Gilgit-Baltistan Police

Gilgit-Baltistan Police Police , Public & Press liaison regarding Gilgit-Baltistan Police services
call 15 This is the official page of Gilgit-Baltistan Police.

01/06/2026

دیامر ۔آج تقریباً سہ پہر 3 بجے ایک سیاحتی جیپ تتو رائیکوٹ روڈ پر فیری میڈو جاتے ہوئے حادثے کا شکار ہو کر گہری کھائی میں جا گری اور تتو نالے میں بہہ گئی۔
ابتدائی اطلاعات کے مطابق گاڑی میں سوار تمام سیاح اور ڈرائیور تاحال لاپتہ ہیں۔ حادثے کا شکار جیپ کا رجسٹریشن نمبر GLT-1335 بتایا گیا ہے جبکہ ڈرائیور کی شناخت ضیاء اللہ سکنہ داریل، ضلع دیامر کے نام سے ہوئی ہے۔

موصولہ معلومات کے مطابق جیپ میں سوار 02 سیاح خیبر پختونخوا اور 04 سیاح پنجاب سے تعلق رکھتے ہیں۔ خیبر پختونخوا سے تعلق رکھنے والے سیاحوں کے نام علی اور سجاد بتائے گئے ہیں۔

پولیس، امدادی ٹیمیں جائے وقوعہ پر موجود ہیں۔
لاپتہ افراد کی تلاش کے لیے ریسکیو آپریشن جاری ہے۔

(ترجمان گلگت بلتستان پولیس)

01/06/2026

سکردو: جے ایس آر روڈ بروندو نالہ کے قریب ،مٹی کا تودہ گرنے سے بلاک ہوا ھے جہاں کام جاری ہے۔
سڑک کھلنے میں تقریباً 2 سے 3 گھنٹے لگ سکتے ہیں۔

تمام مسافر حضرات، سیاحوں اور آس پاس سفر کرنے والوں سے گزارش ہے کہ روڈ کھلنے تک کسی مناسب جگہ پر انتظار کریں، کیونکہ جس مقام پر روڈ بند ہے وہاں سہولیات میسر نہیں ہیں-روڈ کی تازہ ترین معلومات اور کسی بھی مدد کے لیے پولیس ہیلپ لائن 15 پر رابطہ کریں۔

(ترجمان گلگت بلتستان پولیس)



گلگت بلتستان میں پرامن انتخابی سرگرمیاں، گلگت: گلگت بلتستان میں عام انتخابات کے سلسلے میں سیاسی سرگرمیاں بھرپور انداز م...
01/06/2026

گلگت بلتستان میں پرامن انتخابی سرگرمیاں،
گلگت: گلگت بلتستان میں عام انتخابات کے سلسلے میں سیاسی سرگرمیاں بھرپور انداز میں جاری ہیں جبکہ پورے خطے میں امن و امان کی صورتحال تسلی بخش اور مکمل طور پر قابو میں ہے۔ گزشتہ ایک ماہ کے دوران مختلف سیاسی جماعتوں کی جانب سے انتخابی مہم کے تحت مجموعی طور پر 472 سیاسی سرگرمیاں منعقد کی گئیں، جن میں عوامی اجتماعات، کارنر میٹنگز، افتتاحی تقریبات، سیاسی جلوس اور انتخابی دفاتر کے قیام شامل ہیں۔
اعداد و شمار کے مطابق:
171 عوامی نشستیں اور افتتاحی تقریبات
212 انتخابی و مہماتی دفاتر کے افتتاح
59 سیاسی جلوس
جبکہ 30 بڑے عوامی اجتماعات منعقد کیے گئے۔
ان تمام سرگرمیوں کے دوران مختلف سیاسی و مذہبی جماعتوں میں پاکستان مسلم لیگ (ن)، پاکستان پیپلز پارٹی، جمعیت علمائے اسلام، تحریکِ انصاف، مجلس وحدت المسلمین، استحکامِ پاکستان پارٹی، پاکستان نیشنل پارٹی، عوامی نیشنل پارٹی، پاکستان مسلم لیگ (ق)، پاکستان عوامی تحریک، ملی مسلم لیگ اور دیگر سیاسی و مذہبی جماعتیں شامل ہیں-
مجموعی طور پر گلگت بلتستان میں انتخابی ماحول پُرامن، خوشگوار اور سازگار رہا ہے۔ پولیس اور دیگر قانون نافذ کرنے والے ادارے مسلسل نگرانی، مؤثر حکمتِ عملی اور مربوط حفاظتی اقدامات کے ذریعے امن و امان برقرار رکھنے کے لیے مکمل طور پر متحرک ہیں تاکہ ہر شہری بلا خوف و خطر اپنے جمہوری حقِ رائے دہی کا استعمال کر سکے۔

عوام سے اپیل کی گئی ہے کہ وہ انتخابی عمل کے دوران ذمہ داری، برداشت، قومی یکجہتی اور قانون پسندی کا مظاہرہ کریں۔ شہریوں پر زور دیا گیا ہے کہ:

انتخابی ضابطۂ اخلاق اور ملکی قوانین کی مکمل پاسداری کریں،
افواہوں، اشتعال انگیز بیانات اور منفی پروپیگنڈوں سے اجتناب کریں،

مزید معلومات، رہنمائی یا کسی بھی ہنگامی صورتحال کی اطلاع کے لیے شہری پولیس امدادی نمبر 15 پر فوری رابطہ کر سکتے ہیں۔

(ترجمان گلگت بلتستان پولیس)

گلگت: پولیس ٹریننگ کالج گلگت, میں جنرل پریڈ کا انعقاد کیا گیا، جس کا معائنہ پرنسپل پولیس ٹریننگ کالج گلگت، ایس ایس پی شی...
01/06/2026

گلگت: پولیس ٹریننگ کالج گلگت, میں جنرل پریڈ کا انعقاد کیا گیا، جس کا معائنہ پرنسپل پولیس ٹریننگ کالج گلگت، ایس ایس پی شیر احمد نے کیا۔ پریڈ میں پولیس افسران اور جوانوں نے شرکت کی۔
اس موقع پر خطاب کرتے ہوئے پرنسپل پولیس ٹریننگ کالج نے افسران اور جوانوں کو ہدایت کی کہ وہ اپنی تمام تر توجہ پیشہ ورانہ ذمہ داریوں کی انجام دہی پر مرکوز رکھیں۔ انہوں نے واضح کیا کہ پولیس ایک غیر جانبدار ادارہ ہے، لہٰذا تمام اہلکار کسی بھی قسم کی سیاسی یا جماعتی سرگرمیوں سے مکمل طور پر دور رہیں۔ انہوں نے مزید کہا کہ نظم و ضبط، دیانتداری، قانون کی پاسداری اور عوامی خدمت کے جذبے کو ہر حال میں مقدم رکھا جائے ۔۔

(ترجمان گلگت بلتستان پولیس)

31/05/2026

انتخابی سرگرمیوں کے حوالے سے اہم اعلامیہ

گلگت: چیف الیکشن کمشنر گلگت بلتستان نے واضح ہدایات جاری کرتے ہوئے کہا ہے کہ ( این او سی ) کے بغیر کسی بھی قسم کی انتخابی سرگرمیوں کی اجازت نہیں ہوگی۔ تمام متعلقہ افراد اور جماعتوں سے گزارش ہے کہ قواعد و ضوابط کی مکمل پابندی کریں تاکہ کسی بھی قسم کی شرمندگی یا قانونی کارروائی سے بچا جا سکے۔

عوام سے اپیل کی جاتی ہے کہ پُرامن، شفاف اور منصفانہ انتخابات کے انعقاد کے لیے قانون نافذ کرنے والے اداروں کے ساتھ بھرپور تعاون کریں اور ایک ذمہ دار پاکستانی شہری ہونے کا ثبوت دیں۔

(ترجمان گلگت بلتستان پولیس)

اہم اطلاع 🚨بابوسر ٹاپ شدید برفباری اور خطرناک سیاہ برف کے باعث بند کر دیا گیا ہے۔ تمام سیاحوں اور مسافروں کو ہدایت کی ج...
31/05/2026

اہم اطلاع 🚨

بابوسر ٹاپ شدید برفباری اور خطرناک سیاہ برف کے باعث بند کر دیا گیا ہے۔ تمام سیاحوں اور مسافروں کو ہدایت کی جاتی ہے کہ متبادل راستہ داسو کے ذریعے سفر کریں۔

ذرائع کے مطابق بابوسر سے گلگت جانے والی سفید ٹویوٹا کرولا، جس میں 3 افراد سوار تھے، لاپتہ ہو گئی ہے۔ واقعے کی اطلاع ملتے ہی پولیس ٹیمیں سرچ آپریشن میں مصروف ہیں۔

عوام سے گزارش ہے کہ غیر ضروری سفر سے گریز کریں -مزید معلومات کے لیے پولیس ہیلپ لائن 15 پر رابطہ کریں۔

(ترجمان گلگت بلتستان پولیس)

چین۔پاکستان اسکالرشپ پروگرام 2026 برائے گلگت بلتستان پولیس فیملیزگلگت بلتستان پولیس کی جانب سے مشتہر کردہ پاک چین اسکالر...
31/05/2026

چین۔پاکستان اسکالرشپ پروگرام 2026 برائے گلگت بلتستان پولیس فیملیز

گلگت بلتستان پولیس کی جانب سے مشتہر کردہ پاک چین اسکالرشپ پروگرام 2026 برائے گلگت بلتستان پولیس فیملیز کے حوالے سے مطلع کیا جاتا ہے کہ یہ اسکالرشپ پولیس اہلکاروں کی قربانیوں، لگن اور قیمتی خدمات کے اعتراف میں ان کے اہلِ خانہ کو تعلیمی مواقع فراہم کرنے کے لیے متعارف کروائی گئی ہے۔

سی پی او کی جانب سے تشکیل کردہ کمیٹی اسکالرشپ پروگرام کے لیے اہل امیدواروں کی شارٹ لسٹنگ کے بعد انٹرویوز منعقد کرے گی۔

تمام دلچسپی رکھنے والے جی بی پولیس فیملیز کے اُمیدواروں کو ہدایت کی جاتی ہے کہ وہ درج ذیل دستاویزات جمع کروائیں:

1. تعلیمی اسناد (Academic Documents)
2. میڈیکل سرٹیفکیٹ
3. Valid کریکٹر سرٹیفکیٹ
4. Valid پاسپورٹ
5. شناختی کارڈ (ID Card)
6. والد کا سروس کارڈ
7. پاسپورٹ سائز تصاویر (white background)

تمام درخواست گزار اپنی مکمل دستاویزات 7 جون 2026 تک یا اس سے قبل درج ذیل ای میل پر ارسال کریں:

[email protected]

عمر کی حد: 18 سے 25 سال

صرف مکمل درخواستوں کو شارٹ لسٹنگ کے لیے زیر غور لایا جائے گا۔
مزید معلومات کے لیے رابطہ نمبر :
0355 5633433

(ترجمان گلگت بلتستان پولیس)

گلگت: انسپکٹر جنرل آف پولیس گلگت بلتستان ڈاکٹر اکبر ناصر خان (پی ایس پی) کی صدارت میں آئندہ عام انتخابات 2026 کے سلسلے ...
31/05/2026

گلگت: انسپکٹر جنرل آف پولیس گلگت بلتستان ڈاکٹر اکبر ناصر خان (پی ایس پی) کی صدارت میں آئندہ عام انتخابات 2026 کے سلسلے میں سیکیورٹی انتظامات اور حفاظتی منصوبہ بندی کا جائزہ لینے کے لیے ایک اہم اجلاس منعقد ہوا۔ اجلاس میں علاقائی پولیس افسران اور ضلعی پولیس افسران نے اپنے اپنے علاقوں میں انتخابی سیکیورٹی، حساس انتخابی مراکز کی درجہ بندی، اہلکاروں کی تعیناتی، فوری کارروائی کے نظام اور مجموعی حفاظتی منصوبے کے بارے میں تفصیلی بریفنگ دی۔

اس موقع پرانسپکٹر جنرل آف پولیس ڈاکٹر اکبر ناصر خان نے تمام افسران کو ہدایت کی کہ وہ پیشہ ورانہ اصولوں اور مکمل غیر جانبداری کو ہر صورت برقرار رکھتے ہوئے اپنے فرائض انجام دیں اور آزاد، منصفانہ اور شفاف انتخابات کے انعقاد کے لیے خوف سے پاک ماحول یقینی بنائیں۔

انہوں نے کہا کہ پولیسِ گلگت بلتستان عوام کے جان و مال کے تحفظ اور انتخابی عمل کو پُرامن بنانے کے لیے تمام دستیاب وسائل بروئے کار لائے گی۔ انسپکٹر جنرل آف پولیس گلگت بلتستان نے انتخابی سیکیورٹی اور حفاظتی منصوبہ بندی کے مختلف پہلوؤں پر علاقائی، ضلعی اور دیگر پولیس افسران کو ضروری ہدایات جاری کرتے ہوئے کہا کہ انتخابی ضابطۂ اخلاق پر عملدرآمد، امن و امان کی مؤثر نگرانی اور کسی بھی ہنگامی صورتِ حال سے نمٹنے کے لیے جامع حکمتِ عملی اختیار کی جائے۔

اجلاس میں انتخابی عمل کے دوران مختلف اداروں کے باہمی رابطوں، سیکیورٹی انتظامات کی مؤثر نگرانی اور عوامی اعتماد کے فروغ کے لیے مختلف اقدامات پر بھی غور کیا گیا۔

( ترجمان گلگت بلتستان پولیسِ)

غذر: ڈسٹرکٹ پولیس آفیسر غذر، اسحاق حسین (پی ایس پی) کی زیرِ صدارت ڈی پی او آفس غذر میں آئندہ عام انتخابات کے سیکیورٹی ان...
31/05/2026

غذر: ڈسٹرکٹ پولیس آفیسر غذر، اسحاق حسین (پی ایس پی) کی زیرِ صدارت ڈی پی او آفس غذر میں آئندہ عام انتخابات کے سیکیورٹی انتظامات اور آپریشنل تیاریوں کے حوالے سے ایک اہم اجلاس منعقد ہوا، جس میں ڈی ایس پی ہیڈکوارٹر، متعلقہ افسران اور آفس اسٹاف نے شرکت کی۔

اجلاس میں انتخابی سیکیورٹی پلان، فورس ڈیپلائمنٹ، کنٹرول روم مینجمنٹ، کمیونیکیشن کوآرڈینیشن اور حساس پولنگ اسٹیشنز کے سیکیورٹی انتظامات کا تفصیلی جائزہ لیا گیا۔
ڈی پی او غذر نے افسران کو ہدایت کی کہ الیکشن ڈیوٹی کے دوران غیر جانبداری، پیشہ ورانہ مہارت اور مؤثر رابطہ کاری کو یقینی بنایا جائے۔ انہوں نے کہا کہ پرامن، شفاف اور محفوظ انتخابات کے انعقاد کے لیے تمام دستیاب وسائل بروئے کار لائے جائیں گے۔

(ترجمان گلگت بلتستان پولیس)

غذر: ڈسٹرکٹ پولیس آفیسر غذر، اسحاق حسین (پی ایس پی)، نے انسپکٹر علی زمان کے ہمراہ آئندہ عام انتخابات کے پرامن اور شفاف ا...
31/05/2026

غذر: ڈسٹرکٹ پولیس آفیسر غذر، اسحاق حسین (پی ایس پی)، نے انسپکٹر علی زمان کے ہمراہ آئندہ عام انتخابات کے پرامن اور شفاف انعقاد کے سلسلے میں پونیال حلقے کے مختلف پولنگ اسٹیشنوں کا تفصیلی دورہ کیا۔

دورے کے دوران پولنگ اسٹیشنوں پر سکیورٹی انتظامات، حساس مقامات، رسائی کے راستوں اور مجموعی انتظامی صورتحال کا جائزہ لیا گیا۔ ڈی پی او غذر نے متعلقہ افسران کو ہدایت کی کہ انتخابات کے دوران امن و امان کے قیام اور ووٹرز کو محفوظ ماحول کی فراہمی کے لیے تمام ضروری انتظامات بروقت مکمل کیے جائیں۔

(ترجمان گلگت بلتستان پولیس)

Address

Gilgit

Telephone

+925811930001

Website

Alerts

Be the first to know and let us send you an email when Gilgit-Baltistan Police posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Gilgit-Baltistan Police:

Shortcuts

Share

Category