11/07/2025
پاکستان مسلم لیگ (ن) کے مرکزی سیکریٹری جنرل اور وفاقی وزیر برائے منصوبہ بندی، ترقی و اصلاحات احسن اقبال اور سابق وزیراعلیٰ گلگت بلتستان و صدر مسلم لیگ (ن) گلگت بلتستان حافظ حفیظ الرحمٰن کے درمیان اسلام آباد میں ایک اہم ملاقات ہوئی۔
ملاقات میں پارٹی امور، تنظیمی معاملات اور گلگت بلتستان کے آئندہ عام انتخابات سے متعلق تفصیلی مشاورت کی گئی۔
اس موقع پر گلگت بلتستان میں لیڈی ہیلتھ ورکرز کو درپیش مسائل اور ان کے مؤثر اور پائیدار حل کے لیے درکار حکومتی اقدامات پر بھی خصوصی گفتگو کی گئی۔
دونوں رہنماؤں نے اس بات پر زور دیا کہ لیڈی ہیلتھ ورکرز صحت کے نظام میں ریڑھ کی ہڈی کی حیثیت رکھتی ہیں، اور ان کے مسائل کا حل حکومت کی اولین ترجیحات میں شامل ہونا چاہیے۔
اس ملاقات میں وزیراعظم یوتھ پروگرام کے فوکل پرسن ساجد عثمانی، مسلم لیگ (ن) گلگت بلتستان کے سینئر نائب صدر جناب شفیق الدین اور وسیم خان بھی شریک تھے،۔۔
