتی کونسل کے سربراہ کو جگہ دی گئی اور تیسری تقریر ان کی کرائی گئی دوسرے دن ایرانی وزیر خارجہ عباس عراقچی کے عشائیہ میں بھی ملی یکجہتی کونسل کے صدر کو خصوصی پروٹوکول دیا گیا۔حتیٰ کے تیسرے دن رہبر معظم آیت اللہ خامنہ ای کو اس اجلاس میں آنا تھا لیکن وہ سیکورٹی وجوہات کی بناء پر نہیں آسکے تو پوری دنیاسے آئے ہوئے 82ملکوں کے ڈھائی ہزارمعززین میں سے صرف چند شخصیات کا انتخاب کیا گیاجن سے آیت اللہ خامنہ ای کی وڈیو ملاقات کرائی گئی جس میں ملی یکجہتی کونسل کے صدرکی حیثیت سے میرانام بھی شامل کیا گیاجو پاکستان سے ایران کے خصوصی تعلقات اور بڑھتی ہوئی محبتوں اور قربتوں کی نشاندھی کرتا ہے میں نے اس ویڈیو ملاقات میں آیت اللہ خامنہ ای کو ایران اسرائیل اور امر یکہ کی جنگ میں بہترین استقامت اور پامردی کا مظاہرہ کرنے پر اپنی، ملی یکجہتی کونسل اور پاکستانی عوام کی طرف سے مبارکباد دی اور پاکستانی قوم کا پیغام پہنچایا کہ پہلے بھی ہم آپ کے ساتھ تھے آج بھی آپ کے ساتھ ہیں اور آئندہ بھی آپ پوری پاکستانی قوم کو اپنے شانہ بشانہ پائیں گے ایران نے اس جنگ میں اسرائیل کے ناقابل تسخیر ہونے کا جو تصور پارہ پارہ کیا ہے اس نے پوری امت مسلمہ کا سر فخر سے بلند کردیا ہے جس پر ہم آپ کو خراج تحسین پیش کرتے ہیں۔
جاری کردہ میڈیا سیل جمعیت علماء پاکستان

07/09/2025

ملک کو آئی ایم ایف کی نہیں، نظامِ مصطفیٰ ﷺ کی ضرورت ہے: صاحبزادہ ابوالخیر محمد زبیر
1965ء کی جنگ میں عوام و افواج پاکستان نے عشقِ مصطفیٰ ﷺ کے جذبے سے دشمن کو شکست دی، 7 ستمبر تحفظ ختم نبوت کا دن ہے
ڈیڑھ ہزار سالہ جشن ولادت مصطفےٰ ﷺ کے موقع پر میلاد مصطفےٰ چوک(کوہ نور حیدرآباد) میں عظیم الشان میلاد مصطفےٰ کانفرنس سے خطاب
حیدرآباد (پریس ریلیز) جمعیت علماء پاکستان اور ملی یکجہتی کونسل کے صدر صاحبزادہ ڈاکٹر ابوالخیر محمد زبیر نے میلاد مصطفےٰ چوک کوہ نور حیدرآباد میں ڈیڑھ ہزار سالہ جشن ولادت مصطفےٰ ﷺ کے موقع پر عظیم الشان میلاد مصطفےٰ کانفرنس سے خطاب کرتے ہوئے کہا کہ پاکستان کے تمام مسائل کا واحد حل نظامِ مصطفیٰ ﷺ کے عملی نفاذ میں ہے آج جشنِ ولادت مصطفےٰ ﷺ کی خوشی، یومِ دفاعِ پاکستان پر افواجِ پاکستان کی بے مثالی کامیابی کی خوشی اور 7 ستمبر یومِ ختم نبوت ﷺ کے تحفظ ختم نبوت کی خوشی ہماری قومی تاریخ کے روشن ابواب ہیں انہوں نے مجاہد ختم نبوت علامہ شاہ احمد نورانی رحمۃ اللہ علیہ کے شاندار کردار پر خراجِ عقیدت بھی پیش کرتے ہوئے کہا کہ 7 ستمبر عقیدہ ختم نبوت کے تحفظ کا دن ہے۔جب پوری قوم نے تحفظِ ناموسِ رسالت ﷺ اور ختمِ نبوت کے قوانین کے دفاع میں یکجہتی کا مظاہرہ کیاتھااور قائد ملت اسلامیہ علامہ شاہ احمد نورانی رحمۃ اللہ علیہ کی قرار داد پر قادیانیوں کو غیر مسلم اقلیت قرار دیا گیاتھا قوم کبھی بھی ناموسِ رسالت ﷺ اور ختمِ نبوت کے تحفظ سے غافل نہیں ہوسکتی۔انہوں نے چیف جسٹس (ر) ثاقب نثار کے فیصلے کا حوالہ دیتے ہوئے کہا کہ یہ عدلیہ کی تاریخ کا واحد فیصلہ ہے جس میں عدلیہ نے اپنی غلطی تسلیم کی اور تحفظ ختم نبوت کے قوانین کو برقرار رکھا یہ قوم کی بیداری اور عشقِ مصطفیٰ ﷺ کا نتیجہ تھا۔صاحبزادہ ابوالخیر محمد زبیر نے کہا کہ قوم آئی ایم ایف اور ورلڈ بینک کے قرضوں کی زنجیروں میں جکڑی ہوئی ہے، جبکہ ملک کرپشن، لوٹ کھسوٹ اور اقربا پروری کا شکار ہے۔ حکمراں عوام کے حقوق پر ڈاکہ ڈال رہے ہیں جس کے نتیجے میں مہنگائی، بیروزگاری اور ناانصافی بڑھتی جارہی ہے۔انہوں نے کہا کہ آپریشن بنیان مرصوص میں پاک فوج کی کامیابیاں لائقِ تحسین ہیں، لیکن پائیدار امن اسی وقت قائم ہوسکتا ہے جب ملک میں نظام مصطفیٰ ﷺ نافذ ہو۔انہو نے کہا کہ جمعیت علماء پاکستان ملک میں نظام مصطفیٰ ﷺ کے عملی نفاذ کی جدوجہد کر رہی ہے، کیونکہ یہی نظام پاکستان کو کرپشن، مہنگائی، لوٹ کھسوٹ اور غلامی سے نجات دلا سکتا ہے۔انہوں نے زور دیتے ہوئے کہا کہ صرف اسلام کا عادلانہ نظام ہی ملک و قوم کو امن، سلامتی اور کامیابی سے ہمکنار کرسکتا ہے جمعیت علماء پاکستان ملک میں نظام مصطفیٰ ﷺ کے عملی نفاذ کی جدوجہد کر رہی ہے، کیونکہ یہی نظام پاکستان کو کرپشن، مہنگائی، لوٹ کھسوٹ اور غلامی سے نجات دلا سکتا ہے۔میلاد مصطفےٰ ﷺ کانفرنس سے جے یو پی کے مرکزی ترجمان ڈاکٹر یونس دانش،نائب صدر ناظم علی آرائیں،قاری نیاز احمد نقشبندی، قاری غلام سرورامینی،محمد رضوان شیخ،ارشاد حسین نقشبندی،ڈاکٹر عارف اللہ شاہ نے بھی خطاب کیا۔ جلسہ گاہ میں جشن عید میلاد النبی ﷺ کے سلسلے میں غیر تسلی بخش انتظامات پر ڈپٹی کمشنر حیدرآباد،زین العابدین میمن،مئیر حیدرآباد کاشف شورو،اور ایس ایس پی حیدرآباد عدیل حسین چانڈیو کی سخت مذمت کرتے ہوئے ضلعی انتظامیہ سے فوری میلاد کمیٹیوں اور جشن ولادت منعقد کرنے والی تنظیمات کا فوری اجلاس طلب کیا جائے اور اس ضمن میں کوتاہی کے مرتکب افراد کا محاسبہ کیا جائے۔اس سے قبل مرکزی میلاد مصطفےٰ ﷺ کا جلوس صاحبزادہ ابوالخیرمحمد زبیر ڈاکٹر یونس دانش،ناظم علی آرائیں،عبدالرحمن راجپوت،علامہ سجاد الحسنی،قاری محمد شریف،علامہ فاروق،قاری نیاز نقشبندی،علامہ ایاز محمود رضوری،حافظ اشفاق حسین قادری،علماء کرام مشائخ عظام سیاسی سماجی سخصیات کی قیادت میں احمد رضا چوک تکونہ پارک ہیرآباد سے روانہ ہوا جو اپنے روایتی راستوں سے ہوتا ہوا میلاد مصطفےٰ چوک)کوہ نور) پر مرکزی جماعت اہلسنت کے زیر اہتمام ایک بہت بڑے جلسہ عام میں ضم ہو گیا جلوس کے شرکاء سیدی مرشدی یانبی یانبی،غلام ۃین غلام ہیں رسول کے غلام ہیں،جونہ ہو عشق مصطفےٰ تو زندگی فضول ہے آمد مصطفےٰ مرحبا مرحبا کی صدائیں لگا رہے تھے.
جاری کردہ:میڈیا سیل، جمعیت علماء پاکستان و ملی یکجہتی کونسل

07/09/2025

حیدرآباد: مرکزی میلاد ریلی سے ڈاکٹر صاحبزادہ ابو الخیر محمد زبیر صاحب کا خطاب

13/08/2025

جشنِ آزادی کے موقع پر قوم پاکستان کو صحیح معنوں میں اسلامی و فلاحی ریاست بنانے کا عزم کرے صاحبزادہ ابوالخیر محمد زبیر
نوجوانوں اپنے کردار، علم اور محنت سے پاکستان کی تعمیر میں بھرپور حصہ لیں، حکمران اپنی ترجیحات عوام کی فلاح اور ملک کی خودمختاری کے تحفظ پر مرکوز کریں
جمعیت علماء پاکستان اور ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے 78ویں جشنِ آزادی کے موقع پر قوم کو مبارکباد دیتے ہوئے کہا ہے کہ 14 اگست صرف خوشی اور جشن کا دن نہیں بلکہ تجدیدِ عہد کا دن ہے کہ ہم اس وطنِ عزیز کو بانیانِ پاکستان کے خوابوں کے مطابق ایک اسلامی، جمہوری اور فلاحی ریاست بنائیں اور آزادی کا حقیقی شکر یہ ہے کہ ہم اپنی انفرادی اور اجتماعی زندگی میں قرآن و سنت کی تعلیمات کو بنیاد بنائیں اور ملک سے کرپشن، ناانصافی، اقرباپروری اور ظلم کا خاتمہ کریں۔انہوں نے کہا کہ پاکستان لاکھوں شہداء کی قربانیوں کا نتیجہ ہے، اس کی حفاظت اور ترقی کے لیے ہمیں متحد ہو کر کام کرنا ہوگا۔ آج وطنِ عزیز کو سیاسی انتشار، معاشی بحران، بدامنی اور بیرونی دباؤ جیسے سنگین چیلنجز کا سامنا ہے، ان حالات میں ہمیں باہمی اختلافات بھلا کر اتحاد و یکجہتی کو مضبوط بنانا ہوگا۔انہوں نے نوجوانوں سے اپیل کی کہ وہ اپنے کردار، علم اور محنت سے پاکستان کی تعمیر میں بھرپور حصہ لیں اور حکمران طبقے سے مطالبہ کیا کہ وہ اپنی ترجیحات عوام کی فلاح اور ملک کی خودمختاری کے تحفظ پر مرکوز کریں، ہم اللہ سے دعا کرتے ہیں کہ پاکستان کو ہر قسم کی اندرونی و بیرونی سازشوں سے محفوظ رکھے، اور اسے دنیا میں اسلام کا مضبوط قلعہ بنائے۔انہوں نے جمعیت علماء پاکستان کے تمام ذمہ داران کو ہدایت کی کہ 14اگست جشن آزادی کے موقع پر جلسے جلوس اور کانفرنسوں کے ساتھ ساتھ شہدائے کیلئے قرآن خوانی محافل میلاد پرچم کشائی تقریبات کاانعقاد بھی کیا جائے تاکہ وطن پر جانثار کرنے والے شہداء کی روحیں خوش ہوں اورپاکستان کو حقیقی اسلامی فلاحی ریاست بنانے کیلئے جدوجہد تیز تر کردیں تاکہ نظام مصطفےٰ کے نفاذ کی حقیقی منزل کو حاصل کیا جاسکے۔
جاری کردہ میڈیا سیل جمعیت علماء پاکستان و ملی یکجہتی کونسل پاکستان

08/06/2025