District Hangu Police

08/06/2026

*فتنہ الخوارج دہشتگردوں کی پولیس گاڑی پر فائرنگ، زیرِ حراست دو ملزمان ہلاک، ایک پولیس اہلکار زخمی*

ہنگو: معصوم بچے کے اغوا، زیادتی اور قتل کے مقدمہ میں گرفتار ملزمان کو عدالت میں پیشی کے بعد جیل منتقل کیا جا رہا تھا کہ راستے میں علاقہ سروزئی کے قریب ابتدائی اطلاعات کے مطابق نامعلوم فتنہ الخوارج دہشتگردوں نے انویسٹی گیشن پولیس کی گاڑی پر اچانک فائرنگ کر دی۔

فائرنگ کے نتیجے میں زیرِ حراست ملزمان دلشاد ولد شریف اور امان اللہ عرف ٹی ٹی پی ولد حمید موقع پر ہلاک ہوگئے، جبکہ پولیس اہلکار کنسٹیبل سفیر الرحمن زخمی ہوگئے۔ واقعے کے دوران پولیس گاڑی کو بھی جزوی نقصان پہنچا۔

واقعے کی اطلاع ملتے ہی پولیس کی بھاری نفری موقع پر پہنچ گئی اور علاقے کو گھیرے میں لے کر سرچ اینڈ کلیئرنس آپریشن شروع کر دیا گیا۔ زخمی پولیس اہلکار کو فوری طور پر طبی امداد کے لیے ہسپتال منتقل کر دیا گیا۔

ڈی پی او ہنگو طارق حبیب خان کی ہدایت پر واقعے کی مختلف پہلوؤں سے تحقیقات جاری ہیں، جبکہ حملہ آوروں کی گرفتاری کے لیے سرچ آپریشن مزید تیز کر دیا گیا ہے۔

06/06/2026

*ڈی پی او ہنگو طارق حبیب خان کا سیدانوں بانڈہ امام بارگاہ کا دورہ — موجودہ سیکیورٹی صورتحال اور حفاظتی انتظامات کا تفصیلی جائزہ لیا*

دورے کے دوران ڈی پی او ہنگو نے سیکیورٹی انتظامات، داخلی و خارجی راستوں اور مجموعی حفاظتی صورتحال کا تفصیلی اور جامع جائزہ لیا۔

ڈی پی او ہنگو نے موقع پر موجود پولیس افسران اور اہلکاروں کو ہدایت جاری کرتے ہوئے کہا کہ عبادت گاہوں اور حساس مقامات کی حفاظت میں کسی قسم کی غفلت یا کوتاہی ہرگز برداشت نہیں کی جائے گی۔

امن و امان کے قیام کے لیے مربوط حکمت عملی کے تحت اقدامات جاری ہیں اور عوام کے تعاون سے ضلع میں پرامن ماحول کو مزید مضبوط بنایا جا رہا ہے۔ *ڈی پی او ہنگو طارق حبیب خان*

06/06/2026

*دہشت گرد ایک بار پھر ناکام؛ عوام کی بروقت اطلاع اور ہنگو پولیس کی فوری کارروائی، خیساری بانڈہ مین ٹل روڈ پر دہشت گردی کی بڑی سازش ناکام، 10 کلو وزنی خطرناک اینٹی ٹینک بم ناکارہ، 02 موٹرسائیکلیں برآمد — ڈی پی او ہنگو طارق حبیب خان*

ہنگو: مقامی شہریوں کی بروقت اطلاع اور ہنگو پولیس کی فوری و مؤثر کارروائی کے نتیجے میں دہشت گردی کی ایک بڑی کوشش ناکام بنا دی گئی۔

تفصیلات کے مطابق علاقہ مکینوں نے مشکوک سرگرمی کی اطلاع فوری طور پر پولیس کو فراہم کی، جس پر ہنگو پولیس نے بروقت کارروائی کرتے ہوئے علاقے کا رخ کیا۔ پولیس کی نقل و حرکت اور پیش قدمی دیکھتے ہی دہشت گرد عناصر بوکھلاہٹ کا شکار ہو گئے اور دم دبا کر رات کی تاریکی اور دشوار گزار پہاڑی راستوں کا سہارا لیتے ہوئے موقع سے فرار ہو گئے۔

پولیس نے موقع پر پہنچ کر سڑک میں نصب ایک عدد اینٹی ٹینک بم (IED) اور دو موٹرسائیکلیں برآمد کر لیں۔

بعد ازاں بم ڈسپوزل اسکواڈ نے انتہائی مہارت اور احتیاط کے ساتھ نصب شدہ دھماکہ خیز مواد کو ناکارہ بنا دیا۔

برآمد ہونے والی موٹرسائیکلوں کی ملکیت اور استعمال کے حوالے سے ویریفکیشن کا عمل جاری ہے جبکہ دہشت گرد عناصر کی شناخت اور گرفتاری کے لیے مختلف پہلوؤں پر تفتیش کا دائرہ وسیع کر دیا گیا ہے۔

ڈی پی او ہنگو طارق حبیب خان نے عوام کے تعاون کو اس کامیاب کارروائی کی بنیاد قرار دیتے ہوئے کہا کہ باشعور شہریوں نے بروقت اطلاع دے کر ایک بڑے سانحے کو ٹالنے میں اہم کردار ادا کیا۔ انہوں نے کہا کہ پولیس اور عوام کے درمیان مضبوط رابطہ ہی دہشت گردی کے خلاف جنگ میں کامیابی کی ضمانت ہے۔

05/06/2026

04/06/2026

*میرٹ اور شفافیت کی بنیاد پر ترقیوں کا سلسلہ جاری، ہنگو پولیس کے 05 اہلکار ہیڈ کانسٹیبل بنا دیے گئے ڈی پی او ہنگو طارق حبیب خان نے ترقی کے بیجز لگا کر مبارکباد دی*

ہنگو: ریجنل پولیس آفیسر کوہاٹ عرفان طارق کے وژن اور خیبر پختونخوا پولیس کی ویلفیئر پالیسی کے تحت افسران و اہلکاروں کی ترقی اور فلاح و بہبود سے متعلق امور ترجیحی بنیادوں پر نمٹائے جا رہے ہیں۔ اسی سلسلے میں پروموشن سرکل کی تکمیل اور ڈیپارٹمنٹل پروموشن کمیٹی کی منظوری کے بعد ضلع ہنگو کے 05 پولیس اہلکاروں کو ہیڈ کانسٹیبل کے عہدے پر ترقی دے دی گئی۔

ترقی پانے والے اہلکاروں میں محمد بلال، انتظار حسین، نور محمد، محمد فیاض اور مصائب علی شامل ہیں۔ تمام قانونی تقاضے، قواعد و ضوابط اور سروس ریکارڈ کی جانچ پڑتال مکمل ہونے کے بعد ڈیپارٹمنٹل پروموشن کمیٹی کی باقاعدہ توثیق سے ترقی کے احکامات جاری کیے گئے۔

اس موقع پر ڈی پی او ہنگو طارق حبیب خان (PSP, QPM) نے ترقی پانے والے اہلکاروں کو نئے عہدے کے بیجز لگائے اور انہیں دلی مبارکباد پیش کی۔ انہوں نے کہا کہ انسپکٹر جنرل آف پولیس خیبر پختونخوا کے وژن کے مطابق محکمہ پولیس میں ترقی کے عمل کو مزید شفاف، تیز رفتار اور میرٹ پر استوار بنایا گیا ہے تاکہ اہل اور محنتی اہلکاروں کی حوصلہ افزائی یقینی بنائی جا سکے۔

ڈی پی او ہنگو نے ترقی پانے والے اہلکاروں کو مبارکباد دیتے ہوئے اس توقع کا اظہار کیا کہ وہ اپنی پیشہ ورانہ ذمہ داریوں کو مزید جذبے، لگن اور ایمانداری کے ساتھ انجام دیتے ہوئے محکمہ پولیس کی نیک نامی اور عوام کے اعتماد میں اضافے کا باعث بنیں گے۔

03/06/2026

02/06/2026

*خاتون پر تشدد اور غیر انسانی سلوک کا واقعہ، ڈی پی او ہنگو طارق حبیب خان (PSP, QPM) کا فوری نوٹس، ملزم گرفتار، مقدمہ درج*

تفصیلات کے مطابق شیر محمد ولد نیاز محمد سکنہ کچ بانڈہ ہنگو نے اپنی اہلیہ کو مبینہ طور پر جسمانی تشدد کا نشانہ بنایا اور اس کی عزتِ نفس مجروح کرتے ہوئے اس کا سر بھی منڈوا دیا۔ اطلاع موصول ہوتے ہی ڈی پی او ہنگو نے ایس ایچ او سٹی فیاض خان کو فوری گرفتاری اور قانونی کارروائی یقینی بنانے کی ہدایت جاری کی۔

احکامات پر عمل درآمد کرتے ہوئے ایس ایچ او تھانہ سٹی فیاض خان نے پولیس نفری کے ہمراہ کارروائی کر کے نامزد ملزم کو گرفتار کر لیا۔ ملزم کے خلاف دفعات 506، 337-A(vii) اور 337-I کے تحت مقدمہ درج کر کے مزید تفتیش جاری ہے۔

خواتین کے خلاف تشدد، ہراسانی اور عزتِ نفس کو ٹھیس پہنچانے جیسے اقدامات ناقابلِ برداشت ہیں۔ قانون شکنی میں ملوث افراد کے خلاف بلاامتیاز کارروائی کی جائے گی۔ *(ڈی پی او ہنگو طارق حبیب خان)*

26/05/2026

عیدالاضحیٰ کے موقع پر شہدائے پولیس کے اہل خانہ کو نہ بھولنے کی روشن روایت، ڈی پی او ہنگو طارق حبیب خان (QPM, PSP) کا مختلف شہداء کے گھروں کا دورہ، لواحقین کو خراجِ عقیدت اور مکمل تعاون کی یقین دہانی

ڈی پی او ہنگو طارق حبیب خان (QPM, PSP) کی خصوصی ہدایات پر عیدالاضحیٰ کے موقع پر ضلع بھر میں شہدائے پولیس کے اہل خانہ سے ملاقاتوں اور ان کی دلجوئی کا سلسلہ جاری رہا۔ اس سلسلے میں تمام ایس ڈی پی اوز نے اپنے اپنے سرکلز میں شہداء کے گھروں کے دورے کئے جبکہ ڈی پی او ہنگو طارق حبیب خان نے بذاتِ خود بھی مختلف شہداء کے گھروں کا دورہ کرکے اہل خانہ، بچوں اور ورثاء سے ملاقاتیں کیں۔

اس موقع پر پولیس افسران نے شہدائے پولیس کی عظیم قربانیوں کو زبردست الفاظ میں خراجِ عقیدت پیش کرتے ہوئے کہا کہ وطن عزیز کے امن، عوام کے جان و مال کے تحفظ اور دہشتگردی کے خلاف جنگ میں شہداء کی قربانیاں ناقابلِ فراموش ہیں۔

شہداء کے ایصالِ ثواب، بلندیٔ درجات اور ملک میں امن و استحکام کیلئے خصوصی دعائیں بھی کی گئیں۔

ڈی پی او ہنگو نے شہداء کے اہل خانہ کی خیریت دریافت کی، ان کے مسائل سنے اور انہیں یقین دلایا کہ ہنگو پولیس اپنے شہداء کے خاندانوں کو کبھی تنہا نہیں چھوڑے گی۔ انہوں نے اس موقع پر کہا کہ شہدائے پولیس کے لواحقین ہمارے اپنے خاندان کا حصہ ہیں، ہنگو پولیس کے دفاتر اور تمام تھانہ جات کے دروازے آپ کیلئے ہر وقت کھلے ہیں، اور کسی بھی مشکل یا ضرورت کی صورت میں پولیس آپ کے شانہ بشانہ موجود رہے گی۔

عیدالاضحیٰ کی مناسبت سے شہداء کے بچوں اور لواحقین میں خصوصی تحائف اور عیدی بھی تقسیم کی گئی۔

ڈی پی او ہنگو طارق حبیب خان کا کہنا تھا کہ شہدائے پولیس ہمارا فخر، ہمارا سرمایہ اور قوم کے اصل ہیروز ہیں۔ ان کی لازوال قربانیوں کی بدولت آج ملک میں امن قائم ہے اور عوام سکون کی زندگی گزار رہے ہیں۔ انہوں نے کہا کہ شہداء کے اہل خانہ کی عزت، فلاح و بہبود اور خوشیوں میں شریک ہونا ہنگو پولیس کی ذمہ داری ہی نہیں بلکہ ایک مقدس فریضہ ہے، جسے ہر صورت جاری رکھا جائے گا۔

26/05/2026

*عیدالاضحیٰ کی آمد پر ہنگو ٹریفک پولیس الرٹ، ڈی پی او ہنگو طارق حبیب خان (QPM, PSP) کی خصوصی ہدایات پر بازاروں، چوکوں اور مویشی منڈیوں میں ٹریفک کی روانی برقرار رکھنے کیلئے خصوصی ڈیپلائمنٹ، ڈی ایس پی ٹریفک ثواب علی خان کی قیادت میں ٹریفک اہلکار متحرک*

عیدالاضحیٰ کی آمد کے پیش نظر شہریوں کو آمدورفت میں سہولت فراہم کرنے، بازاروں اور مویشی منڈیوں میں بڑھتے ہوئے رش کو مؤثر انداز میں کنٹرول کرنے اور ٹریفک کی روانی برقرار رکھنے کیلئے ہنگو ٹریفک پولیس پوری طرح متحرک ہے۔

اس سلسلے میں ڈی ایس پی ٹریفک ثواب علی خان کی قیادت میں ٹریفک اہلکار ضلع بھر کے مختلف بازاروں، چوکوں اور اہم شاہراہوں پر پوری جانفشانی، جذبے اور ذمہ داری کے ساتھ اپنے فرائض سرانجام دے رہے ہیں

جبکہ تمام ایس ڈی پی اوز بھی اپنے اپنے سرکلز میں ٹریفک کی روانی برقرار رکھنے اور شہریوں کو زیادہ سے زیادہ سہولیات فراہم کرنے کیلئے فیلڈ میں متحرک ہیں۔

ڈی ایس پی ٹریفک ثواب علی خان نے شہریوں سے اپیل کی کہ وہ ٹریفک قوانین کی پابندی کریں، غیر ضروری پارکنگ اور تجاوزات سے اجتناب کریں اور ہنگو پولیس کے ساتھ تعاون جاری رکھیں تاکہ عیدالاضحیٰ کے موقع پر پُرامن، منظم اور خوشگوار ماحول کو یقینی بنایا جا سکے۔

25/05/2026

*قیامِ امن کیلئے جانوں کا نذرانہ پیش کرنے والے شہدائے پولیس کو خراجِ عقیدت، عیدالاضحیٰ کے موقع پر ڈی پی او ہنگو طارق حبیب خان (QPM, PSP) کی خصوصی ہدایت پر ضلع بھر میں شہداء کے خاندانوں سے ملاقاتوں کا سلسلہ جاری*

ڈی پی او ہنگو طارق حبیب خان کی خصوصی ہدایات پر عیدالاضحیٰ کے موقع پر ضلع بھر کے تمام ایس ڈی پی اوز نے متعلقہ ایس ایچ اوز کے ہمراہ شہدائے پولیس کے گھروں کا دورہ کیا، جہاں انہوں نے شہداء کے اہل خانہ، بچوں اور ورثاء سے ملاقاتیں کیں۔ اس موقع پر شہداء کی لازوال قربانیوں کو زبردست خراجِ عقیدت پیش کرتے ہوئے ان کے درجات کی بلندی اور ملک میں پائیدار امن کیلئے خصوصی دعائیں بھی کی گئیں۔

پولیس افسران نے شہداء کے بچوں اور لواحقین کی خیریت دریافت کی، ان کے مسائل سنے اور انہیں ہر ممکن تعاون کی یقین دہانی کرائی۔ عیدالاضحیٰ کے موقع پر شہداء کے اہل خانہ میں خصوصی تحائف اور عیدی بھی تقسیم کی گئی تاکہ انہیں اس خوشی کے موقع پر تنہا محسوس نہ ہونے دیا جائے۔

ڈی پی او ہنگو طارق حبیب خان کا کہنا ہے کہ شہدائے پولیس کی عظیم قربانیاں محکمہ پولیس کا سرمایۂ افتخار ہیں۔ وطن عزیز میں امن و امان کے قیام، عوام کے جان و مال کے تحفظ اور دہشتگردی کے خلاف جنگ میں شہداء کی بے مثال خدمات ہمیشہ سنہری حروف میں یاد رکھی جائیں گی۔

انہوں نے مزید کہا کہ شہداء کے بچوں کی کفالت، بہترین تعلیم و تربیت اور ان کی ہر ممکن حوصلہ افزائی ہنگو پولیس کی اولین ذمہ داری ہے۔ ہنگو پولیس اپنے شہداء کے اہل خانہ کی عزت، تکریم، فلاح و بہبود اور خوشیوں میں شرکت کو ہر صورت یقینی بناتی رہے گی اور ہر مشکل گھڑی میں ان کے شانہ بشانہ کھڑی رہے گی۔