05/03/2026
بسم اللہ الرحمن الرحیم
موضوع: گورنمنٹ پرائمری اسکول چک نمبر 285 کو اپ گریڈ کرنے کی درخواست
محترم جناب،
عرض ہے کہ ہمارا گاؤں چوکا نمبر 285 ایک تاریخی اہمیت کا حامل گاؤں ہے۔ ہمارے گاؤں کا گورنمنٹ پرائمری اسکول سن 1905 میں قائم ہوا تھا۔ اس اسکول کی عمارت پر اُس دور کے اساتذہ کے نام بھی درج ہیں، جو ہمارے لیے باعثِ فخر ہیں۔
افسوس کی بات یہ ہے کہ 1905 سے لے کر اب تک، یعنی تقریباً 121 سال گزر جانے کے باوجود، یہ اسکول آج بھی صرف پانچویں جماعت تک محدود ہے۔ گاؤں کے بچوں کو چھٹی جماعت اور اس سے آگے کی تعلیم حاصل کرنے کے لیے دوسرے گاؤں یا دور دراز علاقوں میں جانا پڑتا ہے، جس سے انہیں شدید مشکلات کا سامنا کرنا پڑتا ہے۔
لہٰذا آپ سے مؤدبانہ گزارش ہے کہ ہمارے گاؤں کے اس تاریخی اسکول کو مڈل (آٹھویں جماعت) یا ہائی (دسویں جماعت) تک اپ گریڈ کیا جائے تاکہ ہمارے بچوں کو بہتر اور آسان تعلیمی سہولیات میسر آ سکیں۔
ہم امید کرتے ہیں کہ آپ ہماری اس جائز اور تعلیمی مفاد میں کی گئی درخواست پر ہمدردانہ غور فرمائیں گے اور جلد مثبت اقدام اٹھائیں گے۔
والسلام
اہلِ علاقہ
چک نمبر 285 ج ب
