Central Prison Haripur

05/02/2026

مورخہ: 05 فروری 2026 – سینٹرل جیل ہری پور
انسپکٹر جنرل جیل خانہ جات، جناب ریحان گل خٹک صاحب کی خصوصی ہدایات کی روشنی میں آج سینٹرل جیل ہری پور میں "یومِ یکجہتی کشمیر" بھرپور طریقے سے منایا گیا۔ اس موقع پر کشمیری عوام سے اظہارِ یکجہتی کے لیے جیل اسٹاف کے ہمراہ ایک خصوصی آگاہی واک کا اہتمام کیا گیا اور شہدائے کشمیر کی یاد میں ایک منٹ کی خاموشی اختیار کی گئی۔

یومِ یکجہتی کی مناسبت سے جیل کی مختلف راہداریوں اور عمارتوں پر پاکستان اور کشمیر کے جھنڈے بھی آویزاں کیے گئے تھے۔

ڈپٹی سپرنٹنڈنٹ جیل نے اپنے خطاب میں مسئلہ کشمیر کی تاریخی اہمیت اور پس منظر پر روشنی ڈالی۔ انہوں نے مقبوضہ کشمیر میں جاری بھارتی مظالم کی شدید الفاظ میں مذمت کرتے ہوئے کشمیریوں کی جدوجہدِ آزادی کو خراجِ تحسین پیش کیا۔ تقریب کے اختتام پر مظلوم کشمیری عوام کے حق میں اور ان کی آزادی کے لیے پرجوش نعرے بلند کیے گئے

04/02/2026

٭ آئی جی خیبر پختونخوا پولیس ذوالفقار حمیدسے آئی جی جیل خانہ جات ریحان گل خٹک کی ملاقات۔
٭ جیلوں کی سیکیورٹی اور امن و امان کی صورتحال پر تفصیلی تبادلہ خیال۔
٭ پولیس اور جیل انتظامیہ کے مابین باہمی تعاون مزید مؤثر بنانے پر اتفاق۔
٭ عوام کے جان و مال کے تحفظ کے لیے مربوط اقدامات جاری رکھنے کے عزم کا اظہار۔

انسپکٹر جنرل آف پولیس خیبر پختونخوا ذوالفقار حمید سے انسپکٹر جنرل جیل خانہ جات ریحان گل خٹک نے آج سنٹرل پولیس آفس پشاور میں ملاقات کی۔ وہ کچھ دیر آئی جی پی کے ساتھ رہے اور ان سے صوبے میں امن و امان کی مجموعی صورتحال، پیشہ وارانہ امور،جیلوں کی سیکیورٹی، قیدیوں کیلئے اصلاحی اقدامات اور پولیس و جیل انتظامیہ کے مابین باہمی تعاون کو مزید مؤثر بنانے پر تفصیلی تبادلہ خیال کیا ۔

آئی جی خیبر پختونخوا پولیس ذوالفقار حمید نے جیلوں کی سیکیورٹی کو مزید مضبوط بنانے، غیر معمولی حالات سے نمٹنے، قیدیوں کی نقل و حرکت کے دوران سیکیورٹی انتظامات اور حساس قیدیوں کے حوالے سے پولیس اور جیل انتظامیہ کے درمیان قریبی رابطے اور ہم آہنگی کی ضرورت پر زور دیاتاکہ کسی بھی ناخوشگوار واقعے سے بروقت نمٹا جا سکے۔

آئی جی جیل خانہ جات نے پولیس کی جانب سے جیلوں کی سیکیورٹی اور قانون نافذ کرنے کےحوالے سے کیے گئے اقدامات کو سراہا اور یقین دلایا کہ جیل انتظامیہ بھی قیدیوں کی اصلاح، نظم و ضبط اور سیکیورٹی کے حوالے سے تمام دستیاب وسائل بروئے کار لا رہی ہے۔ملاقات میں صوبے میں امن و امان کے قیام، جیلوں کی مؤثر نگرانی اور عوام کے جان و مال کے تحفظ کے لیے مشترکہ حکمت عملی اپنانے پر اتفاق کیا گیا۔

ملاقات کے اختتام پرانسپکٹر جنرل آف پولیس خیبرپختونخوا ذوالفقار حمید نے آئی جی جیل خانہ جات ریحان گل خٹک کو خیبرپختو نخوا پولیس کی جانب سے اعزازی شیلڈ دی۔

PMRU Khyber Pakhtunkhwa
Directorate General Information & PRs, KP
Chief Minister Khyber Pakhtunkhwa
Chief Secretary Khyber Pakhtunkhwa
Government of Khyber Pakhtunkhwa
Home & Tribal Affairs Department Khyber Pakhtunkhwa

24/01/2026

جیل وارڈرز پوسٹ کی فائنل میرٹ لسٹ ایٹا ویب سائٹ پر اپلوڈ ہو چکی ہیں۔
یاد رہے کہ اس میں جتنی بھی غلطیاں تھیں وہ نکالی جا چکی ہیں۔
اپ تمام امیدواران سے گزارش ہے کہ ایک بار پھر اس کو دیکھ لیں۔
اپنا ڈیٹا وغیرہ صحیح چیک کر لیں۔
اگر پھر بھی کوئی غلطی نظر ائے تو اسے اپنے پاس نوٹ کر لیں انٹرویو کے وقت اس کی درستگی کروا لیں
باقی انشاءاللہ یکم سے پہلے آپ کے انٹرویو سٹارٹ ہو جائیں گے۔
نیچے دیے گئے لنک کے ذریعے اپنی لسٹ ڈاؤن لوڈ کریں۔ شکریہ

Link:-

Educational Testing and Evaluation Agency Roll no slips can be downloaded from here

17/01/2026

انسپکٹر جنرل آف جیل خانہ جات خیبرپختونخوا ریحان گل خٹک صاحب کا سنٹرل جیل ہری پور کا دورہ۔ پی ٹی وی اور ہم نیوز کی رپورٹ۔
Chief Secretary Khyber Pakhtunkhwa

16/01/2026

انسپکٹر جنرل آف پرزنز خیبرپختونخوا، جناب ریحان گل خٹک صاحب کا سنٹرل جیل ہری پور کا دورہ۔ الیکٹرانک میڈیا کوریج

15/01/2026

ہری پور():آئی جی جیل خانہ جات خیبر پختونخوا نے سنٹرل جیل ہری پور کا تفصیلی دورہ کر کے قیدیوں کو فراہم سہولیات اور سیکیورٹی انتظامات کا جائزہ لیا،انسپکٹر جنرل جیل خانہ جات خیبر پختونخوا ریحان گل خٹک نے جمعرات کے روز سنٹرل جیل ہری پور کا تفصیلی دورہ کیا جہاں انہوں نے جیل کے مختلف شعبہ جات کا معائنہ کیا اور قیدیوں کو فراہم کی جانے والی سہولیات کا جائزہ لیا،دورے کا مقصد جیل میں نظم و ضبط،سیکیورٹی،شفافیت اور قیدیوں کی فلاح و بہبود سے متعلق انتظامات کا جائزہ لینا تھا،دورے کے دوران آئی جی جیل خانہ جات نے بیرکس،کچن،ہسپتال،کنٹرول روم،ڈی آر سی اور فیکٹری سمیت مختلف حصوں کا دورہ کر کے فراہم سہولیات اور سیکیورٹی انتظامات کا معائنہ کیا،انہوں نے قیدیوں کی رہائش،صفائی ستھرائی کے نظام،خوراک کے معیار اور طبی سہولیات پر مجموعی طور پر اطمینان کا اظہار کیا،آئی جی جیل خانہ جات کے ہمراہ ڈی آئی جی پریزن نجم عباسی اور دیگر جیل افسران بھی موجود تھے،آئی جی جیل خانہ جات نے جدید کنٹرول روم اور مسنگ فیسیلٹیز کا افتتاح کیا اور جیل انتظامیہ کو ہدایت کی کہ قیدیوں کے بنیادی انسانی حقوق کا ہر صورت تحفظ یقینی بنایا جائے اور اصلاحی و فلاحی سرگرمیوں کو مزید موثر بنایا جائے تاکہ قیدی اپنی سزا مکمل کرنے کے بعد ایک بہتر اور کارآمد شہری بن کر معاشرے میں واپس لوٹ سکیں،اس موقع پر سپرنٹنڈنٹ سنٹرل جیل ہری پور اور قائمقام ڈی آئ جی پرزن ھزارہ ریجن محمد حامد اعظم نے آئی جی جیل خانہ جات کو جیل کے مجموعی انتظامات،درپیش مسائل اور جاری اصلاحاتی اقدامات کے حوالے سے تفصیلی بریفنگ دی،آئی جی نے افسران اور جیل عملے کی کارکردگی کو سراہتے ہوئے کہا کہ محکمہ جیل خانہ جات میں بہتری لانے اور قیدیوں کو بہتر سہولیات فراہم کرنے کے لیے تمام دستیاب وسائل بروئے کار لائے جا رہے ہیں،دورے کے اختتام پر آئی جی جیل خانہ جات نے قیدیوں سے بھی ملاقات کی،ان کے مسائل سنے اور متعلقہ شکایات کے فوری حل کی یقین دہانی کرائی،انہوں نے اس عزم کا اظہار کیا کہ جیلوں کو اصلاحی مراکز بنانے کے لیے اقدامات مزید تیز کیے جائیں گے تاکہ قیدی مثبت تبدیلی کے ساتھ معاشرے کا مفید حصہ بن سکیں۔

15/01/2026

آج مورخہ 15 جنوری 2026ء بروز جمعرات، نو تعینات انسپکٹر جنرل جیل خانہ جات خیبر پختونخوا، جناب ریحان گل خٹک صاحب نے ہمراہ ڈپٹی انسپکٹر جنرل جیل خانہ جات (فائنانس اینڈ پلاننگ) جناب نجم حسین عباسی صاحب سنٹرل جیل ہری پور کا دورہ کیا۔ جیل آمد پر سپرنٹنڈنٹ جیل جناب حامد اعظم صاحب نے آئی جی صاحب کا استقبال کیا اور انہیں جیل کے مختلف شعبہ جات، سیکیورٹی انتظامات اور قیدیوں کی فلاح و بہبود کے حوالے سے جامع بریفنگ دی۔

دورے کے دوران آئی جی جیل خانہ جات نے جیل میں جدید تقاضوں کے مطابق بنائے گئے نئے کنٹرول روم کا باقاعدہ افتتاح کیا۔ اس کے علاوہ انہوں نے "ایڈیشنل مسنگ فیسلیٹیز" (Additional Missing Facilities) منصوبے کے تحت نئے ایڈمن بلاک کے کام کا بھی افتتاح کیا۔

انسپکٹر جنرل نے جیل کے مختلف حصوں کا دورہ کیا جس میں ڈرگ رحبیلیٹیشن سنٹر اور جیل فیکٹری شامل تھے۔ انہوں نے قیدیوں سے براہِ راست ملاقات بھی کی اور انکے مسائل سنے اور موقع پر ہی احکامات جاری کرتے ہوئے یقین دہانی کرائی کہ ان کے جائز مسائل کو جلد از جلد حل کیا جائے گا۔

آئی جی صاحب نے اس موقع پر گفتگو کرتے ہوئے واضح کیا کہ:

"جیل میں موجود قیدیوں کی اخلاقی و سماجی اصلاح کرنا ہمارا اولین مقصد ہے تاکہ وہ رہا ہو کر معاشرے کے کارآمد شہری بن سکیں۔"

جناب ریحان گل خٹک صاحب نے جیل میں جاری ترقیاتی کاموں کے معیار اور نظم و ضبط کو برقرار رکھنے پر سپرنٹنڈنٹ حامد اعظم اور ان کی ٹیم کی کاوشوں کو خوب سراہا۔ انہوں نے ہدایت کی کہ مستقبل میں بھی اسی جذبے کے ساتھ کام جاری رکھا جائے اور
قیدیوں کی سہولیات میں کوئی کسر نہ رکھی جائے۔

PMRU Khyber Pakhtunkhwa
Government of Khyber Pakhtunkhwa
Directorate General Information & PRs, KP
Chief Minister Khyber Pakhtunkhwa
Chief Secretary Khyber Pakhtunkhwa
Home & Tribal Affairs Department Khyber Pakhtunkhwa

13/01/2026

13/01/2026

انسپکٹر جنرل جیل خانہ جات خیبرپختونخواہ، جناب ریحان گل خٹک صاحب (PMS BS -20) نے اپنے عہدے کا چارج سنبھال لیا۔

02/01/2026

**محکمہ جیل خانہ جات خیبر پختونخوا کا اہم اور احسن اقدام**
قیدیوں کو جیلوں سے ہی وزیرِ اعلیٰ خیبر پختونخوا تک براہِ راست رسائی۔ ڈیجیٹل کمپلینٹ مینجمنٹ سسٹم کا اجراء۔

PMRU Khyber Pakhtunkhwa
Government of Khyber Pakhtunkhwa
Directorate General Information & PRs, KP
Chief Minister Khyber Pakhtunkhwa
Chief Secretary Khyber Pakhtunkhwa
Muhammad Sohail Afridi
Home & Tribal Affairs Department Khyber Pakhtunkhwa

01/01/2026

صوبائی حکومت خیبرپختونخوا کی احکامات پر جیلوں میں کھلی کچہری کا انعقاد

PMRU Khyber Pakhtunkhwa
Government of Khyber Pakhtunkhwa
Directorate General Information & PRs, KP
Chief Minister Khyber Pakhtunkhwa
Chief Secretary Khyber Pakhtunkhwa
Muhammad Sohail Afridi

31/12/2025