Commissioner Gilgit Division

25/08/2026

23/08/2026

گلگت: شمشال مائنز اور این او سی کے اجراء سے متعلق اجلاس آج کمشنر گلگت ڈویژن جناب توقیر حیدر کاظمی کی زیر صدارت کمشنر آفس گلگت میں منعقد ہوا، جس میں چینی وفد، شمشال کمیونٹی کے نمائندگان، ڈپٹی کمشنر ہنزہ، او سی آئی ڈبلیو ہنزہ، ڈائریکٹر EPA، ڈی ایف او وائلڈ لائف ہنزہ اور محکمہ جنگلات کے نمائندگان نے شرکت کی۔

اجلاس میں شمشال کمیونٹی کی جانب سے ماحولیاتی اور جنگلی حیات سے متعلق تحفظات کا اظہار کیا گیا۔ اجلاس نے متفقہ طور پر قرار دیا کہ این او سی کے اجراء سے قبل ماحولیاتی، جنگلی حیات اور ماحولیاتی نظام سے متعلق تمام تحفظات کا مناسب جائزہ ضروری ہے۔

اجلاس میں فیصلہ کیا گیا کہ Initial Environmental Examination Report (IEER) این او سی کی کارروائی کے لیے لازمی پیشگی شرط ہوگی، جبکہ متعلقہ کمپنی کو ماہر ماحولیاتی کنسلٹنٹس کے ذریعے رپورٹ تیار کروانے اور تمام مقررہ ماحولیاتی حفاظتی اقدامات اور SOPs پر مکمل عملدرآمد کی ہدایت کی گئی۔

مزید برآں، این او سی پر کارروائی تمام قانونی، ماحولیاتی، جنگلی حیات اور دیگر متعلقہ تقاضے مکمل ہونے کے بعد ہی کی جائے گی، جبکہ ڈپٹی کمشنر ہنزہ کو تمام متعلقہ فریقین کے درمیان رابطہ کاری جاری رکھنے کی ذمہ داری سونپی گئی۔

کمشنر گلگت ڈویژن نے واضح کیا کہ شمشال وادی کے حساس ماحولیاتی نظام اور جنگلی حیات کے مسکن کو نقصان پہنچائے بغیر ہی معاشی سرگرمیوں کو آگے بڑھایا جائے گا اور معاملہ تمام متعلقہ قوانین و ضوابط کے مطابق نمٹایا جائے گا۔

14/08/2026

یومِ آزادی 🇵🇰

14 اگست ہمیں اُس عظیم جدوجہد، عزم اور قربانی کی یاد دلاتا ہے جس کے نتیجے میں پاکستان ایک آزاد مملکت کے طور پر دنیا کے نقشے پر ابھرا۔

آج ہم قائداعظم محمد علی جناحؒ، علامہ محمد اقبالؒ، مادرِ ملت محترمہ فاطمہ جناحؒ، تحریکِ آزادی کے تمام رہنماؤں و مجاہدین اور شہدائے وطن کو خراجِ عقیدت پیش کرتے ہیں، جن کی قربانیوں نے ہمیں آزادی کی نعمت عطا کی۔

اس موقع پر ہم پاک فوج اور دیگر قانون نافذ کرنے والے اداروں کے ان بہادر جوانوں کو بھی سلام پیش کرتے ہیں جو قیامِ پاکستان کے بعد سے وطن کی آزادی، خودمختاری، سلامتی اور امن کے تحفظ کے لیے اپنی جانوں کا نذرانہ پیش کرتے آئے ہیں۔ ان شہداء کی قربانیاں ہمارے پُرامن مستقبل اور قومی آزادی کی حفاظت کی روشن مثال ہیں۔

آئیے آج عہد کریں کہ ہم پاکستان کی سلامتی، خودمختاری، ترقی، خوشحالی اور قومی یکجہتی کے لیے اپنا بھرپور کردار ادا کریں گے۔

اللہ تعالیٰ پاکستان کو ہمیشہ امن، استحکام اور ترقی عطا فرمائے اور ہمارے شہداء کے درجات بلند فرمائے۔ آمین۔

پاکستان زندہ باد! 🇵🇰

تو قیر حیدر کاظمی
کمشنر گلگت ڈویژن
Office of the Chief Secretary, Gilgit Baltistan Chief Minister Gilgit-Baltistan ISPR Information Department Gilgit-Baltistan

13/08/2026

اسماعیلی ریجنل کونسل کے ایک معزز وفد نے AIG (ر) اعظم خان کی سربراہی میں کمشنر گلگت ڈویژن جناب توقیر حیدر کاظمی سے ملاقات کی۔ اس موقع پر وفد نے ہز ہائنس پرنس رحیم آغا خان کے دورۂ گلگت ڈویژن کے دوران ڈویژنل انتظامیہ کی جانب سے بہترین انتظامات، مؤثر رابطہ کاری اور مثالی تعاون پر کمشنر گلگت ڈویژن اور انتظامیہ کی کاوشوں کو سراہا۔

وفد نے انتظامیہ کی خدمات اور تعاون کے اعتراف میں کمشنر گلگت ڈویژن کو تعریفی سند بھی پیش کی۔ وفد نے اس امر پر اطمینان کا اظہار کیا کہ تمام متعلقہ اداروں کے باہمی تعاون اور مؤثر انتظامی اقدامات کے باعث معزز مہمان کے دورے کو احسن اور کامیاب انداز میں مکمل کیا گیا۔

کمشنر گلگت ڈویژن نے اس اعتراف و حوصلہ افزائی پر وفد کا شکریہ ادا کرتے ہوئے کہا کہ عوامی خدمت، مؤثر انتظامی روابط اور معزز مہمانوں کے دوروں کے دوران بہترین سہولیات و انتظامات کی فراہمی انتظامیہ کی اولین ترجیحات میں شامل ہے۔

07/08/2026

اسسٹنٹ کمشنر (UT) گلگت اور حال ہی میں اسسٹنٹ کمشنر سکردو تعینات ہونے والے کیپٹن (ر) حارث احمد نے کمشنر گلگت ڈویژن توقیر حیدر کاظمی سے الوداعی ملاقات کی۔

اس موقع پر کمشنر گلگت نے کیپٹن (ر) حارث احمد کو سکردو میں نئی ذمہ داریاں ملنے پر مبارکباد دی اور ان کے لیے نیک تمناؤں کا اظہار کرتے ہوئے امید ظاہر کی کہ وہ اپنی پیشہ ورانہ صلاحیتوں اور عوامی خدمت کے جذبے سے نئی ذمہ داریوں میں بھی نمایاں کارکردگی کا مظاہرہ کریں گے۔

اس موقعے پر کمشنر گلگت ڈویژن نے کیپٹن (ر) حارث احمد کو ایک یادگاری سووینئر دی اور ان کے لیے نیک خواہشات کا اظہار کیا۔

07/08/2026

کمشنر گلگت ڈویژن توقیر حیدر کاظمی نے سیکٹر ہیڈکوارٹرز ایس سی او گلگت کا دورہ کیا، جہاں انہوں نے سیکٹر کمانڈر ایس سی او سے ملاقات کی۔

ملاقات کے دوران گلگت ڈویژن میں مجموعی ٹیلی کمیونیکیشن، انٹرنیٹ اور کنیکٹیویٹی سے متعلق امور پر تفصیلی تبادلہ خیال کیا گیا۔ کمشنر نے بالخصوص ضلع نگر میں فائبر آپٹک سروس کی فراہمی کی ضرورت پر زور دیتے ہوئے کہا کہ عوام کو معیاری اور بلا تعطل انٹرنیٹ سہولیات کی فراہمی وقت کی اہم ضرورت ہے۔

سیکٹر کمانڈر ایس سی او نے کمشنر کو یقین دہانی کرائی کہ گلگت ڈویژن میں جہاں بھی کنیکٹیویٹی کو مزید بہتر بنانے کی ضرورت ہوگی، وہاں ضروری اقدامات کیے جائیں گے۔ انہوں نے مزید بتایا کہ ضلع نگر میں ایئر فائبر سروس بھی فراہم کی جائے گی تاکہ عوام کو بہتر اور تیز رفتار انٹرنیٹ سہولت میسر آ سکے۔

کمشنر گلگت نے ایس سی او کی جانب سے مواصلاتی خدمات کی بہتری کے لیے جاری اقدامات کو سراہتے ہوئے امید ظاہر کی کہ ان منصوبوں سے گلگت ڈویژن خصوصاً ضلع نگر کے عوام کو نمایاں ریلیف حاصل ہوگا۔
Office of the Chief Secretary, Gilgit Baltistan Information Department Gilgit-Baltistan Chief Minister Gilgit-Baltistan Deputy Commissioner, Nagar Special Communications Organization - SCO

04/08/2026

کمشنر گلگت ڈویژن توقیر حیدر کاظمی نے سیکریٹری داخلہ گلگت بلتستان فیصل احسن پیرزادہ کے ہمراہ ضلع گلگت کے مرکزی جلوسِ چہلم کا دورہ کیا۔ اس موقع ڈی آئی جی گلگت مرزا حسن، ڈپٹی کمشنر گلگت اور ایس پی گلگت بھی موجود تھے۔

وفد نے جلوس کے سکیورٹی، ٹریفک اور انتظامی انتظامات کا جائزہ لیا اور بعد ازاں سی سی ٹی وی کنٹرول روم کا دورہ کیا، جہاں جلوس کی مانیٹرنگ، سکیورٹی اقدامات اور کنٹرول روم کی کارکردگی کے حوالے سے بریفنگ دی گئی۔ کمشنر گلگت ڈویژن نے متعلقہ اداروں کو ہدایت کی کہ جلوس کے اختتام تک مکمل چوکسی برقرار رکھتے ہوئے تمام انتظامات کو مؤثر انداز میں یقینی بنایا جائے۔
Office of the Chief Secretary, Gilgit Baltistan Chief Minister Gilgit-Baltistan Information Department Gilgit-Baltistan

04/08/2026

وزیراعلیٰ گلگت بلتستان جناب امجد حسین ایڈووکیٹ نے ضلع گلگت کے مرکزی جلوسِ چہلم کا دورہ کیا۔

اس موقع پر کمشنر گلگت ڈویژن توقیر حیدر کاظمی، ڈی آئی جی گلگت مرزا حسن اور ڈپٹی کمشنر گلگت نے وزیراعلیٰ کو جلوس کے سکیورٹی، ٹریفک مینجمنٹ اور انتظامی انتظامات پر تفصیلی بریفنگ دی۔ وزیراعلیٰ نے انتظامات پر اطمینان کا اظہار کرتے ہوئے متعلقہ اداروں کی کاوشوں کو سراہا۔
Chief Minister Gilgit-Baltistan Office of the Chief Secretary, Gilgit Baltistan Information Department Gilgit-Baltistan

02/08/2026

کمشنر گلگت ڈویژن توقیر حیدر کاظمی نے دنیور میں چہلم حضرت امام حسینؑ کے مرکزی جلوس کا دورہ کرکے سکیورٹی اور انتظامی انتظامات کا جائزہ لیا۔

انہوں نے جلوس کے روٹ، سکیورٹی، ٹریفک، صفائی، طبی سہولیات اور دیگر انتظامات کا معائنہ کرتے ہوئے متعلقہ اداروں کو ہدایت کی کہ چہلم کے اختتام تک فول پروف سکیورٹی، مؤثر رابطہ اور عزاداروں کو ہر ممکن سہولت کی فراہمی یقینی بنائی جائے۔
Office of the Chief Secretary, Gilgit Baltistan Information Department Gilgit-Baltistan Chief Minister Gilgit-Baltistan