WASA Hafizabad

13/06/2026

13/06/2026

شدید بارش کے بعد مینیجنگ ڈائریکٹر واسا حافظ آباد جناب بلال فیروز جوئیہ کی ہدایات پر واسا حافظ آباد کا آپریشن اسٹاف فوری طور پر متحرک ہو گیا۔ شہر کے مختلف نشیبی اور پانی جمع ہونے والے علاقوں میں نکاسی آب کا کام ہنگامی بنیادوں پر انجام دیا گیا تاکہ شہریوں کو آمد و رفت میں کسی قسم کی دشواری کا سامنا نہ کرنا پڑے۔

واسا حافظ آباد کی ٹیم نے فیلڈ میں موجود رہتے ہوئے بارش کے پانی کی بروقت نکاسی کو یقینی بنایا اور مختلف مقامات پر مشینری و افرادی قوت کے ذریعے جمع شدہ پانی کو صاف کیا۔ واسا حافظ آباد شہریوں کو بہتر اور بروقت سہولیات کی فراہمی کے لیے ہر وقت کوشاں ہے اور مون سون سیزن کے دوران کسی بھی ہنگامی صورتحال سے نمٹنے کے لیے مکمل طور پر تیار ہے۔

12/06/2026

منیجنگ ڈائریکٹر واسا حافظ آباد بلال فیروز جوئیہ صاحب کی ہدایات پر واسا حافظ آباد کا آپریشن اسٹاف شہر کے اہم اور حساس مقامات پر ہائی الرٹ ہے۔

ممکنہ بارشوں اور نکاسی آب کے نظام کو مؤثر رکھنے کے لیے تمام فیلڈ ٹیمیں متحرک ہیں اور شہر کے مختلف اہم پوائنٹس پر مسلسل نگرانی کر رہی ہیں۔ واسا حافظ آباد کی مشینری اور عملہ کسی بھی ہنگامی صورتحال سے نمٹنے کے لیے مکمل طور پر تیار ہے تاکہ شہریوں کو بہترین سہولیات فراہم کی جا سکیں۔

منیجنگ ڈائریکٹر بلال فیروز جوئیہ صاحب نے متعلقہ افسران اور فیلڈ اسٹاف کو ہدایت کی ہے کہ سیوریج اور نکاسی آب سے متعلق کسی بھی شکایت کا فوری ازالہ یقینی بنایا جائے اور شہریوں کو بارش کے دوران کسی قسم کی دشواری کا سامنا نہ کرنا پڑے۔

واسا حافظ آباد عوامی خدمت کے جذبے کے تحت شہریوں کو بہتر اور بروقت سہولیات فراہم کرنے کے لیے ہمہ وقت کوشاں ہے۔

11/06/2026

واسا حافظ آباد — عوام کی خدمت میں ہمہ وقت کوشاں

سیوریج سے متعلق شکایات
شہر میں سیوریج لائن، بند مین ہول، گندا پانی کھڑا ہونے، یا نکاسیٔ آب سے متعلق کسی بھی مسئلے کی صورت میں درج ذیل نمبروں پر اپنی شکایت درج کروائیں:

📞 رابطہ نمبرز:
• 0300 9501334
• 1334

براہِ کرم شکایت درج کرواتے وقت اپنا نام، مکمل پتہ اور مسئلے کی نوعیت واضح طور پر بتائیں تاکہ بروقت کارروائی کی جا سکے۔

10/06/2026

منیجنگ ڈائریکٹر واسا حافظ آباد جناب بلال فیروز جوئیہ نے آج علی پور روڈ اور ساگر روڈ کا دورہ کیا۔ اس موقع پر انہوں نے پنجاب ڈویلپمنٹ پروگرام کے تحت جاری ترقیاتی منصوبوں کا تفصیلی معائنہ کیا اور کام کی رفتار و معیار کا جائزہ لیا۔

جناب بلال فیروز جوئیہ نے کہا کہ وزیراعلیٰ پنجاب محترمہ مریم نواز شریف کے ویژن کے مطابق حافظ آباد میں ترقیاتی منصوبوں کی بروقت تکمیل اور عوامی سہولیات کی فراہمی اولین ترجیح ہے۔ انہوں نے متعلقہ عملے کو ہدایت کی کہ تمام منصوبوں کی مسلسل نگرانی کی جائے اور کام کے معیار پر کوئی سمجھوتہ نہ کیا جائے۔

واسا حافظ آباد شہریوں کو بہتر انفراسٹرکچر، نکاسی آب کے مؤثر نظام اور ترقیاتی منصوبوں کی کامیاب تکمیل کے لیے بھرپور اقدامات جاری رکھے ہوئے ہے۔

10/06/2026

منیجنگ ڈائریکٹر واسا حافظ آباد، جناب بلال فیروز جوئیہ نے آج ڈائریکٹر واسا حافظ آباد اور ایس ڈی او حسن ٹاؤن کے ہمراہ باغ روڈ محلہ حسن ٹاؤن کا دورہ کیا۔ دورے کے دوران سیوریج سے متعلق مسائل کا تفصیلی جائزہ لیا گیا۔

موقع پر متعلقہ عملے نے بریفنگ دیتے ہوئے بتایا کہ بعض دکاندار اور اہلِ محلہ کوڑا کرکٹ اور ٹھوس فضلہ سیوریج لائنوں اور مین ہولز میں پھینک دیتے ہیں، جس کی وجہ سے لائنیں بند ہو جاتی ہیں اور نکاسی آب کے مسائل جنم لیتے ہیں۔

اس موقع پر منیجنگ ڈائریکٹر واسا حافظ آباد جناب بلال فیروز جوئیہ نے شہریوں سے اپیل کی کہ کوئی بھی ادارہ عوام کے تعاون کے بغیر کامیاب نہیں ہو سکتا۔ حافظ آباد کو صاف ستھرا اور خوبصورت رکھنا ہم سب کی مشترکہ ذمہ داری ہے۔ تمام ذمہ دار شہریوں سے گزارش ہے کہ کوڑا کرکٹ سیوریج لائنوں، نالوں اور مین ہولز میں ہرگز نہ پھینکیں تاکہ نکاسی آب کا نظام بہتر انداز میں کام کرتا رہے۔

منیجنگ ڈائریکٹر نے واسا کے آپریشن سٹاف کو ہدایت جاری کی کہ مذکورہ مسئلے کو ہنگامی بنیادوں پر حل کیا جائے تاکہ علاقہ مکینوں کو فوری ریلیف فراہم کیا جا سکے اور سیوریج نظام کو مؤثر بنایا جا سکے۔



Maryam Nawaz Sharif
Saira Afzal Tarar
Govt of Punjab
PUNJAB WASA
Deputy Commissioner Hafizabad

08/06/2026

06/06/2026

وزیراعلیٰ پنجاب محترمہ مریم نواز شریف کے وژن "ستھرا پنجاب، بہتر پنجاب" اور مینیجنگ ڈائریکٹر واسا حافظ آباد جناب بلال فیروز جوئیہ کی ہدایات پر واسا حافظ آباد کی آپریشن ٹیم شہر بھر میں ڈی سلٹنگ کا کام بھرپور انداز میں جاری رکھے ہوئے ہے۔

مون سون سیزن سے قبل سیوریج لائنوں، ڈرینوں اور مین ہولز کی صفائی کا مقصد بارشوں کے دوران نکاسی آب کے نظام کو مؤثر بنانا اور شہریوں کو کسی بھی قسم کی پریشانی سے محفوظ رکھنا ہے۔

واسا حافظ آباد کا عملہ جدید مشینری اور بھرپور محنت کے ساتھ مختلف علاقوں میں صفائی اور ڈی سلٹنگ کے کام سرانجام دے رہا ہے تاکہ شہریوں کو صاف ستھرا ماحول اور بہتر سہولیات فراہم کی جا سکیں۔

واسا حافظ آباد عوامی خدمت کے جذبے کے تحت شہریوں کو بہترین سہولیات کی فراہمی کے لیے ہمہ وقت کوشاں ہے۔