Assistant Commissioner/ SDM Danyore

05/09/2026

ڈپٹی کمشنر گلگت کے خصوصی احکامات کی روشنی میں، چیف آفیسر ضلع کونسل گلگت اور تحصیل انتظامیہ کی نگرانی میں سب ڈویژن دنیور میں آوارہ کتوں کے خلاف خصوصی مہم کا آغاز کیا گیا۔
مہم کے دوران 116 آوارہ کتوں کو تلف کیا گیا۔ یہ کارروائی عوامی تحفظ اور شہریوں کو ممکنہ خطرات سے محفوظ رکھنے کے لیے عمل میں لائی گئی۔

ارشد حسین
میونسپل مجسٹریٹ دنیور

23/08/2026

اسسٹنٹ کمشنر دنیور کیپٹن ریٹائرڈ حسن سلیم بٹ کے احکامات کی روشنی میں میونسپل مجسٹریٹ دنیور اور انچارج ٹریفک پولیس دنیور کی نگرانی میں دنیور ٹیکسی ڈرائیور یونین کے انتخابات پُرامن اور شفاف انداز میں منعقد ہوئے۔
انتخابات میں محمد ابراہیم عرف ’’فوجی‘‘ کو 23 اگست 2026 سے 22 اگست 2029 تک تین سال کے لیے بلامقابلہ صدر منتخب کیا گیا۔
نومنتخب کابینہ:
سینئر نائب صدر: مہربان علی
جنرل سیکرٹری: سرتاج حسین
فنانس سیکرٹری: ذاکر حسین
نومنتخب صدر اور کابینہ کو مبارکباد پیش کی گئی۔ امید ہے کہ نئی کابینہ ٹیکسی ڈرائیور برادری کے مسائل کے حل، جائز حقوق کے تحفظ اور انتظامیہ کے ساتھ مؤثر رابطہ کاری کے لیے بھرپور کردار ادا کرے گی۔

20/08/2026

پریس ریلیز

قائم مقام اسسٹنٹ کمشنر دنیور و تحصیلدار دنیور محترمہ زہرا ابراہیم کی زیرِ صدارت دنیور مونگاہ نالہ میں حفاظتی بند کا معائنہ

دنیور، 20 اگست 2026:
قائم مقام اسسٹنٹ کمشنر دنیور و تحصیلدار دنیور محترمہ زہرا ابراہیم کی زیرِ صدارت دنیور مونگاہ نالہ میں واٹر کمپلیکس اور اسٹوریج ٹینک کے تحفظ کے لیے حفاظتی بند کی تعمیرِ نو کے مجوزہ منصوبے کا موقع پر تفصیلی معائنہ کیا گیا۔

اس موقع پر جی بی ڈی ایم اے، محکمہ تعمیرات و مواصلات (C&W)، محکمہ واٹر اینڈ پاور ڈویلپمنٹ (W&P&D)، محکمہ معدنیات و کان کنی، لوکل گورنمنٹ و رورل ڈویلپمنٹ (LG&RD) اور محکمہ مال کے متعلقہ افسران، ایس ڈی اوز اور تکنیکی نمائندگان نے شرکت کی۔

معائنے کے دوران کمیٹی نے مونگاہ نالہ کی موجودہ صورتحال، ممکنہ سیلابی خطرات اور واٹر کمپلیکس و اسٹوریج ٹینک کے تحفظ کے لیے درکار اقدامات کا جائزہ لیا۔ کمیٹی نے قرار دیا کہ ممکنہ سیلابی پانی، ملبے اور بڑے پتھروں سے اہم آبی تنصیبات کو محفوظ رکھنے کے لیے حفاظتی بند کی تعمیرِ نو ضروری ہے۔

موقع پر موجودہ تخمینے کا بھی تفصیلی تکنیکی جائزہ لیا گیا۔ کمیٹی نے سفارش کی کہ تخمینے کو منظور شدہ ڈیزائن، تکنیکی ضروریات اور موقع کی اصل صورتحال کے مطابق نظرثانی کیا جائے۔ غیر ضروری فلنگ کی مقدار کو کم اور معقول بنایا جائے جبکہ تخمینے میں شامل 30 فیصد پریمیم کو حذف کیا جائے۔

قائم مقام اسسٹنٹ کمشنر دنیور و تحصیلدار دنیور محترمہ زہرا ابراہیم نے متعلقہ محکموں کو ہدایت کی کہ تمام ضروری تکنیکی و مالی اصلاحات مکمل کرکے نظرثانی شدہ تخمینہ مجاز اتھارٹی کو منظوری اور مزید ضروری کارروائی کے لیے پیش کیا جائے، تاکہ حفاظتی بند کی تعمیرِ نو کا عمل بروقت شروع کیا جا سکے۔

18/08/2026

اسسٹنٹ کمشنر دنیور کیپٹن ریٹائرڈ حسن سلیم بٹ کے احکامات پر دنیور بازار ایریا کا تحصیلدار دنیور، نائب تحصیلدار دنیور، میونسپل مجسٹریٹ دنیور اور ایس ایچ او دنیور نے مشترکہ دورہ کیا۔ دورے کے دوران بازار میں انکروچمنٹ، ٹریفک مینجمنٹ اور صفائی ستھرائی کی صورتحال کا تفصیلی جائزہ لیا گیا۔
معائنے کے دوران دکانداروں کو ہدایت کی گئی کہ وہ اپنی دکانوں کا سامان مقررہ حدود کے اندر رکھیں، فٹ پاتھوں اور سڑکوں پر کسی قسم کی تجاوزات قائم نہ کریں اور ٹریفک کی روانی میں رکاوٹ پیدا کرنے سے گریز کریں۔
بازار میں صفائی ستھرائی کی صورتحال کا بھی جائزہ لیا گیا اور دکانداروں و متعلقہ ذمہ داران کو صفائی کا معیار بہتر بنانے، کچرا مقررہ مقامات پر پھینکنے اور بازار کے ماحول کو صاف ستھرا رکھنے کی ہدایات جاری کی گئیں۔
دورانِ معائنہ خلاف ورزی کرنے والے بعض افراد کے خلاف قانون کے مطابق جرمانے عائد کیے گئے جبکہ متعلقہ افراد کو آئندہ خلاف ورزی کی صورت میں مزید سخت کارروائی سے متنبہ کیا گیا۔

11/08/2026

*پریس ریلیز*

شہدائے منوگاہ نالہ کو خراجِ عقیدت

دنیور: انتظامیہ سب ڈویژن دنیور کی جانب سے منوگاہ نالہ میں وطن کی آبیاری اور عوام تک پانی پہنچانے کے عظیم مقصد کے لیے کام کرنے والے ان محنت کشوں کو خراجِ عقیدت پیش کیا جاتا ہے، جنہوں نے خدمتِ خلق کے جذبے کے تحت فی سبیل اللہ اپنی خدمات انجام دیتے ہوئے اپنی جانوں کا نذرانہ پیش کیا۔

واٹر چینل کے کام کے دوران اچانک مٹی اور ملبے کا بھاری تودہ ان کے اوپر آ گرا، جس کے نتیجے میں وہ شہید ہوگئے۔ شہداء کا جذبۂ خدمت، وطن کی آبیاری اور عوام کو پانی کی فراہمی کے لیے ان کی بے لوث کاوشیں ہمیشہ یاد رکھی جائیں گی۔

انتظامیہ سب ڈویژن دنیور شہداء کی عظیم قربانی کو سلام پیش کرتی ہے اور ان کے اہلِ خانہ سے دلی ہمدردی اور تعزیت کا اظہار کرتی ہے۔ ان کی قربانیاں ہمارے لیے مشعلِ راہ ہیں اور انہیں ہمیشہ عزت و احترام سے یاد رکھا جائے گا۔

شہداء منوگاہ نالہ کو سلام!
وطن کی آبیاری کے اس عظیم مشن میں ان کی قربانی ہمیشہ یاد رکھی جائے گی۔

انتظامیہ
سب ڈویژن دنیور

10/08/2026

*پریس ریلیز*
اسسٹنٹ کمشنر دنیور کا زیرِ تعمیر سڑکوں کا دورہ، کام کے معیار اور پیش رفت کا جائزہ

اسسٹنٹ کمشنر دنیور نے ایس ڈی او بی اینڈ آر کے ہمراہ محمد آباد–اوشکھنداس روڈ کا تفصیلی دورہ کیا۔ دورے کا مقصد جاری ترقیاتی منصوبے کے کام کے معیار اور پیش رفت کا جائزہ لینا، نیز مقامی آبادی کو درپیش مسائل کے باعث منصوبے کی تکمیل میں ہونے والی تاخیر کا ازالہ کرنا تھا۔

دورے کے دوران اسسٹنٹ کمشنر نے جاری تعمیراتی کام کا موقع پر معائنہ کیا اور متعلقہ ٹھیکیدار کو ہدایت کی کہ منظور شدہ تصریحات کے مطابق کام کے معیار کو ہر صورت یقینی بنایا جائے۔ بالخصوص سڑک کی کارپٹنگ مکمل ہونے کے بعد اس کے تحفظ اور نکاسیٔ آب کے مؤثر انتظام کے لیے معیاری سائیڈ ڈرینز کی تعمیر یقینی بنانے کی ہدایت کی گئی۔ متعلقہ فریقین کو زیرِ التواء مسائل فوری طور پر حل کرنے کی بھی ہدایت کی گئی تاکہ منصوبے کو مزید تاخیر کے بغیر مکمل کیا جا سکے۔

بعد ازاں اسسٹنٹ کمشنر دنیور نے اوشکھنداس سنٹرل روڈ کا بھی دورہ کیا، جہاں چند افراد کے اعتراضات اور اراضی کے حصول سے متعلق معاملات کے باعث منصوبہ گزشتہ دو سال سے زائد عرصے سے تاخیر کا شکار ہے۔

اس موقع پر اسسٹنٹ کمشنر نے محکمہ مال کے عملے اور متعلقہ فریقین کے ہمراہ موقع پر صورتحال کا جائزہ لیا۔ محکمہ مال کے عملے کو ہدایت کی گئی کہ معاوضے سے متعلق تمام ضروری کاغذات ایک ہفتے کے اندر مکمل کیے جائیں تاکہ حصولِ اراضی کا عمل بروقت مکمل کرکے سڑک کی تعمیر میں حائل رکاوٹوں کو دور کیا جا سکے۔

اسسٹنٹ کمشنر دنیور نے واضح کیا کہ عوامی مفاد کے ترقیاتی منصوبوں کی بروقت تکمیل کے ساتھ ساتھ تعمیراتی کام کے معیار کو یقینی بنایا جائے، جبکہ متاثرہ مالکان اور مقامی آبادی کے جائز مسائل کو بھی قانون اور قواعد کے مطابق بروقت حل کیا جائے۔

25/07/2026

*پریس ریلیز*

اسسٹنٹ کمشنر/سب ڈویژنل مجسٹریٹ دنیور، کیپٹن (ر) حسن سلیم بٹ نے تحصیلدار دنیور، نائب تحصیلدار دنیور اور ضلع انتظامیہ کے عملے کے ہمراہ جے ایس آر (JSR) روڈ کا دورہ کیا، جہاں حالیہ شدید بارشوں کے باعث انسر کے قریب آر سی سی پل دریا کی زد میں آ کر بہہ گیا ہے۔

دورے کے دوران اسسٹنٹ کمشنر نے متاثرہ مقام کا تفصیلی جائزہ لیا اور جاری بحالی کے کام کا معائنہ کیا۔ اس موقع پر متعلقہ محکمہ کو ہدایت جاری کی گئی کہ جی ایس آر روڈ کی بحالی اور آمدورفت کی جلد از جلد بحالی کے لیے تمام ضروری اقدامات بروئے کار لائے جائیں تاکہ عوام کو درپیش مشکلات کا فوری ازالہ کیا جا سکے۔

اسسٹنٹ کمشنر نے متعلقہ حکام کو ہدایت کی کہ بحالی کے کام میں معیار اور رفتار دونوں کو یقینی بنایا جائے تاکہ روڈ کو جلد از جلد ٹریفک کے لیے بحال کیا جا سکے۔

مزید برآں، ضلع انتظامیہ نے تمام سیاحوں اور جی ایس آر روڈ استعمال کرنے والی مقامی آبادی سے اپیل کی ہے کہ روڈ کی مکمل بحالی تک غیر ضروری سفر سے گریز کریں اور اپنی حفاظت کو یقینی بناتے ہوئے انتظامیہ کی جانب سے جاری کردہ ہدایات پر مکمل عمل کریں۔

ضلع انتظامیہ صورتحال پر مسلسل نظر رکھے ہوئے ہے اور عوام کی سہولت و حفاظت کو یقینی بنانے کے لیے تمام متعلقہ اداروں کے ساتھ رابطے میں ہے۔

جاری کردہ:
دفتر اسسٹنٹ کمشنر / سب ڈویژنل مجسٹریٹ دنیور

25/07/2026

پریس ریلیز

اسسٹنٹ کمشنر/سب ڈویژنل مجسٹریٹ دنیور، کیپٹن (ر) حسن سلیم بٹ نے تحصیلدار دنیور، نائب تحصیلدار دنیور اور ضلع انتظامیہ کے عملے کے ہمراہ جے ایس آر JSR روڈ کا دورہ کیا، جہاں حالیہ شدید بارشوں کے باعث انسر کے قریب آر سی سی پل دریا کی زد میں آ کر بہہ گیا ہے۔

دورے کے دوران اسسٹنٹ کمشنر نے متاثرہ مقام کا تفصیلی جائزہ لیا اور جاری بحالی کے کام کا معائنہ کیا۔ اس موقع پر متعلقہ محکمہ کو ہدایت جاری کی گئی کہ جی ایس آر روڈ کی بحالی اور آمدورفت کی جلد از جلد بحالی کے لیے تمام ضروری اقدامات بروئے کار لائے جائیں تاکہ عوام کو درپیش مشکلات کا فوری ازالہ کیا جا سکے۔

اسسٹنٹ کمشنر نے متعلقہ حکام کو ہدایت کی کہ بحالی کے کام میں معیار اور رفتار دونوں کو یقینی بنایا جائے تاکہ روڈ کو جلد از جلد ٹریفک کے لیے بحال کیا جا سکے۔

مزید برآں، ضلع انتظامیہ نے تمام سیاحوں اور جی ایس آر روڈ استعمال کرنے والی مقامی آبادی سے اپیل کی ہے کہ روڈ کی مکمل بحالی تک غیر ضروری سفر سے گریز کریں اور اپنی حفاظت کو یقینی بناتے ہوئے انتظامیہ کی جانب سے جاری کردہ ہدایات پر مکمل عمل کریں۔

ضلع انتظامیہ صورتحال پر مسلسل نظر رکھے ہوئے ہے اور عوام کی سہولت و حفاظت کو یقینی بنانے کے لیے تمام متعلقہ اداروں کے ساتھ رابطے میں ہے۔

جاری کردہ:
دفتر اسسٹنٹ کمشنر / سب ڈویژنل مجسٹریٹ دنیور

21/07/2026

اسسٹنٹ کمشنر دنیور کیپٹن (ر) حسن سلیم بٹ کے احکامات پر اوشکھنداس، جلال آباد اور محمد آباد بازاروں کا دورہ کیا گیا۔ اس دوران باربر شاپس، جنرل اسٹورز پٹرول پمپ اور دیگر کاروباری مراکز کا معائنہ کرتے ہوئے صفائی ستھرائی، سرکاری نرخ ناموں پر عملدرآمد اور مجموعی انتظامات کا جائزہ لیا گیا۔ مختلف خلاف ورزیوں پر متعدد دکانداروں کے خلاف کارروائی کرتے ہوئے موقع پر جرمانے عائد کیے گئے، جبکہ تمام تاجروں کو ہدایت کی گئی کہ صفائی کے معیار کو برقرار رکھتے ہوئے سرکاری نرخ ناموں پر سختی سے عملدرآمد یقینی بنائیں، بصورت دیگر قانونی کارروائی عمل میں لائی جائے گی۔

19/07/2026